2 Timoti 3:14 - mzwDBL

¹⁴ Kɛ he te, dɛɛ teŋɛ kasinteŋ webaɡla haa hwela dɛ jemɛ kɛ a ɛ kasinteŋ la ta. Bɛ ɡel bwa. He jemɛ nɛra baa baɡle ɡɛ waa la, dɛɛ yarada ba ɡe.

2 Timoti 3:14 ပူးပေါင်းရင်းမြစ်များ

We-ɛɛla 17:31

dɛkalkɛŋɔ o do tɔpere waa dɛ ba nɛwɛnyini bwa waa bola kasinteŋ ne la. O le nɛn wɛɛ ba waa la bola. O ir naate seo ta ásɛ nɛra jemɛ kɛŋɔ kpelaa o waa la.”

Tɔn Pɔɔl Aa Chwerɛ Rom Tena 14:5

Nomɛl ɛɛ dɛɛ liiruu kɛŋɔ tɔpere bɛl ɛ onjen ɡwaa bɛl, ásɛ bɛl ɡee lii kɛŋɔ tɔpera bwa kɛrɛdɛ. A chɛ kɛ bɛlbwa jemɛ anɔ la aa wera kɛŋɔ o ɛ ne anɔ la aa wola were o nyu bini.

Kolosi 2:2

dɛ́ do he bwa ɡbemba he won nyin dɔŋa dɛ́ ɛ beŋkpoŋ, dɛ́ won jemɛ Korowii wesɔɔhla waa pili a bini tɛ heyaa la kɛrɛdɛ, he bɛ aahna-aahna tamaa bɛlbwa ɛ, dɛ́ dɔ tɔnɔ le o waa la bini kɛrɛdɛ. O waa laanee Yeesu Kristo.

1 Tesalonika 1:5

dɛkalkɛŋɔ Amanesoma la yaa baɡle heyaa la, wobol ɡbo ta laa a che dɛ ba he be. Awola haa no waa la, Korowii kpeɡri la ne o Domadɛɛɡe la ɡelɔ he jemɛ kɛŋɔ a ɛ kpela. He jemɛ ɡɛ yaa koh he waa dɛ kpoŋe ya te ɡɛ saŋ ya ne haa soɡa la.

1 Tesalonika 2:13

Ya dɛ jam Korowii tɔpere bɛlbwa, dɛkalkɛŋɔ yaa bol Korowii Waa la he be la, he noa kɛŋɔ Korowii Wa. He ta an noɛ kɛŋɔ nɛn wa. Gɛɛ a do kpela. A ɡɛ waa nɔɔ dɛɛ ɛ toma he nɛra haa yaradaa nɔ bini la.

1 Timoti 4:16

Dɛɛ nyiŋi he te kɛrɛdɛ he soɡa bini ne he webaɡla bini. Kpoŋe a bini kiŋkiŋ, dɛɛ ɛ ɡɛ haa dɛ baɡle nɛra la. Dɛ he dɛ ɛ ɡɛ naa, hɛɛ lɛ he ɡbaɡba ne nɛra baa dɛ no he be la bwaa.

2 Timoti 1:13

Lawɛ kasinteŋ waa maa chaɡle la bini kiŋkiŋ, dɛ́ teŋɛ a ta, dɛ́ so Korowii yarada ne nɛnnyin yaa dɔa le pɛɛ ya ne Yeesu Kristo aa pɛa ta la ta.

2 Timoti 2:2

Waa la nɛra aa chema warɛ asɛ n bol he be la, bola baɡle nɛra ba wa aa dɔ kasinteŋ dɛ jemɛ kɛ ba ɡe ɛɛ wonoo kpɔ bol baɡle nɛra bane ɡe la.

2 Timoti 3:15

He bechale saŋ bwaa he le jemɛ Korowii Tɔn bini waa aa dɛ ba wona ɡel he dɔ wejema, dɛ che yarada haa dɛ yarada Yeesu Kristo la ta Korowii lɛɛ.

Taetos 1:9

A chɛ kɛŋɔ wɛɛ teŋɛ Korowii kasinteŋ waa la ta ɡɛ ba fa aa baɡlo la, dɛ́ won dɛɛ baɡle Korowii waa aŋwɛnɛ ta nɛra be, ásɛ dɛ won dɛɛ ja ba, dɛ́ bol waa dɛɛ baɡle banɔ la baa dɛ tɔŋle kasinteŋ waa la, ásɛ ba ɡe jemɛ.

Hibru 10:22

Anomanta, Korowii aa sɔ ya wechɔɡa ta waa wola ɡelɛ ya liire ɛɛ ɛ yaa kɛŋɔ ya ɛ wechɔɡa kpa, dɛ kpɔ o nedɛɛɡa sɔ ya bwadabii nɔ, hé ɡel ya kpɔ tepoŋ ne yarada ba o be, ya bɛ tɔŋle tama bɛlbwa,

Hibru 6:11

Ya dɛ nyin kɛŋɔ he bɛlbwa swɛɛ siwi ɡɛ dɛ́ ka tonɛ, ásɛ dɛ won dɔ kon haa dɛ hwɛɡɛ o ta la.