2 Timoti 2:24 - mzwDBL

²⁴ Nɛn waa ɛ ya Dɔɔ bonɔɔ ta chɛ kɛŋɔ o ne nɛn naɡre. A chɛ kɛ ó pwɛr o te tɛ nomɛlbwa, dɛ́ won nɛra kwaa baɡla kɛrɛdɛ, dɛ nɛn jo o nɛ aa, ó won lawɛ bambile,

2 Timoti 2:24 ပူးပေါင်းရင်းမြစ်များ

2 Webena 24:6

Anomanta, o yerɛ Sɔfonomoa Jehoiada dɛ ŋɔ o be ŋɔ, “Ɛrɛɛ he ta nyiŋe Lewi dea tena la Juda ne Jerusalam, dɛ ka lɛ benanyoa bɛlbwa toɔ, Korowii bonɔɔ Mosis ne Israel tena bwa aa ŋɔa bá ka lɛ ba kwaa Korowii Dea Cheremibɔr laɔ?”

Aesaya 40:11

Wɛɛ nyiŋi o nɛra nɛɛ kɛŋɔ peteɡre yon dɛɛ nyiŋi o peera nɛɛ dɛ́ kpɔ a bii pɛl o bambile, ásɛ dɛ teɡɛ a nyare aa loɡla la kaa bɔeeh ken.

Daneɛl 6:20

Waa dɛ bɛne bɔɔ la la, o bambile chɔɡɔ o kpɔ takpeɡ dɛ yerɛ Daneɛl ŋɔ, “Daneɛl, Korowii waa lole saŋ bɛlbwa la bonɔɔ, Korowii haa dɛ tomɔ kasinteŋ ne tɔpere bɛlbwa la wono ba lɛɛ le nyujentena la be naa?”

Matiu 12:19

Waa waa tɔŋle dɛɛ nyɛɡ, waa takpeɡ ɡee kpɔ bol waa fɔɡbaahna.

Amanesoma Jɔn Aa Chwera Tɔn 6:52

Belaa Juu tena la berɛ dɛɛ tɔŋle dɔŋa ŋɔ, “Aah ɛrɛɛ wɛɛ ba wona tɛ yaa o bo-ol yaa dio?”

We-ɛɛla 15:2

Pɔɔl ne Banabas ne ɡɛ nɛra la tɔŋle dɔŋa kɛrɛdɛ. Anomanta, ba tomɛ o ne Banabas ne Anteɔk asɔre tena la bane Jerusalam ŋɔ bá ka na Yeesu toroma la ne asɔre tena nomonome la a ɡɛ waa la wa.

We-ɛɛla 23:9

Ba nyɛɡa la nyoa baa do kpeɡri, asɛ Farisii tena Tɔnjerema la ir che dɛ ŋɔ, “Ya ta wechɔɡa bɛlbwa baa nɔ nɛɛ nae. Bɛl lole komɛl kɛɛ nyundua torome bɛlee bol waa o be!”

We-ɛɛla 7:26

Tɔ aa pera la, o na Israel tena banɛ baa yo, dɛ la ŋɔ ó ka larawe ba yoi la. O ŋɔ ba be ŋɔ, ‘Nɛmbeŋkpoŋii heya. Bɔkwaa dɔ heyaa hɛɛ yo ken ɔ?’

2 Kɔrent 10:1

Men Pɔɔl, n dɛ soŋe heya. Ba ŋɔ n lɔ he be naa, n pwɛre, kɛ n le he be te naa, n waa kpeɡri. N dɛ soŋe heyaa kɛŋɔ hé nyiŋi ɡɛ Yeesu Kristo aa pwɛra o tea do som la,

2 Kɔrent 10:4

Dɔmkwaa yaa dɛ yo a ne la, nɛwɛnyina kwaa laa. A ɛ Korowii dɔmkwaa o kpeɡri aa lɔ a ta, asɛ ya kpɔ dɛɛ paɡre dekpeɡa.

2 Kɔrent 6:4

Ya dɛ ɛ ya wobɛlbwa ɡɛ aa chɛ kɛ nɛra Korowii aa tom ba ɛɛ ɛ. Wekpeɡa dɛ pu yaa, ya lawɛ bambile dɛɛ so a ne. Ya dɛ na bambiwɔrɔbe wa, a won yaa hiaih kohona. Ya dɛ na sibeɡrewaa ɡe kɛrɛdɛ.

Galaasia 5:22

Korowii Domadɛɛɡe la te, kwaa waa dɛ tɛ laanee dɔŋa nyina, ne silɛɛ, ne nyopɛo, ne bambile dɔe, ne tesom, ne wedɛɛɡa ɛɛ, dɛ kasinteŋ dɔe,

Ɛfesos 4:2

Hɛ́ɛ sɔɔh bwara dɛɛ pwɛr he te, dɛ́ koh dɔŋa nyina waa dɛ́ dɔ bambile dɔŋa nɛ,

Mmarare 34:5

Anomanta, Korowii bonɔɔ Mosis sewɛ Moab harɛ ta bela ɡɛ Korowii aa ŋɔa waa ɡel o la harɛ la ta la.

Felepae 2:14

Wobɛlbwa haa dɛ ɛ la, he bɛ waa dɛɛ naɡre, dɛ bɛ waa dɛɛ tɔŋle,

Felepae 2:3

He bɛlbwa bɛ o ɡbo sɔn nyina kɛɛ jenu waa koh dɛɛ ɛ wa, kɛ hé pwɛr he te dɛ́ɛ tɛ dɔŋa, dɛ́ kpɔ ba ɡwaa he ɡbaɡba.

Kolosi 3:13

Dɛ he bini bɛlbwa ne o dɔŋ dɔ waa aa, ó lawɛ bambile dɛ́ kpɔ kɛo. Gɛ Korowii aa kpɔ he wechɔɡa kɛ heyaa la, ɡɛɛ chɛ kɛ he ɡe kpɔ dɔŋa kwaa dɛ́ɛ kɛ ba.

1 Tesalonika 2:7

Ya ɛ Yeesu Kristo toroma, dɛ fe dɔ ŋwɛnɛ kɛ ya lɛ komɛl le he be. Kɛ ya tɛ heyaa sisɔna kɛŋɔ haah naa ta tea dɛɛ dɛɛ o bechasɔɔhna la.

1 Timoti 6:11

Hei, Timoti! Haa dɛ teŋɛ Korowii nɛɛ nɔ, a chɛ kɛŋɔ hɛ́ɛ ke he te ɡɛ waa la te bwa ta, dɛ́ swɛɛ siwi dɛɛ ɛ waa aa dɛ su Korowii siwi, dɛɛ tomɔ, dɛɛ yaradao, dɛɛ nyin nɛn, dɛ́ won bambile lawa wobɛlbwa ta, dɛ́ do pwɛre.

Taetos 1:1

Men Pɔɔl maa ɛ Korowii bonɔɔ dɛ berɛ ɛ Yeesu Kristo torome la, men chwerɛ tɔn nɔ. Korowiirii lee mɛ dɛ ŋɔ mɛ́ɛ cha nɛra waa lee ba tɛ o te la, ásɛ ba yarada kaa sie ba won jemɛ o kasinteŋ la, dɛ́ che a ta tomɛ Korowii.

Taetos 1:7

dɛkalkɛŋɔ, a chɛ kɛ nɛn waa dɛ tɔ asɔre tena sie la ɛ nɛndɛɛɡe nomɛlbwa aa wola o wechɔɡee dɔ bol bwa, waa ɛ Korowii bonɔɔ nomanta. A chɛ kɛ o ɛ nɛn waa wola o te baɡle, dɛ lɛ nɛn kon dɛɛ ja o kon ta, o baah aa wola di warawara, waa wola sennyɔdɛɛ ɛɛ, waa wola naɡra nyin, o siwi aa wola suuɡa ta beɡre kohona.

Taetos 1:9

A chɛ kɛŋɔ wɛɛ teŋɛ Korowii kasinteŋ waa la ta ɡɛ ba fa aa baɡlo la, dɛ́ won dɛɛ baɡle Korowii waa aŋwɛnɛ ta nɛra be, ásɛ dɛ won dɛɛ ja ba, dɛ́ bol waa dɛɛ baɡle banɔ la baa dɛ tɔŋle kasinteŋ waa la, ásɛ ba ɡe jemɛ.

Taetos 3:2

Ŋɔ ba be ba bɛ nɛra bwara wechɔɡe dɛɛ bol, ba bɛ dɛɛ naɡre, báa pwɛr ba te, dɛɛ tɛ nomɛlbwa duure kɛrɛdɛ.

Jems 1:1

Men Jems maa ɛ Korowii ne ya Dɔɔ Yeesu Kristo bonɔɔ laanee chwerɛ tɔn nɔ dɛɛ tɛ he Israel deene fi dɛ anɛ tena haa lɔ bobɛlbwa la. N dɛ na heya.

Jems 3:17

Nɛn waa dɔ Korowii doa wejema la, kenii o da do, o waa do kaih, o waa dɔ deŋnesɔɔhna, o pwɛre, o dɛ no o dɔŋ wa, o dɛ na o dɔŋ sum, o ɛ nɛndɛɛɡe, o we-ɛɛla bwa wer, waa nɛra bane duure dɛɛ ɡwaa bane, o tea too.

Jems 4:2

Kwaa haa dɛ nyin haa wola dɔ la waa hɛɛ kpoo dɔŋa la. He dɛ nyin kwaa sibeɡra ne, kɛ haa dɔ, a waa ɡela hɛɛ naɡre dɛɛ yo la. Haa wola Korowii soŋe la waa haa wola he konnyina dɔ la.

Josua 1:1

Korowii bonɔɔ Mosis seo habɔɔ la, Korowii ŋɔ Nun bibaa Josua, o fa aa dɛ cha Mosis la be ŋɔ,

1 Pita 3:8

Waa maa dɛ nyin n bol laanee kɛŋɔ hé ɡel he nyoa pɛ, hé dɔ dɔŋa chal, hɛ́ɛ nyin dɔŋa kɛŋɔ nyabii. Hé dɔ tedoma dɛɛ tɛ dɔŋa, dɛ pwɛr he te dɛɛ tɛ dɔŋa.

Tɔn Jud Aa Chwera 1:3

N dandɛɛɡa, n siwi fe swɛɛrɔ mɛɛ nyin kɛ ń chwerɛ heyaa tɔn dɛ baɡle lɛɛ Yeesu aa lɛ n ne he bwa la wa, asɛ n berɛ na kɛŋɔ a chɛ kɛ ń chwerɛ heyaa buɡ nɔ ta dɛ́ do heyaa ɡbemba, ásɛ hɛɛ yo waa yaa dɛ yarada la wa. Korowiirii fa baɡle o nɛra ba wa aa toɡra ɡɛ baa dɛɛ tomɔ. Gɛ waa baɡ ba la aa berɛ bwa.