2 Timoti 2:21 - mzwDBL

²¹ Anomanta, dɛ nomɛlbwa laa o te kpɔ wedoŋa ne wechɔɡa bwa ta naa, naate la do kɛŋɔ kwaa baa dɛ le a ne wejena ɡbo ta la. O do kaih dɛ do le tɛ o Dɔɔ, dɛ dɔ tɔnɔ tɛo, dɛ che le kɛ ó kpɔɔ ɛ tondɛɛɡa te bwa.

2 Timoti 2:21 ပူးပေါင်းရင်းမြစ်များ

Yela 119:9

Ɛrɛɛ bonɔɔ we-ɛɛla ɛɛ ba wona do wer he be nɔ? Nemenɛ wɛɛ teŋɛ he Mmarare ta.

Aesaya 1:25

Mɛɛ tɛr he deŋnee kohona, dɛ ɛ heyaa kɛŋɔ ba yon kpɔ suuɡaswɛm do nii ta dɛ laa o doŋa kpɔ o ta la ken.

Aesaya 52:11

Hé le Babelɔn harɛ! Hé pere he te le ba nɛɛ kwara! He bɛ komɛlbwa waa kah doŋa leɡe! He nɛra haa cheɡɛ Korowii Dea laala la, hé le ba bini, dɛ́ do ɡoroŋ.

Jeremia 15:19

Anomanta, waa Korowii aa dɛ bol men Jeremia be laanee nɔ, “He berɔ ba n be naa, mɛɛ lɛɛ, ásɛ he berɛ ɛ n keame. He dɛ bol wobodɛɛɡa, dɛ anchɔɡa laa aa, hɛɛ bol n waa dɛɛ tɛ mɛ. Gel nɛra nɔ no, dɛ́ ba he be, he te laa dɛ́ la ba be.

Malakae 3:3

Wɛɛ ba sɔ Lewi dea tena doŋaa ta kɛŋɔ ba yon mwɛɛ suuɡapoŋ ne suuɡaswɛm dɛ laa doŋa kpɔ a ta la ken. Gɛɛ Korowii ɛɛ ba nɛra ba wa aa toɡra dɔe, ásɛ ba kpɔ saraha kwaa aa wera baa tɛo,

We-ɛɛla 9:15

Anee Yeesu ŋɔ o be ŋɔ “Kaa! Menee leo dɛɛ nyin n tomɔ, ásɛ nɛra baa wola Juu tena ɛɛ ne ba koranar ne Israel tena bwa ba che o nɛɛ dɛ́ jem mɛ.

1 Kɔrent 5:7

Anomanta, hé laa ɡɛ wechɔɡ-ɛɛ la kpɔ he bini, ásɛ o wechɔɡa aa do kɛŋɔ iisi la bɛ heyaa bu, ásɛ he do wer kɛŋɔ paanoo baa wola iisi a ta doe, dɛ di Galekaa Tɔpejen la. He do ɡɛ kpela. Yeesu Kristo koh ya waa dɛ sewɛ kɛŋɔ baa kpo peebie Galekaa tɔpere ta la.

2 Kɔrent 7:1

N dandɛɛɡa, yanee Korowii baɡɛ a ɡɛ nyoa nɔ bwa. Anomanta, hé ɡel ya do kaih. Yá laa ya bwadabii ne ya bambile kpɔ wechɔɡa bɛlbwa ta. Hé ɡel ya swɛɛ siwi dɛ do ɡoroŋ, ɔma yaa dɛ ɔmɛ Korowii nomanta.

2 Kɔrent 9:8

Korowiirii dɛ won tɛ heyaa kwaa a ɡwaa ɡɛ haa dɛ nyin, ásɛ he dɔ kohona saŋ bɛlbwa, dɛ́ won kpɔ dɛɛ ɛ wedɛɛɡa kohona.

Ɛfesos 2:10

Korowiirii ta ya bwa. Waa ta yaa la, wedɛɛɡa ɛɛ waa o ta yaa ásɛ ya che Yeesu Kristo kpeɡri ta dɛɛ ɛa. O tɔ sie cheɡ yaa kɛ ya baa ɛ wedɛɛɡa.

1 Timoti 6:11

Hei, Timoti! Haa dɛ teŋɛ Korowii nɛɛ nɔ, a chɛ kɛŋɔ hɛ́ɛ ke he te ɡɛ waa la te bwa ta, dɛ́ swɛɛ siwi dɛɛ ɛ waa aa dɛ su Korowii siwi, dɛɛ tomɔ, dɛɛ yaradao, dɛɛ nyin nɛn, dɛ́ won bambile lawa wobɛlbwa ta, dɛ́ do pwɛre.

2 Timoti 2:16

Laa he te kpɔ nɛra baa dɛ bol wobosale a ne Korowii waa aa wola kaa la nɛ, dɛkalkɛ ɡɛ waa nɔ ɡelɔ nɛra ɛɛ le Korowii habɔɔ dɛ kaa ɛ anɔ la aa wola chɛɛ.

2 Timoti 2:20

Dem waa kana la, konsiwi beŋkpoŋ ɡbo laa lɔ o ta. Suuɡaswɛm ne suuɡapoŋa kwaa lɔ o ta. Ane lole, daa nee ba sɛah, dɛ kpɔ choh ma ane ɡe. Ane lole, wejena ta ɡboo baa le a ne, asɛ ane ɡe ba kpɔa dɛɛ ɛ wesale bɛlbwa.

2 Timoti 3:17

Anee dɛ won cha Korowii nɛn ó won ɛ wedɛɛɡa bwa ka tonɛ.

2 Timoti 4:11

Luk ɡboo lɔ n be bonɔ. He dɛ ba naa, kpɔ Mak ja he nɛɛ he ne o ba, dɛkalkɛ o ɛ nɛn bɛl waa won n chae n toma nɔ ta ɡa.

Taetos 3:1

Lii ba ŋɔ báa pwɛr ba te dɛɛ tɛ nomonome baa dɛ di kpeɡri te bɛlbwa, dɛɛ no ba deŋna wa, dɛ́ kpɔ ba te kɛ baa dɛɛ ɛ waa aa wera bwaa.

Taetos 3:14

Gel yabala bwa hweli wedɛɛɡa ɛɛ, dɛɛ cha nɛra aa hiah ba, dɛ bɛ nɛra baa wola tɔnɔ dɔe ɛ.

Taetos 3:8

Waa nɔ bwa ɛ kpela. Anomanta, dɛɛ berɛ a baɡla ɔma, ásɛ nɛra baa no Korowii waa dɛ yarada la swɛɛ siwi dɛɛ ɛ wedɛɛɡa. Gɛɛ wera dɛ dɔ tɔnɔ tɛ nomɛlbwa.

1 Pita 1:22

Taraken nɔ haa sɛh kasinteŋ la ta teŋa, asɛ a che a ta he doŋa le he nɛɛ hɛɛ nyin dɔŋa kɛrɛdɛ nɔ, hé den dɛɛ nyin dɔŋa kohona bambile bwa ne,

1 Pita 1:7

A bwa dɛ baɡle kɛŋɔ he yarada la ɛ yarada kasinteŋ. Suuɡaswɛm kwaraa nɔ, nii nee baa jemɛ a kasinteŋ, kɛ a dɛ chɔɡ. He yarada la ɡwaa suuɡaswɛm, anomanta, a chɛ kɛ ba daah heyaa na ásɛ he won che kiŋkiŋ. Belaa baa ba heyaa kpɛɛra, ásɛ he dɔ jirima, dɛ́ dɔ sɔn awola Yeesu Kristo aa ba ya nao la.

1 Jɔn 3:3

Nomɛlbwa waa dɔ ɡɛ hwɛɡa Yeesu Kristo nɛɛ la chɛ kɛ ó lawɛ o te, dɛ́ laa o te dɛ́ɛ kpɔ wechɔɡa ŋwɛnɛre ta, dɛ́ won do kaih ɡɛ tenten Yeesu Kristo aa do kaih la.