2 Timoti 2:2 - mzwDBL

² Waa la nɛra aa chema warɛ asɛ n bol he be la, bola baɡle nɛra ba wa aa dɔ kasinteŋ dɛ jemɛ kɛ ba ɡe ɛɛ wonoo kpɔ bol baɡle nɛra bane ɡe la.

2 Timoti 2:2 ပူးပေါင်းရင်းမြစ်များ

Ɛsra 7:10

Sɔfo Ɛsra le o te cheɡ dɛ tɛ Korowii Mmarare la hwela ne a bini nyiŋa, asɛ dɛɛ chaɡle Korowii waa ne mmarare aa lɔ Israel harɛ ta.

Ɛsra 7:25

Hen sɔfo Ɛsra, che wejema Korowii haa dɛ tomɔ aa tɛɛ ta, dɛ le nomonome ne banɔ la baa jemɛ waa bola dɛɛ pa bole, ásɛ baa nyiŋi nɛra baa lɔ Yufretis Moo wee cholibɔr harɛ ta nɛ, dɛɛ teŋɛ Korowii haa dɛ tomɔ Mmarare ta. Takapɔ chaɡle banɔ la ɡe baa wola mmarare la jemɛ la.

Nehemia 7:2

N kpɔ Jerusalam do n dɔŋ Hanani ne Hanania nɔn ta ŋɔ baa nyiŋi o ta. Dɛ Hanania ɛ nomoa waa dɛ nyiŋi dekpeɡ la ta. O waa dɔ kasinteŋ wɛɛ ɔmɛ Korowii, o dɔŋ aa wola toole.

Yela 101:6

Mɛɛ ɡeloo n sie do n nɛra Israel tena ba wa aa dɔ kasinteŋ la nɛ, ásɛ n ne ba pɛ so n koodem. Nɛra ba wa aa wera kɛrɛdɛ laanee mɛɛ ba ɡela baa tom mɛ.

Sɛɡla 13:17

Torome o wa aa wola kasinteŋ dɔe laanee dɛɛ ba waa ne. Kɛ onɔ la o wa aa dɔ kasinteŋ te, o dɛ ba deŋnesɔɔhna ne.

Jeremia 23:28

Keame bɛlbwa na waane chaahna ta naa, o yon ŋɔ deeraa o dee, kɛ n keame bɛlbwa waa dɛ bol waa aa le n be la te, wɛ́ɛ bola kasinteŋ ta. Haahra ta korɛ, asɛ mea ɡe koraa?

Lewi Dea Tena 14:42

Ásɛ dɛ kpɔ bwefala ba su anɔ la baa cheɡa ka ta la naa ta, dɛ́ kpɔ tefala kwaa maa o bwa.

Malakae 2:7

A chɛ kɛ sɔfo bɛlbwa dɔ wejema kɛrɛdɛ le men Korowii be, dɛ́ kpɔ dɛɛ baɡle nɛra wa, ásɛ nɛra la ba be kaa hweli n waa la. Banee men Koranar Bwa Kooro tomɛ.

Nɛra Kura 12:7

Gɛ laa n ne n bonɔɔ Mosis waa do. O waa dɔ kasinteŋ, n kpɔ n nɛra bwa do o nɔn ta.

Matiu 13:52

Anee Yeesu berɛ ŋɔ, “Amɔ nomɛlbwa waa jemɛ Mosis Mmara la, dɛ berɛ ba hweli Korowii Kora nɔ waa la do kɛŋɔ nomɛl aa dɔ o dem, dɛ dɔ konfala ne kombena, dɛ won a bini bɛlbwa waa dɛ nyin kpɔe dɛ́ le bela waa dɛ cheɡ o kwa.”

Matiu 24:25

N felo dɛɛ bol waa nɔ he be noo, ásɛ he pu sie jemɛ a wa.

Amanesoma Luk Aa Chwera Tɔn 12:42

Asɛ Yeesu chaŋo ŋɔ, “Bonɔɔ waa dɔ kasinteŋ dɛ dɔ liire la nɔn taa o dɔɔ kpɔ o dem tena dɛɛ do, dɛ ŋɔ bɔr dɛ maɡre aa, ó tɛɛ ba kondikwa.

1 Kɔrent 4:2

Waa aa chɛ nɛn baa kpɔ waa do o nɔn ta laanee kɛŋɔ o ɡel o waa dɔ kasinteŋ.

2 Kɔrent 2:14

Korowii jam kɛ waa cheɡɛ ya Dɔɔ Yeesu Kristo nɛɛ dɛ ɡel ya yo dɛɛ le nɔ. Korowii cheɡɛ ya nɛɛ dɛ ɡel nɛra ɛɛ no Yeesu Kristo waa la bobɛlbwa kɛŋɔ, konsɔɔhsoma sɔɔh aa dɛ le nomɛlbwa ɛɛ no la.

2 Kɔrent 3:5

A ta ɛɛ kɛŋɔ ya dɛ lii kɛŋɔ ya won waane ɛɛ ya ɡbaɡba kpeɡri ta. Korowii bee ya dɔ kpeɡri dɛɛ ɛ anɔ la bwa yaa dɛ ɛ.

Kolosi 1:7

Epafras bee he no Amanesoma la le. Ya ne o bwaa pɛa dɛɛ ɛ toma nɔ. O ɛ Yeesu Kristo bonɔɔ o wa aa dɔ kasinteŋ yaa nyinu kɛrɛdɛ. Ya naa taa o che dɛɛ cha heya.

1 Timoti 1:12

N dɛ jam ya Dɔɔ Yeesu Kristo waa tɛ mɛ o kpeɡri la kɛ waa yarada mɛ dɛ kpɔ o toma nɔ do n nɔn ta nɔ.

1 Timoti 1:18

N bie Timoti, n dɔ waane dɛ́ bol he be, ásɛ he lawɛ a bini he Korowii toma ta. Gɛ ba fa aa cheɡɛ Korowii Domadɛɛɡe kpeɡri ta dɛ bol o toma waa tɛɛ kpeɡri hɛ́ɛ ɛ nɔ waa la, ɡɛ waa la tenten taa mɛɛ doe la. Anomanta, ɡel ɡɛ waa la doe ɡbemba ásɛ he won yo kɛrɛdɛ,

1 Timoti 4:14

Kpeɡri Korowii Domadɛɛɡe aa chae he dɔ dɛ le awola nomonome la aa kpɔ nɔɔra darawe he nɛɛ dɛ che Korowii Domadɛɛɡe kpeɡri ta dɛ bol a waa la, bɛ ɡel a ɛ pɛɛ.

1 Timoti 4:6

Dɛ he kpɔ ɡɛ waa nɔ baɡle he bala aa, anee dɛɛ ba chaɡla kɛŋɔ he ɛ Yeesu Kristo torome tenten haa teŋɛ Korowii waa haa yaradaa ne kasinteŋ la ta, dɛ́ kpɔ kpeɡ dɛ́ do kpeɡri.

1 Timoti 5:22

Bɛ totoo kpɔ nɔɔra dawɛ nomɛlbwa nɛɛ dɛ leo ŋɔ ó ɛ Korowii toma, ásɛ dɛ naate ta ba wone kpoŋe tom la bini dɛ ka ɛ wechɔɡa aa, a ba maali. Nyiŋi he te kɛrɛdɛ dɛ bɛ ɡel wedoŋa bɛlbwa maali.

1 Timoti 6:12

Yarada haa dɛ yarada Korowii nɔ, yodɛɛɡee hɛɛ yo ɡɛ la. Anomanta, yo kɛrɛdɛ dɛ́ dɔ mkpa aa wola jaɡa dɔe la. A ɡɛ mkpa nɔɔ Korowii lee ŋɔ he ba dɔ ɡɛ saŋ haa cheɡɛ kiŋkiŋ dɛ bol ɡɛ haa yarada Yeesu Kristo baɡle nɛnlaa la.

2 Timoti 3:10

He Timoti te, he jemɛ waa maa dɛ baɡle la bwa, dɛ jemɛ n da, ne kon la waa maa dɛ koh, ne ɡɛ maa dɛ yarada Yeesu Kristo, ne ɡɛ maa won bambile lawa, ne ɡɛ maa dɛ nyin nɛn, ne ɡbemba maa dɔa.

2 Timoti 3:14

Kɛ he te, dɛɛ teŋɛ kasinteŋ webaɡla haa hwela dɛ jemɛ kɛ a ɛ kasinteŋ la ta. Bɛ ɡel bwa. He jemɛ nɛra baa baɡle ɡɛ waa la, dɛɛ yarada ba ɡe.

Hibru 2:17

Dɛ a chɛ kɛ Yeesu do ɡɛ o nimanar la aa doa ŋwɛnɛ bɛlbwa ta. Gɛɛ ó ɛ dɛ́ won tomɛ Korowii kɛŋɔ ba Sɔfonomoa kasinteŋ ne dɛɛ na ba sum, dɛ́ won dɛɛ soŋe ba wechɔɡa, dɛ́ won dɛɛ kwaa ba ne Korowii baah.

1 Samoɛl 2:35

N ɡbaɡba ɛɛ le sɔfo o waa aa dɔ kasinteŋ dɛɛ ɛ n bambile bini waa tɛ n te, dɛ́ ɡel o dɔ naanar kohona, ásɛ baa tomɛ kooro maa leo cheɡ tɛ n te la.