2 Timoti 2:15 - mzwDBL

¹⁵ Takapɔ kpɔ he te tɛ Korowii, ásɛ he waa su o siwi kɛ nɛn waa dɛ ɛ o Korowii toma kɛrɛdɛ sihiih aa wola hen kpo, dɛ́ lawɛ kasinteŋ waa la bini kpoŋe kɛrɛdɛ.

2 Timoti 2:15 ပူးပေါင်းရင်းမြစ်များ

Matiu 13:52

Anee Yeesu berɛ ŋɔ, “Amɔ nomɛlbwa waa jemɛ Mosis Mmara la, dɛ berɛ ba hweli Korowii Kora nɔ waa la do kɛŋɔ nomɛl aa dɔ o dem, dɛ dɔ konfala ne kombena, dɛ won a bini bɛlbwa waa dɛ nyin kpɔe dɛ́ le bela waa dɛ cheɡ o kwa.”

Amanesoma Mak Aa Chwera Tɔn 4:33

Gɛɛ Yeesu kpɔ sɛɡla nɔ bwa dɔŋa dɛ bol waa ka tel kɛ nɛra la aa wona no a mun.

Amanesoma Luk Aa Chwera Tɔn 12:42

Asɛ Yeesu chaŋo ŋɔ, “Bonɔɔ waa dɔ kasinteŋ dɛ dɔ liire la nɔn taa o dɔɔ kpɔ o dem tena dɛɛ do, dɛ ŋɔ bɔr dɛ maɡre aa, ó tɛɛ ba kondikwa.

We-ɛɛla 2:22

N bala Israel tena, hé no waa nɔ. Yeesu waa le Nasarɛt la fa ɛ nɛn bɛl Korowii aa ɡela o won dɛɛ ɛ nyokpowa, asɛ he na dɛ won jemɛ kɛŋɔ Korowii kpeɡri nee wɛɛ ɛ o toma kpela. A ɡɛ waa nɔ ta heyaa wehɔɔhra ɛɛ.

We-ɛɛla 20:27

dɛkalkɛŋɔ n ta waa Korowii aa dɛ nyin la wobɛlbwa kpɔe sɔh heya.

Tɔn Pɔɔl Aa Chwerɛ Rom Tena 14:18

Nɛn a ɡɛ waa nɔ aa hiaoh Yeesu Kristo toma bini la, Korowii sie dɛ lɛ o nɛ, asɛ o wa ɛɛ su nɛwɛnyina ɡe siwi.

Tɔn Pɔɔl Aa Chwerɛ Rom Tena 16:10

N dɛ na Apeles wekpeɡa aa puu o ta che kiŋkiŋ Yeesu Kristo waa nɔ ta la. N dɛ na Aristobulus dem tena bwa.

Tɔn Pɔɔl Aa Chwerɛ Rom Tena 6:13

He bɛ he bwadabii bobɛlbwa kpɔ dɛɛ ɛ wechɔɡa. A chɛ kɛŋɔ hé kpɔ he te tɛ Korowii kɛŋɔ nɛra baa sewa dɛ ir, dɛ charɛ ba soɡa ne ba dor. Hé kpɔ he bwadabii bobɛlbwa tɛ Korowii, dɛ kpɔa dɛɛ ɛ waa aa toɡra.

1 Kɔrent 2:6

Ya dɛ bol wejema waa te dɛɛ baɡle nɛra ba sie aa chaah Korowii waa ta kɛrɛdɛ. Wejema yaa dɛ baɡle a waa nɔ ta harɛ nɔ ta nɛra ne ba nɛnjena wejema ɛɛ. Ba te, ɛɛ baa ɛ pɛɛpɛɛ.

2 Kɔrent 10:18

Naate waa dɛ kpɛɛ o te la, o laa nɛndɛɛɡe. Naate Korowii aa dɛ kpɛɛro la, onee nɛndɛɛɡe.

2 Kɔrent 3:6

Korowii ɡelɔ ya won dɛɛ ɛ o fɔofale la toma. A ɡɛ fɔofale nɔ ta mmara baa chwera waa ɛɛ, Korowii Domadɛɛɡe waa. Mmara baa chwera la dɛ ba seo ne, kɛ Korowii Domadɛɛɡe la te dɛ ba mkpa ne.

2 Kɔrent 4:2

Ya ɡel waa baa ɛa dɛɛ sɔh ne sihihwaa bɛlbwa. Yaa nɛra neɡre, yaa Korowii waa yaa dɛ baɡle la sie berɛ. Kasinteŋ ɡboo yaa di Korowii sie. A taa ya che dɛ ɡel nɛra ɛɛ jemɛ ya da.

2 Kɔrent 5:9

Anomanta, ya bwadabii nɔ binii ya do oo, ya Dɔɔ bee ya do oo, ya dɛ nyin ya waa bwa won su o siwi,

Galaasia 1:10

Maa ŋɔ ken nɔ, dɛ nɛwɛnyini bee mɛɛ nyin sɔn kɛɛ Korowii be nɔ? Maa sɔn nyin nɛwɛnyini be, Korowii bee mɛɛ nyin sɔn. Dɛ nɛwɛnyini bee mɛɛ nyin sɔn te naa, n fe ta Yeesu Kristo bonɔɔ ɛɛ.

Ɛfesos 1:13

Baa baɡle heyaa kasinteŋ dɛ le Amanesoma la aa dɛ lɛ heyaa la ta la, he ɡba sɛoh dɛ ja beŋkpoŋri ya ne Yeesu Kristo aa ɛa la ta. Haa yarada Korowii dɛ kpɔ he te tɛo la, o kpɔ o Domadɛɛɡe tɛ heyaa ɡɛ waa baɡɛ heyaa nyoa la. O Domadɛɛɡe la lɔ ya nɛɛ dɛ ɛ nso kɛŋɔ ya ɛ Korowii nɛra.

1 Tesalonika 2:4

Anɔ la Korowii aa dɛ nyin laanee yaa bol. Yanee o dɔ hwɛɡa tɛ kɛŋɔ ya bol o Amanesoma la. Anomanta, yaa anɔ la nɛwɛnyini sie aa dɛ lɛ a ta bol, kɛ anɔ la Korowii waa jemɛ bambile bɛlbwa waa la aa dɛ nyin la, anee yaa bol.

1 Tesalonika 5:14

Yabala, ya dɛ soŋe heyaa kɛ hɛ́ɛ ja banɔ la baa ɛ bɔhwaahra la, dɛɛ do ɔmeera la ɡbemba, dɛ lawɛ banɔ la baa wola cheɡɛ kiŋkiŋ Korowii ŋwɛnɛ ta la kpoŋe, dɛ́ dɔ bambile tɛ nomɛlbwa.

1 Timoti 4:6

Dɛ he kpɔ ɡɛ waa nɔ baɡle he bala aa, anee dɛɛ ba chaɡla kɛŋɔ he ɛ Yeesu Kristo torome tenten haa teŋɛ Korowii waa haa yaradaa ne kasinteŋ la ta, dɛ́ kpɔ kpeɡ dɛ́ do kpeɡri.

Hibru 4:11

Anomanta, hé ɡel ya swɛɛ siwi dɛ́ dɔ ɡɛ ona la. A ta chɛ kɛ bɛlbwa ɛ a saŋ la tena deŋnekpeɡ la dɔŋ dɛ́ ba paŋɛ ɡɛ ona nɔ.

Jems 1:12

He bini bɛlbwa waa takapɔ lawɛ bambile dɛ́ɛ na wahala la, o na som. Dɛ wenaale la kpoŋee la sie dɛ ba horɛ, kɛ he ta teŋɛ Korowii nɛɛ he bambile bwa ne naa, wɛɛ tɛɛ mkpa waa ŋɔa ŋɔ wɛɛ kpɔɔ tɛ nɛra baa dɛ nyinu laanee, á ɛ kompoŋ haa yoa dɛ le ba vɔwɛ.

Jems 1:18

O ɡbaɡba tetooraa ya dɔ o waa aa ɛ kasinteŋ la dɛɛ no, dɛ che a ta ɛ o bii, ásɛ dɛ su o siwi kwaa waa taa la bwa bini.

2 Pita 1:10

Anomanta, yabala, Korowii aa le heyaa tɛ o te nɔ, hé takapɔ kɛŋɔ hɛɛ ɡeloo he we-ɛɛla baɡle kɛŋɔ Korowii nɛra waa lee ba la banee heya. He dɛ ɛ ɡɛ naa, haa naa lɔ Yeesu Kristo waa nɔ yaradae ta bwa.

2 Pita 1:15

Mɛɛ takapɔɔ dɛ́ ɛ ɡɛ bwa maa won ɛ, ásɛ dɛ n ba toole kwaraa naa, he won dɛɛ lii waa nɔ saŋ bɛlbwa.

2 Pita 3:14

Anomanta, n dandɛɛɡa, haa dɛ kpa awola tɔpere la, hé swɛɛ siwi kɛŋɔ hɛɛ do ɡoroŋee dɛ bɛ wechɔɡa bɛlbwa dɔ Korowii sie, ásɛ he ne o baah do wer.