2 Timoti 1:7 - mzwDBL

⁷ dɛkalkɛ Korowii Doma waa kpɔa tɛ yaa la ta ɡelɛ ya ɛ ɔmeera. O ɡelɔ ya dɔ kpeɡri, dɛ dɔ dɔŋa nyina, dɛ won ya te lawa.

2 Timoti 1:7 ပူးပေါင်းရင်းမြစ်များ

Yela 119:80

Gel n bambile lawɛ he waa la, mɛɛ teŋɛ a ta kɛrɛdɛ, ásɛ sihiih bɛ men kpo.

Sɛɡla 2:7

Onee dɛɛ cha nɛn o wa aa toɡra, dɛɛ tɔ nɛn o ŋwɛnɛre aa wera ɡbemɡbe.

Sɛɡla 8:14

N dɛ baɡle nɛra waa bá kpɔ ɛ toma aa cha ba, n ɡelɔ baa no waa mun, dɛ́ dɔ kpeɡri.

Aesaya 11:2

Korowii Doma ɛɛ so o nɛɛ, dɛ́ ɡel o dɔ wejema ne waa mun noe, dɛ́ jemɛ nɛra jae dɛ́ dɔ kpeɡri, dɛ́ berɛ ɡel ó jemɛ Korowii waa bini dɛɛ duuru.

Maeka 3:8

Kɛ n te, Korowii ɡelɔ o Doma ba so n nɛ, asɛ n dɔ kasinteŋ ne kpeɡri dɛ́ bol Israel tena wechɔɡa wa.

Sekaria 4:6

Korowii nyundua torome la ŋɔ n be ŋɔ ń bol Korowii waa Sɛrobabɛl be ŋɔ, “He wobɛlbwa ɛɛ do werii, he kpeɡri ne laa yoi ne laa, kɛ n Doma kpeɡri taa. Men Koranar Bwa Kooroo bola.

Amanesoma Luk Aa Chwera Tɔn 10:19

Hɛ́ɛ no! N tɛ heyaa kpeɡri kɛŋɔ hé tiɡri harɛkwaare ne nɔrɔme nɛ, dɛ́ pɔ ya dɔm Bɔnsam ne o toroma bwa nɛ, wobɛlbwa aa wola won ɛ heya.

Amanesoma Luk Aa Chwera Tɔn 15:17

Asɛ o sie aa baa ba harɛ la, o soɡo dɛ lii o mɛɛ waa dɛ ŋɔ, ‘N mɛɛ bonɔɔna kwaraa baa lɔ o sie la di kwaa dɛɛ ka, asɛ n do bonɔ lɔr ɛɛ kpo mɛ la.

Amanesoma Luk Aa Chwera Tɔn 24:49

Kɛ hé no, n ɡbabir ɛɛ tomɛ kon n Mɛɛ aa baɡɛ heyaa nyoa laanee he be. Anomanta, hé so bwɛjen nɔ ta ka tel kɛŋɔ kpeɡri la aa le nyundua ba he be.”

Amanesoma Luk Aa Chwera Tɔn 8:35

Bela tena aa noa la, ba le ba bwɛɛre ta dɛ ba na waa aa chiɡa la. Baa ba Yeesu be la, dɛ baa la kondamanta fa aa lɔ o nɛɛ la, dɛ o kwaa la bwa kaalɔ, o liire ba harɛ, o do laala dɛ so Yeesu sie. Baa na ɡɛ waa nɔ la, ba ɔmɔ.

Amanesoma Jɔn Aa Chwera Tɔn 14:27

Deŋnesɔɔhnaa n kpɔ dɛɛ tɛ heya, n ɡbabir deŋnesɔɔhnaa. Harɛ nɔ ta deŋnesɔɔhna laa, anomanta, he bɛ ɡel he bambile teŋe ásɛ hɛɛ ɔmɛ.

We-ɛɛla 1:8

Kɛ dɛ Korowii Domadɛɛɡe la baa so he nɛ aa, wɛɛ tɛ heyaa kpeɡrii ásɛ he di danseɛ tɛ mɛ Jerusalam fɔɡbaah, ne Juda harɛ kabora bwa ta, ne Samaria harɛ ta, ne harɛ jaɡa bwa.”

We-ɛɛla 10:38

He jemɛ ɡɛ Korowii aa kpɔ o Domadɛɛɡe ne o kpeɡri tɛ Yeesu waa le Nasarɛt la wa. Dɛ Korowii teŋɛ Yeesu nɛ, asɛ o valɛ dɛɛ ɛ wedɛɛɡa dɛɛ chah nɛra Bɔnsam aa lɔ ba bil la.

We-ɛɛla 20:24

N waane laa n ɡbaɡba hweera wa. Waa aa swɛɛ n siwi laanee kɛ, ɡɛ maa ɛ dɛ tonɛ toma n Dɔɔ Yeesu aa tɛ mɛ ŋɔ ń ɛ la. N tomaa kɛ ń bol Amanesoma la nɛra be bá jemɛ kɛŋɔ Korowii dɛ sune nɛra nɛɛ dɛɛ nyin ba chae.

We-ɛɛla 21:13

Belaa o ŋɔ, “Ɛrɛɛ hɛɛ wi ken dɛɛ nyin kɛŋɔ he do mɛ bɔhwaah nɔɔ? Baa vɔɡ mɛɛ Jerusalamee yaa, n sɛh ɡɛ. Baa kpo mɛɛ ɡe kwaraa naa, n sɛh ɡɛ. Baa koh n Dɔɔ Yeesu waa dɛ ɛɛ mɛ anɔ bɛlbwa naa, n waane laa. N sɛh ɡɛ waa nɔ wubwa bambile bwa ne.”

We-ɛɛla 26:11

Dɛ n dɛ la cheremi deene bini saŋ bɛlbwa dɛ kaa ɛɛ ba hɔhɔrɔwa taeh, dɛ fe ɛɛ nyin kɛŋɔ ba bol Korowii nɛnhɛlwaa ásɛ n laɡ ba. Ba waa aa dɛ di n baah kohona nomanta, n ti ba dɛɛ la bwɛɛre aa wola Juu tena bwɛɛre ɛɛ kwaraa ta, dɛ kaa ɛɛ ba hɔhɔrɔwa.

We-ɛɛla 26:25

Anee Pɔɔl ŋɔ, “Nomoa, choɡla laa mɛɛ we! Kasinteŋ torodoo mɛɛ bol la.

We-ɛɛla 6:8

Dɛ Korowii cha Steeven kohona, dɛ tɛo kpeɡri o won dɛɛ ɛ nyokpowa, ne waa aa kpeɡa nɛra baah ta.

We-ɛɛla 9:22

Sɔɔl aa dɛ bol Korowii Waa la, dɛ name kwaraa o wobol la bini ɛɛ do kpeɡri. O baɡlɔ le Korowii wobol la ta kɛŋɔ Yeesuu Kristo la kasinteŋ, anomanta, Juu tena baa soɡe Damaskɔs la ta wone tɔŋlo kpa.

Tɔn Pɔɔl Aa Chwerɛ Rom Tena 5:5

Hwɛɡa yaa dɔa nɔ, aa pɛɛ ɛ, dɛkalkɛŋɔ Korowii tɛ yaa o Domadɛɛɡe la ásɛ ya jemɛ o nyina waa dɛ nyin yaa kohona.

Tɔn Pɔɔl Aa Chwerɛ Rom Tena 8:15

Korowii Domadɛɛɡe la waa kpɔa tɛ heyaa la, o ta ɡelɛ he ne Korowii baah do kɛŋɔ nɛn ne o yom asɛ hɛ́ɛ ɔmɔ. O ɡelɔ he ɛ Korowii bii. O alaworomɛ ya won wii dɛ́ yerɛ Korowii ‘Mɛɛ, n Mɛɛ’, kɛŋɔ bie aa dɛ yerɛ o mɛɛ la.

1 Kɔrent 2:4

N webaɡla bini la, n ta wejema kpɔe bol waa baɡle heyaa ásɛ he sie lɛ. Kɛ Korowii Domadɛɛɡe laanee di n wobol la danseɛ dɛ ɡel a do kpeɡri.

Galaasia 5:22

Korowii Domadɛɛɡe la te, kwaa waa dɛ tɛ laanee dɔŋa nyina, ne silɛɛ, ne nyopɛo, ne bambile dɔe, ne tesom, ne wedɛɛɡa ɛɛ, dɛ kasinteŋ dɔe,

Kolosi 1:8

O bol ya be ɡɛ Korowii Domadɛɛɡe aa cha heyaa asɛ hɛɛ nyin dɔŋa.

Hibru 2:15

Yeesu ɛ ken ásɛ dɛ won lɛ nɛra baa koh seo ɔma waa dɛ ɛ yoma ba soɡa bini bwa la.

1 Pita 1:22

Taraken nɔ haa sɛh kasinteŋ la ta teŋa, asɛ a che a ta he doŋa le he nɛɛ hɛɛ nyin dɔŋa kɛrɛdɛ nɔ, hé den dɛɛ nyin dɔŋa kohona bambile bwa ne,

1 Jɔn 4:18

Nɛn dɛ nyin o dɔŋ aa, waa ɡɛ Korowii aa dɛ tɛr nɛra deŋne ɔmɛ. Nyina waa ɛ nyina tenten la dɛ doŋi ɔmee. Deŋne tɛra waa nɛn ɛɛ ɔmɛ Korowii. Anomanta, naate waa dɛ ɔmɛ la ta nyina tenten dɔe o be.