2 Timoti 1:4 - mzwDBL

⁴ N lii wii awola haa wia la aa, ɡɛɛ n sie che chiŋ mɛɛ nyin n ba nae ásɛ n sie lɛ kɛrɛdɛ.

2 Timoti 1:4 ပူးပေါင်းရင်းမြစ်များ

Yela 126:5

Nɛra baa kpɔ siniire du kwaa la, baa koma silɛɛ nee dɛɛ ɡo yela.

Aesaya 61:3

O tom mɛ ń larawe Jerusalam tena ba bambile aa chɔɡa baa wi la bwara, ásɛ ba dɔ silɛɛ dɛ́ ɡel wii, dɛ́ ɡo kpɛɛra yela, dɛ́ ɡel suna dii. Baa ɛo kɛŋɔ daa Korowii ɡbaɡba aa dua. Baa dɛɛ ɛ waa aa toɡraa, ásɛ ba kpɛɛro o waa waa ɛa wa.

Jeremia 31:13

Belaa toli ɛɛ ba sae ba sie lɛ, ásɛ bonɔɔna ne banjeni bwa ɛɛ hɛɡre. Mɛɛ larawe ba bwaraa, dɛ́ ɡel ba wii ber ba silɛɛ, ásɛ ba dɔ hɛɡra kohona le ba suna dii ta.

Amanesoma Jɔn Aa Chwera Tɔn 16:22

Gɛɛ a do he ɡe be. Taraken te, he tea bini chɔɡɔ, kɛ maa berɛ ba na heyaa la taa he sie ɛɛ ba lɛɛ kohona. Gɛ silɛɛ la, nomɛlbwa aa won lɛ he be.

Amanesoma Jɔn Aa Chwera Tɔn 16:24

He ta n sɔn kpɔe dɛ soŋe komɛlbwa bwa. Kɛ taraken te, hé kpɔ n sɔn soŋe, hɛɛ dɔɔ ásɛ he sie lɛ kohona.

We-ɛɛla 20:19

N kpɔ n te kɛ n Dɔɔ Yeesu bonɔɔ dɛɛ ɛ o toma nɔ sipwɛra ne. N koh he nyoɡra haa nyoɡre Korowii ŋwɛnɛ waa dɛ yon dɛɛ wi. Juu tena aa dɛ vɔrɔwe n vɔrɔwa la, a noo mɛ taeh.

We-ɛɛla 20:31

A waa n ŋɔ hɛ́ɛ nyiŋi kɛrɛdɛ ŋɔ he bɛ ba soh kɛ n fa aa lɔ he be bene atoro bwa dɛ yon dɛɛ ja heyaa Korowii waa ta tɔpebii te bɛlbwa, dɛ koh he waa dɛɛ wi la.

Tɔn Pɔɔl Aa Chwerɛ Rom Tena 1:11

N sie cheɡɛ chiŋ mɛɛ nyin kɛ n na heyaa dɛ́ cha heyaa waane Korowii Domadɛɛɡe la aa tɛ mɛ ne, ásɛ he do kpeɡri he teŋa haa dɛ teŋɛ Yeesu nɛɛ la ta.

Felepae 1:8

Korowii jemɔ kɛŋɔ he pɛla laɡ mɛ taeh, nɛnnyin Yeesu Kristo aa kpɔa do n bambile ta la nomanta.

Felepae 2:26

dɛkalkɛŋɔ, he pɛla lawɔ wɛɛ lii he bwa waa taeh. A dɛ hao kohona kɛŋɔ haa no o weela wa.

1 Tesalonika 2:17

Ya te la, yabala, baa doŋi yaa le he be tɔpere tamaa nɔ la, ya ta he waa soɛh. Kɛ nae yaa wola heyaa na. Yaa le he be la, dɛ he be bala swɛɛ ya siwi, dɛkalkɛŋɔ dɛ sikii lawɛ yaa taeh.

2 Timoti 4:21

Takapɔ dɛ́ ba mɔɔ alalawo saŋ tel. Yubilus ne Pudens ne Laenos ne Klɔdea dɛ he bala asɔre tena baa kaa la bwa dɛ nae.

2 Timoti 4:9

Takapɔ ba n be warane,

1 Jɔn 1:4

Ya dɛ nyin kɛ ya bwa bwara sɔɔh yaa kɛrɛdɛ. A waa ya chwerɛ tɔn nɔ baa tɛ heyaa la.

Wepila 21:4

Wɛɛ fee ba sinii bwaa ta baa wola wi kpa. Seo aa lee do kpa. Lokua ne wii ne bwadabii wee aa lee do kpa, dɛkalkɛ webena la bwa toole kpa.”

Wepila 7:17

Dɛkalkɛŋɔ Pebie la waa lɔ kookara la baah ta la dɛ ba Peteɡre ɛɛ, dɛɛ nyiŋi ba nɛ, wɛɛ teɡ baa kaa nee aa dɛ tɛ mkpa aa wola jaɡa dɔe ta. Asɛ Korowii fee ba sinii bwa ta.”