2 Timoti 1:14 - mzwDBL

¹⁴ Kpɔ Korowii Domadɛɛɡe la waa lɔ ya nɛɛ la kpeɡri lawɛ wedɛɛɡa Korowii aa kpɔa tɛɛ la bini kpoŋe kɛrɛdɛ.

2 Timoti 1:14 ပူးပေါင်းရင်းမြစ်များ

Amanesoma Luk Aa Chwera Tɔn 16:11

Dɛ he ta wone nyiŋi harɛ nɔ ta kondɔɔh a kwara aa ɛ konsale nɔ ta naa, ɛrɛɛ hɛɛ ba wona nyiŋi kondɔɔh tenten ta nɔ?

Amanesoma Jɔn Aa Chwera Tɔn 14:17

Korowii Domadɛɛɡe laanee. Wɛɛ ɡeloo he jemɛ Korowii kasinteŋ waa la. Nɛra baa dɔ harɛ nɔ ta ɡbo liire aa won yarada o Domadɛɛɡe wa, dɛkalkɛ baa won nao ásɛ dɛ jemɔ. Kɛ he te jemɔ, dɛkalkɛ o ne heyaa lole, asɛ o so he nɛ.

Tɔn Pɔɔl Aa Chwerɛ Rom Tena 3:2

Ya Juu tena na som taeh dɛ ɡwaa nɛra baa kaa la ŋwɛnɛ bɛlbwa ta. Anɔ la aa tɔ sie laanee kɛŋɔ yanee Korowii tɔ sie kpɔ o waa do ya nɔn ŋɔ ya baɡle nɛra.

Tɔn Pɔɔl Aa Chwerɛ Rom Tena 8:11

Korowii waa ir Yeesu Kristo seo ta la, dɛ o Domadɛɛɡe lɔ he nɛ aa, ɡɛ Korowii aa iru seo ta la, wɛɛ che o Domadɛɛɡe la taa, dɛ́ tɛ he bwadabii aa dɛ ba pɔeh kerekere nɔ mkpa.

Tɔn Pɔɔl Aa Chwerɛ Rom Tena 8:13

dɛkalkɛŋɔ dɛ nɛn teŋɛ nɛwɛnyini mar wechɔɡa aa suu nɔ pɛla waa ta naa, waa mkpa dɔe ba. Kɛ dɛ nɛn cheɡɛ Korowii Domadɛɛɡe la nɛɛ dɛ vɛh o bwadabii pɛla wobɛlbwa naa, wɛɛ dɔ mkpaa.

Tɔn Pɔɔl Aa Chwerɛ Rom Tena 8:9

He te la, he ta he nɛwɛnyini mar nɔ wechɔɡa aa suu nɔ som kpɔe ɡwaa wobɛlbwa. Dɛ Korowii Domadɛɛɡe lɔ he nɛ aa, ɡɛ waa dɛ baɡle heyaa laanee hɛɛ ba dɛɛ ɛɛ. Nomɛlbwa waa wola Domadɛɛɡe Yeesu Kristo aa dɛ tɛ la dɔe la, dɛ Yeesu nɛn laa on.

1 Kɔrent 3:16

Haa jemɛ kɛŋɔ he cheɡɔ tɛ Korowii Dea asɛ o Domadɛɛɡe la so he bini kɛɛ?

1 Kɔrent 6:19

Haa jemɛ kɛŋɔ he bwadabii ɛ Korowii Domadɛɛɡe la sobɔr kɛɛ? Korowii kpɔɔ tɛ heya, o so he nɛ. Anomanta, he laa dɔ he te. Korowiirii dɔ heya,

1 Kɔrent 9:17

Dɛ n tetoora nee mɛɛ ɛa aa, a fe maɡrɔ kɛ n fe ɛɛ lɛ a kembɔr. Kɛ Korowiirii kpɔ o Amanesoma la do n nɔn ta ŋɔ ń bol nɛra be. Anomanta, n ɡbaɡba tetoora laa mɛɛ ɛa.

2 Kɔrent 5:16

Anomanta, fini habɔɔ, yaa nɛra nyiŋi ɡɛ nɛwɛnyina aa dɛ nyiŋ ba la. Ya fa dɛ nyiŋi Yeesu Kristo ɡba ɡɛ, kɛ yaa on ɡɛ nyiŋi kpa.

Galaasia 2:7

Ba ɡbabir nao kɛŋɔ Korowiirii kpɔ o waa la tɛ mɛ ŋɔ ń bol nɛra baa wola Juu tena ɛɛ la be, ɡɛ waa kpɔ o waa tɛ Pita ŋɔ ó bol Juu tena be la.

Ɛfesos 2:22

Pɛɛ he ne waa pɛa la nomanta, he ɡba ja dea la Korowii aa dɛ ma o ɛ o dobɔr la ta. O Domadɛɛɡe la aa soɡe he nɛɛ la nomanta, he ɛ o dobɔr.

Ɛfesos 5:18

He bɛ sen nyɔ kohona dɛɛ dɛɛ. Gɛ dɛ chɔɡ nɛn. Kɛ hé ɡel Korowii Domadɛɛɡe la so he nɛɛ kɛrɛdɛ,

Kolosi 4:11

Jeses baa bera dɛɛ yerɔ Jastos la ɡe dɛ na heya. Juu tena baa yarada Yeesu la bini, nɛra batoro nɔ ɡboo dɛɛ cha mɛ, n ne baa ɛ Korowii Kora la toma. Ba dɛ cha mɛ taeh.

1 Tesalonika 5:19

He bɛ ɡel Korowii Domadɛɛɡe waa soɡe he nɛɛ la nyoa sɔɔh.

1 Timoti 1:11

Gɛ waa aa toɡra la bwa lɔ Amanesoma Korowii aa kpɔa do n nɔn ta ŋɔ ń chaɡle nɛra la ta. Anee dɛɛ baɡle Korowii waa dɔ jirima ne silɛɛ la wa.

1 Timoti 6:20

Hei, Timoti! Lawɛ waa la bwa Korowii aa kpɔa do he nɔn ta la bini kɛrɛdɛ. Laa he te kpɔ wesale nɛra aa dɛ bol a ne Korowii Waa aa wola kaa, ne ɡɛnewaa bane aa wola jemɛ dɛɛ yera wejema dɛ kpɔ dɛɛ tɔŋle kasinteŋ waa la ta,

2 Timoti 1:12

A waa mɛɛ na waa maa dɛ na nɔ la. Sihiih ɡe aa men kpo, dɛkalkɛ n jemɛ naate maa yaradao dɛ kpɔ n te tɛo, asɛ dɛ jemɛ kɛŋɔ wɛɛ wonoo kpoŋe n ne toma waa kpɔa do n nɔn ta la sɔnɔnɔɔ ken dɛ́ ka tel o bala tɔpere.

2 Timoti 2:2

Waa la nɛra aa chema warɛ asɛ n bol he be la, bola baɡle nɛra ba wa aa dɔ kasinteŋ dɛ jemɛ kɛ ba ɡe ɛɛ wonoo kpɔ bol baɡle nɛra bane ɡe la.

1 Pita 1:22

Taraken nɔ haa sɛh kasinteŋ la ta teŋa, asɛ a che a ta he doŋa le he nɛɛ hɛɛ nyin dɔŋa kɛrɛdɛ nɔ, hé den dɛɛ nyin dɔŋa kohona bambile bwa ne,