2 Tesalonika 3:7 - mzwDBL

⁷ Ya fa aa lɔ he be la, dɛ ya ta bɔhwaahra ɛɛ. Anomanta, he jemɛ ɡɛ haa ɛ dɛ́ teŋɛ ya nɛ.

2 Tesalonika 3:7 ပူးပေါင်းရင်းမြစ်များ

Sɛɡla 31:18

O dɛ na kɛŋɔ o bonadii dɔ tɔnɔ, dɛ ɛ toma wee kaa jo, o yon choŋi kandea, waa chɔ warane.

1 Kɔrent 11:1

Anomanta, hé kpɔ n da ɡɛ maa kpɔ Yeesu da la.

1 Kɔrent 4:16

Anomanta, n dɛ soŋe heya, hé kpɔ n da.

Felepae 3:17

Yabala, hé kpɔ n da, dɛ́ɛ nyiŋi nɛra ɡe baa dɛ teŋɛ ɡɛ yaa dɛ teŋɛ la,

Felepae 4:9

Wobɛlbwa haa hwela dɛ dɔ le n be, kɛɛ dɛ no dɛ na mɛɛ ɛ la, hé ɡee ɛ ɡɛ ásɛ Korowii waa dɛ tɛ nɛra bambisɔn la ja he nɛ.

1 Tesalonika 2:10

He nɛra haa yaradaa ne Korowii bwa ɛ ya danseɛ tena, dɛkalkɛŋɔ he nao kɛ ya we-ɛɛla wer, ya waa toɡre dɛ lɛ Korowii sie, doŋa bɛlbwa aa wola toole a ta.

1 Tesalonika 5:14

Yabala, ya dɛ soŋe heyaa kɛ hɛ́ɛ ja banɔ la baa ɛ bɔhwaahra la, dɛɛ do ɔmeera la ɡbemba, dɛ lawɛ banɔ la baa wola cheɡɛ kiŋkiŋ Korowii ŋwɛnɛ ta la kpoŋe, dɛ́ dɔ bambile tɛ nomɛlbwa.

2 Tesalonika 3:6

Yabala, ya cheɡɛ ya Dɔɔ Yeesu Kristo sɔn ta dɛɛ ŋɔ he be ŋɔ, he bini bɛlbwa dɛ ɛ bɔhwaah o ta sɛɛh dɛɛ ɛ toma ɡɛ yaa baɡla la aa, hé ɡelo, he ne o bɛ pɛ.

2 Tesalonika 3:9

Yaa ɛ ɡɛ nɔ, a ta ɛɛ kɛŋɔ ya ta ŋwɛnɛ dɔe kɛ ya lɛ ɡɛ kwaa nɔ le he be. Ya dɔ ŋwɛnɛ, kɛ ya ɛ ɡɛ dɛ kpɔ baɡle heyaa ásɛ hɛɛ teŋɛ a ta.

1 Timoti 4:12

Bɛ ɡel nɛra koh kɛ he ɛ bechala nomanta, dɛɛ ɛɛ sisawa, kɛ ɡel nɛra baa yarada Yeesu la na ɡɛ haa dɛ bol wa, ɡɛ he da aa doa, ɡɛ haa dɛ nyin nɛn, ɡɛ haa yarada Yeesu dɛ kpɔ he te tɛo, ne ɡɛ haa laa he te kpɔ wedoŋa ta, ásɛ dɛ hweli waa le a ta.

Taetos 2:7

Henee chɛ kɛ he ɡel he we-ɛɛla do wer wobɛlbwa ta, ásɛ ba nyiŋi dɛɛ hweli. Dɛɛ baɡle waa kasinteŋ ne, dɛɛ swɛɛ siwi a ta.

1 Pita 5:3

He bɛ kpeɡri dɛɛ di nɛra baa kpɔ ba do he nɔn ta la nɛ. Hé ɡel he we-ɛɛla do wer ásɛ ba nyiŋa dɛɛ chaara.