2 Tesalonika 3:4 - mzwDBL

⁴ Yaa dɛ yarada ya Dɔɔ la waa ya won dɛɛ yarada he ɡe kɛŋɔ he dɛ teŋɛ ɡɛ ya fa aa baɡle heyaa la ta la, dɛ berɛ dɛɛ yarada heyaa kɛ hɛɛ kpoŋe ɡɛ ya fa aa bol he be laanee dɛɛ la.

2 Tesalonika 3:4 ပူးပေါင်းရင်းမြစ်များ

Matiu 28:20

ásɛ dɛ chaɡ ba ŋɔ báa teŋɛ n waa maa chaɡle heyaa la bwa ta. Kasinteŋ, mɛɛ che he habɔɔ, dɛ́ ja he nɛɛ tɔpere te bɛlbwa, dɛ́ ka tel wobɛlbwa jaɡa saŋ.”

Tɔn Pɔɔl Aa Chwerɛ Rom Tena 15:14

Yabala, n ɡbabir jemɔ kɛrɛdɛ kɛŋɔ he dɛ ɛ wedɛɛɡa taeh. He jemɛ waa kohona, dɛ won dɔŋa waa baɡla ɡe.

Tɔn Pɔɔl Aa Chwerɛ Rom Tena 15:18

Waa Yeesu Kristo aa cheɡɛ n nɛɛ dɛ ɛ he nɛra haa wola Israel tena ɛɛ bini la, maa lii kɛŋɔ mɛɛ won bol anfala ane ja a ta. A ɡbo waa n jemɛ. Anee kɛŋɔ taraken haa yarada Korowii waa nɔ. Waa Yeesu aa cha mɛ mɛɛ bol dɛɛ baɡle heya, ne waa waa cha mɛ mɛɛ ɛ,

Tɔn Pɔɔl Aa Chwerɛ Rom Tena 2:7

Nɛra baa dɛ nyin jirima Korowii be, dɛɛ nyin kɛ Korowii kpɛɛ ba, dɛɛ nyin mkpa aa wola jaɡa dɔe, dɛ koh a waa dɛ lawɛ bambile dɛɛ ɛ wedɛɛɡa saŋ bɛlbwa la, Korowii ɛɛ tɛɛ baa mkpa aa wola jaɡa dɔe bwa.

1 Kɔrent 14:37

He banɔ la haa dɛ bol ŋɔ he won Korowii kpeɡri ta cheɡa dɛ́ bol o waa la, kɛɛ he dɔ Korowii Domadɛɛɡe la, hé jemɛ kɛŋɔ waa maa chwera ba tɛ heyaa la ɛ Korowii Mmara.

1 Kɔrent 7:19

Ba kpɔ kere chɔɡɛ noo, a ta waane ɛɛ, ba ta kere kpɔe chɔɡɛ noo, a ta waane ɛɛ. Kɛ Korowii Waa la ta teŋaa ɛ kasinteŋ.

2 Kɔrent 2:3

A waa n chwerɛ heyaa tɔn la. Dɛ maa nyin kɛ he nɛra haa chɛ kɛ he ɡel n sie lɛ la, n ba he be ásɛ he berɛ ba ɛɛ mɛ tebinichɔɡ wa, dɛkalkɛŋɔ n jemɛ he bwa waa kɛ n silɛɛ he silɛɛ.

2 Kɔrent 2:9

Maa dɛ nyin kɛŋɔ ń ɛ heyaa dɛ́ na kɛŋɔ hɛɛ no n waa ta wobɛlbwa taa kɛɛ haa no la, a waa n chwerɛ heyaa tɔn la.

2 Kɔrent 8:22

A waa ya tomɛ ya dɔŋ ŋɔ ó ne ba ba la. Ya daahno na kera aŋwɛnɛ bwa, dɛ na kɛŋɔ saŋ bɛlbwa la, o siwi swɛɛrɔ kɛŋɔ o cha toma nɔ. Taraken te kwaraa la, o siwi beɡrɔ kɛŋɔ ó cha heyaa kohona, dɛkalkɛŋɔ o dɛ yarada heyaa kohona.

Galaasia 5:10

N te ta dɛ yarada heya. Ya Dɔɔ la ya bwa aa dɛ tomɛ la nomanta, n dɛ yarada heyaa kɛŋɔ haa liifalee dɔ. Naate waa dɛ wili heyaa nɔ, ɡɛ bwa waa doa, Korowii ɛɛ bɔɔ kemee.

Felepae 1:6

N dɔ hwɛɡa kɛŋɔ ɡɛ Korowii aa pa mun dɛɛ ɛ o tondɛɛɡa he bambile bini la, wɛɛ ja a taa ka tel awola Yeesu Kristo aa ba la.

Felepae 2:12

Anomanta, n dandɛɛɡa, ɡɛ haa dɛ no n waa dɛɛ teŋɛ a ta ɡɛ saŋ n fa aa lɔ he be la, a hiaoh kohona kɛŋɔ maa wola toole he be nɔ, hé ta kpoŋe ɡɛ. Korowii aa lɛ heyaa nɔ, hé kpɔ duure ne ɔmee dɛ́ɛ teŋɛ toma haa dɛ tomɛ Korowii la ta,

1 Tesalonika 4:10

Kasinteŋ, he dɛ nyin he bala baa lɔ Makidoonia harɛ la bwa. Yabala, ya dɛ soŋe heyaa kɛ he bɛ waa nɔ ɡel, kɛ hé ɛ ɡwaa ɡɛ.

2 Tesalonika 3:12

Ya cheɡɛ ya Dɔɔ Yeesu Kristo sɔn ta dɛɛ ŋɔ ɡɛ nɛra nɔ be ŋɔ bá do sie dɛɛ ɛ ba ɡbaɡba toma dɛɛ di ba koeh ta.

2 Tesalonika 3:6

Yabala, ya cheɡɛ ya Dɔɔ Yeesu Kristo sɔn ta dɛɛ ŋɔ he be ŋɔ, he bini bɛlbwa dɛ ɛ bɔhwaah o ta sɛɛh dɛɛ ɛ toma ɡɛ yaa baɡla la aa, hé ɡelo, he ne o bɛ pɛ.

Faelemɔn 1:21

N jemɔ kɛŋɔ hɛɛ no n waa nɔɔ dɛ ɛ ɡwaa ɡɛ kwara. A waa n chwerɛ tɔn nɔ la.