2 Tesalonika 3:3 - mzwDBL

³ Kɛ Korowii waa dɔ kasinteŋ la, wɛɛ ɡeloo hɛɛ kpeɡ waa la ta teŋa ta, dɛ́ lɛ heyaa le Bɔnsam nɔn ta o bɛ heyaa dɔ.

2 Tesalonika 3:3 ပူးပေါင်းရင်းမြစ်များ

Mumpar 48:16

Korowii torome waa lee mɛ le n wenaale bwa ta la swee bii nɔ andɛɛɡa. Korowii ɡel n sɔn ne n mɛɛ Abraham ne Aesek sɔn teŋɛ ba nɛ. Korowii ɡel ba dɔ bii ne naanar kohona.”

1 Webena 4:10

Jabɛs wio no Korowii Israel tena aa dɛ tomɛ ŋɔ, “N Naa Korowii, swee mɛ andɛɛɡa, dɛ́ ɡel n harɛ do kan! Kpɔ nɔn tɔ n nɛ, dɛ́ lee mɛ waa aa kpɔ bonyɛɡa ba ta n nɛɛ ta.” Asɛ Korowii no o wesoŋa.

Yela 121:7

Korowii ɛɛ lɛ heyaa le siswɛm bɛlbwa taa, dɛ́ kpɔ nɔn tɔ he nɛɛ kɛrɛdɛ ken.

Yela 19:13

Lɛɛ mɛ le wechɔɡa maa saahna ɛ ta, bɛ ɡel a lɛ n liire. Anee dɛ́ ɡel n waa do wer, ásɛ n dɔ n te le wechɔɡa ɛɛ ta.

Matiu 5:37

Ba dɛ bɔɔre waa dɛ a ɛ kpela aa, sɛh ŋɔ, ‘Ɔɔh,’ dɛ nyosone ɡee yaa, ŋɔ, ‘Ɔɔhɔh.’ He bol waane ja a ta naa, amɔ a te le Bɔnsam be.

Matiu 6:13

Dɛɛ ke yaa wechɔɡa luɡri ta. Le yaa musu ta. He kora dii, ne he kpeɡri, ne he jirima ta jaɡa dɔe bwa. Aamen.’

Amanesoma Luk Aa Chwera Tɔn 11:4

dɛ́ kpɔ ya wechɔɡa kɛ yaa, ɡɛ yaa kpɔ ya dɔŋa wechɔɡa dɛɛ kɛ ba la. Dɛɛ ke yaa wechɔɡa luɡri ta.’ ”

Amanesoma Jɔn Aa Chwera Tɔn 17:15

Maa soŋe ŋɔ hé laa ba kpɔ le harɛ nɔ ta, kɛ n dɛ soŋe ŋɔ hɛ́ɛ kee ba Bɔnsam nɛ.

1 Kɔrent 1:9

Korowii ɛ kasinteŋ te. Onee le heyaa ŋɔ hé ne o Bie la do som. O Bie laanee ya Dɔɔ Yeesu Kristo la.

1 Kɔrent 10:13

Nomɛlbwa dɛ na wekpeɡa. Anomanta, dɛ he dɛ na wekpeɡa aa, he laa bɔ bere. Korowii waa dɔ yarada. Waa ɡel wekpeɡa bɛlbwa ɡwaa he nɛɛ ásɛ he horɛ. Wɛɛ baɡle heyaa ŋwɛnɛ haa kpɔ dɛ́ won lawɛ bambile ka tel kɛŋɔ haa le a nyoa.

1 Tesalonika 5:24

Korowii waa le heyaa he ba ɛ o bii la, o ɛ kasinteŋ te. Onee dɛɛ ba heyaa nɛndɛɛɡa ɛɛ.

2 Tesalonika 2:17

bá tɛ heyaa ɡbemba dɛ ɡel he che kiŋkiŋ, ásɛ dɛ won ɛ wedɛɛɡa te bɛlbwa, dɛ́ won dɛɛ bola ɡe.

2 Timoti 4:18

Ya Dɔɔ la ɛɛ lee mɛ wobɛlbwa taa, dɛ́ kpɔ mɛ sɔnɔnɔɔ ken kaa o nyundua koobwɛɛ la ta. Onee chɛ kɛ ya tɛo jirima tɔpere bɛlbwa aa wola jaɡa dɔe. Aamen.

1 Pita 5:10

Kɛ he baa na waa tama aa, Korowii waa dɛ na nɛra sum dɛɛ cha ba kohona la, o ɡbaɡba ɛɛ kwaa he wobɛlbwaa, dɛ́ ɡel he che kiŋkiŋ, dɛ́ do kpeɡri, dɛ́ lawɛ heyaa he bɛ chole. Onee le heyaa hé won che pɛɛ he ne Yeesu Kristo aa pɛa la ta, dɛ dɔ o jirima aa wola jaɡa dɔe bwa la.

2 Pita 2:9

He nyiŋo na naa, dɛ Korowii te jemɛ ɡɛ waa dɛ lɛ nɛra baa dɛ ɔmɔ dɛɛ le Bɔnsam daahna ta, dɛ jemɛ ɡɛ waa dɛ tɛr wechɔɡ-ɛɛra deŋne, dɛ́ ka tel awola waa ba bol nɛra bwa waa dɛ́ pa bole la.

Tɔn Jud Aa Chwera 1:24

Korowii waa wona dɔ kpeɡri dɛ lawɛ heyaa haa wola chole, dɛ laa he doŋa bwa kpɔ he nɛ, dɛ ɡel he dɔ silɛɛ dɛ che o sie dɛ na o jirima la,