2 Tesalonika 3:2 - mzwDBL

² Hé soŋo o lɛ yaa dɛɛ le meesɔɔh tena ne nɛnchɔɡa be, dɛkalkɛŋɔ nomɛlbwa laa dɛ́ no waa yaa dɛ bol la dɛ yaradaa.

2 Tesalonika 3:2 ပူးပေါင်းရင်းမြစ်များ

Matiu 17:17

Asɛ Yeesu chaŋe ŋɔ, “Oo! Fini nɔ nɛra wechɔɡa aa lɔ he nɛɛ nɔ, he ta yarada dɔe! Tɔpera aŋwɛnɛɛ hɛɛ nyin kɛ ń lawɛ bambile, dɛ́ so he be mɔɔ he yarada Korowii ɔ? Maa tɔpere bɛl dii ba he be kpa oo! Hé kpɔ bie la ba tɛ mɛ!”

Matiu 23:23

Hé bwɛɛlɛ, he Tɔnjerema ne Farisii tena, he nɛra haa nyiŋi nɛra sie mɔɔ dɛɛ ɛ wa! He kondiili do tamaa ɡɛ bɛlbwa naa, he won a bini pera bɔre fi dɛ́ kpɔ bɔrbeŋkpoŋ aa ɛ Korowii kwaa la ka tɛo, ɡɛ Mmara la aa baɡla la, kɛ dɛ ɡel Mmara la bini waa aa tɔ sie dɛɛ baɡle ŋɔ hɛ́ɛ di kasinteŋ, dɛ́ɛ na nɛra sum, ásɛ dɛ ɡel nɛra ɛɛ yarada heyaa la te. Gɛ waa nɔɔ chɛ kɛŋɔ hɛɛ ɛ, dɛ́ ja anɔ la haa dɛ ɛa la ta.

Amanesoma Luk Aa Chwera Tɔn 18:8

N dɛ ŋɔ he be ŋɔ, Korowii ɛɛ wonoo cha ba. Wɛɛ ɛa warane ɡee. Dɛ Men Nɛn Bie la balaa, mɛɛ ba pu nɛra baa dɔ yarada harɛ nɔ taa te naa?”

We-ɛɛla 13:45

Juu tena la aa na nɛra baa wola Juu tena ɛɛ la aa wara kohona la, a ɛɛ ba bɔweela taeh, asɛ baa tɔŋle Pɔɔl ne Banabas dɛɛ ɛɛ ba nɛnhɛla.

We-ɛɛla 13:50

Anɔ bwa aa dɛ ɛ la, dɛ bela Juu tena la ir bela bwɛjen nomonjena ne haahna bane baa ɛ nɛnjena dɛɛ tomɛ Korowii la bwaawee, asɛ ba baah di Pɔɔl ne Banabas nɛ, ba hah ba dɛ doŋ ba le ba bela bwɛɛre la ta.

We-ɛɛla 14:2

Kɛ bela Juu tena baa wola Yeesu waa yarada la te chɔɡ Pɔɔl ne Banabas sɔn, dɛ ir nɛra baa wola Juu tena ɛɛ la bwaawee, asɛ ba baah di nɛra baa yarada Yeesu waa la nɛ.

We-ɛɛla 17:5

Nɛra baa yarada Pɔɔlwa waa la, dɛ baa ja asɔre tena la nɛɛ la aa dɛ warɛ la, dɛ aa somɛ Juu tena la be, asɛ ba ka nyin nɛŋkasale baa wola toma dɔe dɛ yon do dembaah dɛɛ ɡaaɡe ɡbo la, dɛ ir ba bwaawee, asɛ ba ne ba valɛ dɛɛ do ɡbɔɡa bwɛɛ la bwa. Ba la Jasen dem ŋɔ bá fe ka lawɛ Pɔɔl ne Silas ba tɛ bwɛɛla la.

We-ɛɛla 25:27

dɛkalkɛŋɔ dɛ n la o ne o be dɛ n ta wechɔɡa waa ɛa baɡlaa, a ta maɡrɛ.”

We-ɛɛla 28:24

Nɛra la bane yarada o waa la, bane ɡe ta an yaradae.

Tɔn Pɔɔl Aa Chwerɛ Rom Tena 10:16

Amanesoma la balɔ, kɛ Israel tena bwa laa sɛh a ta teŋa. Korowii keame Aesaya ɡbaɡba fa bolɔ ŋɔ, “N Naa Korowii, umee yarada waa yaa bol ba be laɔ?”

Tɔn Pɔɔl Aa Chwerɛ Rom Tena 15:31

Hé soŋe Korowii tɛ mɛ ásɛ o kpɔ nɔn tɔ n nɛɛ Juda harɛ tena baa wola Yeesu yarada la bini, ásɛ waa maa dɛ la ka ɛ Jerusalam Korowii nɛra ba wa aa toɡra bini la, bá sie lɛ a ta,

1 Kɔrent 15:32

Gɛ nɛra fa aa ɛɛ mɛ Ɛfesos la do kɛŋɔ n ne kpɔɡ bini ola aa yoa ken. Dɛ harɛ nɔ ta waa ɡbo waa n ne ba yo aa, bɔkwa tɔnɔɔ n dɔ a ta nɔ? Dɛ nɛra aa seo taa iraa, ya fe ɛɛ ŋɔɔ, “Hé ɡel ya ir dɛ́ di kwaa dɛ́ lɛ sie, dɛkalkɛŋɔ tɔpebɛl yaa sewɔɔ.”

Mmarare 32:20

dɛ ŋɔ, ‘N laa sie kpɔ ba nɛ, maa ban chaŋe. Mɛɛ nao ɡɛ aa chiɡ heya, lwɛmkpeɡ tena haa wola kasinteŋ bol.

1 Tesalonika 2:18

Yaa dɛ nyin he be bala la, ya takapɔ ɡɛ yaa ɛ dɛ na heyaa ja. Men Pɔɔl yon takapɔ kɛ n fe ɛɛ ba he bee. Kɛ Bɔnsam aa yaa ŋwɛnɛ tɛ.

2 Timoti 4:17

Kɛ ya Dɔɔ la cheɡɛ n habɔɔ dɛ tɛ mɛ kpeɡri n won bol Amanesoma la bwa, asɛ nɛra baa wola Juu tena ɛɛ la bwa no. Korowii lɛɛ mɛ le siswɛm ta kɛŋɔ nɛn baa lɛo le nyujente nyoa ta ken.