2 Tesalonika 3:14 - mzwDBL

¹⁴ Dɛ nomɛlbwa ta sɛɛh kɛ wɛɛ teŋɛ ɡɛ yaa ŋɔa tɔn nɔ bini nɔ taa yaa, hé nyiŋu kɛrɛdɛ. He ne o bɛ pɛ dɛɛ ɛ wobɛlbwa, ásɛ sihiih kpoo.

2 Tesalonika 3:14 ပူးပေါင်းရင်းမြစ်များ

Taetos 3:10

Nɛn waa dɛ ba nɛra baah peɡra ne la, bol waa baɡlo ó ɡel. Dɛ o ta teŋɔ dɛɛ ɛ aa, bol waa baɡlo ja. Dɛ o ta he nɛɛtena waa la noɛ yaa, he ne o bɛ wobɛlbwa ta pɛ.

1 Kɔrent 5:11

Nɛra maa dɛ bol ba waa laanee nɛra baa ŋɔa ba ja yabala asɔre tena nɛ, kɛ dɛɛ bɔ jwamane, dɛ kpɔ suuɡa ɡwaa komɛlbwa, dɛɛ tomɛ voɡa, dɛɛ bol nɛra bwara wechɔɡa, dɛ nyɔ sen dɛɛ dɛɛ, dɛɛ ŋwɛ la. Ba ŋɔ ba ɛ asɔre tena dɛ berɛ dɛɛ ɛ waa aa do ken nɔ la, he ne ɡɛ nɛra nɔ te bɛlbwa bɛ pɛ, a ba ɛ kɛ hɛɛ pɛ nɔnee di kwa.

2 Tesalonika 3:6

Yabala, ya cheɡɛ ya Dɔɔ Yeesu Kristo sɔn ta dɛɛ ŋɔ he be ŋɔ, he bini bɛlbwa dɛ ɛ bɔhwaah o ta sɛɛh dɛɛ ɛ toma ɡɛ yaa baɡla la aa, hé ɡelo, he ne o bɛ pɛ.

Yela 83:16

N Naa Korowii, ɡel sihiih kpo ba, dɛ́ ɡel ba na he kpeɡri.

1 Tesalonika 4:8

Nomɛlbwa waa wola a ɡɛ waa nɔ ta teŋɛ la, dɛ nɛwɛnyini waa laa o vɛh, dɛ Korowii waa tɛ heyaa o Domadɛɛɡe la waa o vɛh.

Sɛɡla 5:13

N ta nɛra baa baɡ mɛ waa la be noɛ, n ta nɛra baa do mɛ la waa ta teŋɛ.

Faelemɔn 1:21

N jemɔ kɛŋɔ hɛɛ no n waa nɔɔ dɛ ɛ ɡwaa ɡɛ kwara. A waa n chwerɛ tɔn nɔ la.

2 Kɔrent 10:6

N kpɔ n te dɛ so dɛɛ kpa, ásɛ he te dɔɔ ba no n be ka tonaa, n tɛr nɛra baa vɛah la deŋne.

2 Kɔrent 2:9

Maa dɛ nyin kɛŋɔ ń ɛ heyaa dɛ́ na kɛŋɔ hɛɛ no n waa ta wobɛlbwa taa kɛɛ haa no la, a waa n chwerɛ heyaa tɔn la.

1 Kɔrent 5:9

N tɔn n fa aa chwerɛ heyaa la, n baɡlɔ kɛ he ne nɛra jwamane aa lɔ ba sie ta la bɛ pɛ.

Tɔn Pɔɔl Aa Chwerɛ Rom Tena 16:17

Yabala, n dɛ soŋe heyaa kɛŋɔ, hɛɛ nyiŋi nɛra baa ɡela he baah ɛɛ peɡri, dɛɛ baɡle waa a ne Yeesu Kristo waa baa baɡle heyaa nɔ aa wola jo, asɛ dɛɛ vuuɡi heyaa la. Hé jem ba dɛɛ ke he te ba nɛ.

Sefania 3:2

O nɛra ta Korowii be noɛ, ba ta sɛɛh dɛ teŋɛ toɡra waa toɡ ba la ta. Ba ta ba te kpɔe dawɛ Korowii nɛ, kɛɛ dɛ soŋe chae le o be.

Jeremia 6:15

Amɔ sihiih kpo ba wedoŋa baa ɛa nɔ ta kenɛ? Akai, sihiih ta ban kpoe kwara, ba siebɔra ɡba dɛ baɡle kɛ sihiih ta ban kpoe. Anomanta, baa chɔɡoo kɛŋɔ bane aa chɔɡa la. Awola maa ba tɛr ba deŋne la, ba wobɛlbwa ɛɛ ba a jaɡaa. Men Korowiirii bola.”

Matiu 18:17

Dɛ he ne nɛra la laŋɔ o ŋɔ waa sɛh ja aa, kpɔ ka bil he bala bwa he ne ba aa dɛ cheme la sie. Dɛ o ŋɔ waa ba ɡe bee no aa, ɡel o waa tɛo kɛ nɛn waa wola Korowii tomɛ kɛɛ wechɔɡ-ɛɛ.

Mmarare 16:12

Hé lii kɛŋɔ he fa di somanjiri Ijipt harɛ ta ka, anomanta, hé nyiŋi kɛrɛdɛ dɛ́ɛ teŋɛ ɡɛ waa nɔ ta.

Hibru 13:17

Hɛ́ɛ no nɛra baa dɛ tɔ he sie la nyoa wa, dɛɛ ɛ waa baa ŋɔa hɛ́ɛ ɛ la, dɛkalkɛŋɔ ban dɛɛ nyiŋi heya. Ba dɔ nkontaa dɛ bu Korowii sie dɛ baɡle ɡɛ bwa baa nyiŋi heya. Hɛ́ɛ no ba nyoa wa, ásɛ ba won ɛ toma silɛɛ ne. Dɛ haa ba nyoa waa no aa, baa ɛa tebinichɔɡ nee, aa wola tɔnɔ bɛlbwa lee ba dɛ́ tɛ heya.

Felepae 2:12

Anomanta, n dandɛɛɡa, ɡɛ haa dɛ no n waa dɛɛ teŋɛ a ta ɡɛ saŋ n fa aa lɔ he be la, a hiaoh kohona kɛŋɔ maa wola toole he be nɔ, hé ta kpoŋe ɡɛ. Korowii aa lɛ heyaa nɔ, hé kpɔ duure ne ɔmee dɛ́ɛ teŋɛ toma haa dɛ tomɛ Korowii la ta,

2 Kɔrent 7:15

O lii ɡɛ he bwa fa aa dɛ no o waa ne ɡɛ he fa aa dɛ tɛo duure dɛɛ ɛ yalayala la aa, dɛ o nyina waa dɛ nyin heyaa la, dɛ jae a na dɛɛ ja.

Jeremia 3:3

A waa bwaala teŋe, dɛ ɡel nɛɛ. Kɛ he nya sihiih jwamane ta, haa sɛh ŋɔ sihiih kpo heya.

Ɛsra 9:6

dɛ soŋo ŋɔ, “N Naa Korowii maa dɛ tomɛ, sihiih dɛ kpo mɛ n di ncho ɡe kohona, kɛ maa ɡɔɔ nyu dɛɛ nyiŋi he siwi ta nɔ, dɛkalkɛ ya wechɔɡa ɡwaa ya nɛ, hale dɛɛ tel he be nyundua.

Nɛra Kura 12:14

Asɛ Korowii ŋɔ o be ŋɔ, “Dɛ Miriam mɛɛ fe ta nentane ta o sie ta naa, ba fe ta on kpɔe le he baah ta o ka so dahara tɔpera anuanɛ sihiih kpoo waa? Hé le Miriam ne dahara, dɛ́ ɡel o so bela tɔpera anuanɛ mɔɔ he berɛ ba o ne.”

1 Kɔrent 4:14

N ta ɡɛ waa nɔ chwerɛ ba tɛ heyaa dɛ́ ɡel sihiih kpo heya, kɛ jae mɛɛ ja heya, haa ɛ n bidɛɛɡa maa dɛ nyin heyaa la nomanta.

Kolosi 4:16

Dɛ he baa kure tɔn nɔ tonaa, hé ɡel ba ka kuro baɡle asɔre tena baa lɔ Laodisia la. Tɔn maa tɛ ba ɡe la, hé lɛ dɛ́ ka kure.

Taetos 2:8

Gel a toɡre kɛrɛdɛ, nɛra bɛ a wobɛlbwa dɔ dɛ́ bol, ásɛ nɛra baa dɛ tɔŋle heyaa bɛ ya wechɔɡe bɛlbwa dɔ dɛ́ bol, ásɛ sihiih kpo ba.

2 Jɔn 1:10

Dɛ nomɛlbwa ba he be dɛ baa baɡle heyaa anɔ la aa wola Yeesu Kristo waa la ane ɛɛ yaa, he bɛ naate lɛ so he be, he bɛ o sie kwara lɛ.