2 Tesalonika 2:2 - mzwDBL

² hɛ́ɛ lii a waa kɛrɛdɛ. Maa nyin nomɛlbwa bol wetamaa ane, ásɛ he den ɔmɛ dɛɛ lii kɛŋɔ ya Dɔɔ balɔ kaa. Dɛ ba ŋɔ Korowii Domadɛɛɡe baɡ ba ɡɛ baa bol, kɛɛ dɛ he na tɔn bɛl o neɡre heyaa kɛŋɔ yanee chwerɔ waa, he bɛ no dɛ́ ɡel a ɛ heyaa waane.

2 Tesalonika 2:2 ပူးပေါင်းရင်းမြစ်များ

Aesaya 26:3

N Naa Korowii, henee dɛɛ tɛ banɔ la ba liire aa cheɡɛ bobeŋkpoŋ bosɔɔhna tenten, dawa baa kpɔ ba te dawɛ he nɛɛ la wa.

Aesaya 7:2

A ɡɛ waa nɔ tel Juda Kooro Ahas ne o nɛra be kɛŋɔ Siiria tena ne Israel tena pɛo ba harɛ la ta dɛ́ ba yoo ba, asɛ ba bwara yɔr dɛɛ sa kɛŋɔ peu aa taa jo daa bini la.

Maeka 2:11

Nɛra nɔ dɛ nyin keame waa teŋe nyosone ŋɔ, ‘Mɛɛ ɡeloo sene bwa soo siwi bu he nyɔ dɛ́ dɛɛ.’

Matiu 24:24

dɛkalkɛ nɛra ɛɛ bao dɛ́ ba teŋe nyosone ŋɔ Kristo laanee ban, ásɛ bane ɡe teŋe nyosone ŋɔ Korowii keameree ban. Baa ɛ wejena ne nyokpowaa, dɛɛ nyin bɔr dɛ́ neɡre nɛra Korowii aa chal ba dɛ lɛɛ ba la kwara.

Amanesoma Mak Aa Chwera Tɔn 13:7

Dɛ he baa no laa yoi waa ne laa ɡbɔɡa bobɛlbwa ɡe aa, he bɛ ɡel a ɛ heyaa wepiɡra, dɛkalkɛŋɔ a chɛ kɛŋɔ á ɛ ɡɛ. A ɡɛ waa nɔ bwa chɛ kɛŋɔ á chiɡ, dɛ wobɛlbwa jaɡa la ta tele mɔɔ.

Amanesoma Luk Aa Chwera Tɔn 21:19

He lawɛ bambile aa, hɛɛ dɔ he nyuu.”

Amanesoma Luk Aa Chwera Tɔn 21:9

Dɛ he baa no laa yoi waa ne harɛ vuuɡa waa bobɛlbwa naa, he bɛ ɔmɛ. A chɛ kɛ ɡɛ waa nɔ bwa chiɡ. Kɛ dɛ wobɛlbwa jaɡa la ta tele mɔɔ.”

Amanesoma Jɔn Aa Chwera Tɔn 14:1

Yeesu berɔ ŋɔ, “He bɛ ɡel he bambile chɔɡ! Hɛ́ɛ yarada Korowii ásɛ dɛɛ yarada n ɡe.

Amanesoma Jɔn Aa Chwera Tɔn 14:27

Deŋnesɔɔhnaa n kpɔ dɛɛ tɛ heya, n ɡbabir deŋnesɔɔhnaa. Harɛ nɔ ta deŋnesɔɔhna laa, anomanta, he bɛ ɡel he bambile teŋe ásɛ hɛɛ ɔmɛ.

1 Kɔrent 1:8

Ya Dɔɔ Yeesu Kristo nɔɔ dɛɛ ba ɡela he che kiŋkiŋ ka tel he serewe bena, ásɛ awola tɔpere waa ba la, wechɔɡa bɛlbwa bɛ he nɛɛ do.

1 Kɔrent 14:32

Nɛra Korowii Domadɛɛɡe aa tɛɛ ba kpeɡri bá bol o waa la, bá won ba te lawa,

1 Kɔrent 7:26

Waa lole dɛ dawɛ ya nɛɛ kɛrɛdɛ, anomanta, n te be te, a wer kɛ ɡɛ haa soɡa la, hé ta so ɡɛ.

Ɛfesos 5:6

He bɛ ɡel nomɛlbwa kpɔ wepuu neɡre heya. A ɡɛ waa nɔ bwa waa Korowii baah di deŋnekpeɡ tena nɛɛ wɛɛ ba ba deŋne tɛra la.

1 Tesalonika 3:3

he bini bɛlbwa bɛ wahala nɔ waa koh dɛ́ chwa. He bwa jemɔ kɛ ɡɛɛ chɛ kɛ ya na.

1 Tesalonika 4:15

Ya Dɔɔ la waa waa bolaa nɔ. Ya banɔ la yaa so le dɛ ka tel ɡɛ saŋ ya Dɔɔ la aa ba la, yaa yabala baa serewa la siee tɔ kaa ya Dɔɔ be,

1 Tesalonika 5:2

dɛkalkɛŋɔ he bwa jemɔ kpela kɛŋɔ tɔpere ya Dɔɔ la aa ba la ɛɛ piɡruu kɛŋɔ ŋwɛɛ aa dɛ piɡri nɛn jwaana la.

2 Tesalonika 2:15

Anomanta, yabala, hé lawɛ kiŋkiŋ dɛ́ teŋɛ waa la bwa yaa kpɔ nyoa dɛ baɡle heya, ne anɔ la yaa chwera tɔn ta dɛ tɛ heyaa la ta. Hé ɡel a bwa do he nyu bini kɛrɛdɛ.

2 Tesalonika 3:17

Men Pɔɔl ɡbaɡbaa chwerɛ bonɔ nɔ. N dɛ na heya. Kenii n yon dɛɛ ɛ n tɔn bɛlbwa bini, ásɛ he won jemɛ kɛŋɔ n tɔnee.

Wepila 19:20

Kɛ ba lawɛ olchɔɡe la, ne keamechɔɡe la o fa aa dɛ ɛ wejena dɛɛ tɛ olchɔɡe la, dɛɛ neɡre nɛra baa dɔ olchɔɡe la nso dɛɛ tomɛ kon baa mao o do kɛ olchɔɡe la. Ba kpɔ ba bwa ne ba siweela ka ta bela nii ne jebɔrɔwe aa yɛɛra chɔ kɛŋɔ moo dɛɛ fuh.