2 Tesalonika 2:14 - mzwDBL

¹⁴ Yanee fa bol Amanesoma la baɡle heyaa he no la, asɛ Korowii che a ta le heyaa ásɛ he ne ya Dɔɔ Yeesu Kristo won pɛ dɔ jirima.

2 Tesalonika 2:14 ပူးပေါင်းရင်းမြစ်များ

Yela 16:11

Hɛɛ baɡ mɛ mkpa ŋwɛnɛɛ. N lɔ he sie naa, n sie dɛ lɛ, n bwara ɡe ɛɛ sɔɔh mɛ saŋ bɛlbwa.

Matiu 25:21

Anee o dɔɔ la ŋɔ, ‘Jam, bonɔndɛɛɡe, kasinteŋ te! Tama nɔ haa kpɔ kasinteŋ dɛ ɛ a ne toma nɔ, mɛɛ kpɔe so andamanta nyoa. Ba puu mɛ so silɛɛ ta.’

Amanesoma Jɔn Aa Chwera Tɔn 17:22

Gɛ haa tɛ mɛ jirima laanee n ɡe tɛɛ ba ásɛ ba won ɛ beŋkpoŋ ɡɛ n ne haa ɛ beŋkpoŋ la.

Amanesoma Jɔn Aa Chwera Tɔn 17:24

N Mɛɛ, henee kpɔ ba tɛ mɛ. N dɛ nyin kɛ ba ja n nɛɛ bela maa lole, ásɛ dɛ won na n jirima haa kpɔa tɛ mɛ. He tɔ sie nyin mɛ mɔɔ dɛ ta harɛ, a waa he tɛ mɛ jirima la.

Tɔn Pɔɔl Aa Chwerɛ Rom Tena 16:25

Hé ɡel ya jam Korowii. Wɛɛ wonoo ɡel he che kiŋkiŋ Yeesu Kristo Amanesoma maa dɛ bol he be la ta. Korowii pili a ɡɛ waa nɔ bini. Anee fa ɛ wesɔɔhla saŋ la bwa la,

Tɔn Pɔɔl Aa Chwerɛ Rom Tena 2:16

Waa nɔ bwaa dɛɛ ba ɛɛ awola Korowii aa dɛ ba nɛra wechɔɡa baa ɛa dɛɛ sɔh la ne bochaah lee, ásɛ Yeesu Kristo pa ba bole. Gɛɛ me Amanesoma la ɛɛ baɡle.

Tɔn Pɔɔl Aa Chwerɛ Rom Tena 8:17

Yaa ɛ Korowii bii nomanta, dɛ ya sɛoh dɛ na wahala Yeesu Kristo aa naa la aa, ya ɡee di o kapɛrɛɛ kɛŋɔ Yeesu Kristo aa dɛ di la, ásɛ Korowii kpɛɛ yaa ɡɛ waa kpɛɛ Yeesu Kristo la.

Ɛfesos 1:18

dɛ́ pili he sie, dɛ́ ɡel he won jemɛ hwɛɡa Korowii aa le heyaa he dɔ a do kan kohona la kɛrɛdɛ, dɛ́ jemɛ kɛŋɔ wedɛɛɡa waa baɡɛ o nɛra ba wa aa toɡra nyoa ŋɔ baa dɔɔ la kan taeh,

1 Tesalonika 1:5

dɛkalkɛŋɔ Amanesoma la yaa baɡle heyaa la, wobol ɡbo ta laa a che dɛ ba he be. Awola haa no waa la, Korowii kpeɡri la ne o Domadɛɛɡe la ɡelɔ he jemɛ kɛŋɔ a ɛ kpela. He jemɛ ɡɛ yaa koh he waa dɛ kpoŋe ya te ɡɛ saŋ ya ne haa soɡa la.

1 Tesalonika 2:12

Ya do heyaa ɡbemba dɛ larawe he bwara dɛ do heyaa ŋɔ hé so sodɛɛɡa, ásɛ he waa lɛ Korowii sie. Onee le heyaa he ba ɛ o bii, dɛ kpɔ o Kora la ne o nyanyini la pera tɛ heya.

2 Timoti 2:12

Dɛ ya lawɛ bambile wobɛlbwa ta naa, ya ne wɛɛ di koraa. Dɛ ya ŋɔ ya ne o laa aa, o ɡe ɛɛ ŋɔɔ o ne ya laa.

1 Pita 5:10

Kɛ he baa na waa tama aa, Korowii waa dɛ na nɛra sum dɛɛ cha ba kohona la, o ɡbaɡba ɛɛ kwaa he wobɛlbwaa, dɛ́ ɡel he che kiŋkiŋ, dɛ́ do kpeɡri, dɛ́ lawɛ heyaa he bɛ chole. Onee le heyaa hé won che pɛɛ he ne Yeesu Kristo aa pɛa la ta, dɛ dɔ o jirima aa wola jaɡa dɔe bwa la.

2 Pita 1:3

Yeesu dɔ Korowii kpeɡri la dɔŋ. Anee o kpɔ cha yaa, asɛ ya dɔ komɛlbwa yaa hiah dɛ won do le dɛɛ ɛ wedɛɛɡa. Yaa jemɛ Korowii waa le yaa ásɛ ya won dɔ o jirima ne o dadɛɛɡe la waa o ɛ ɡɛ.

Wepila 21:23

A ta hiaih kɛŋɔ wee ne korobie chaah bela. Korowii jirima dɛ chaah bela, asɛ Pebie la ɡe ɛ kandea bela.

Wepila 3:21

Naate waa won yo le la, mɛɛ ɡeloo n ne o ka so n kookara ta, ɡɛ n fa aa yoa le dɛ ka so n Mɛɛ be o kookara ta la.