2 Tesalonika 2:13 - mzwDBL

¹³ Anomanta, a chɛ kɛŋɔ yá jam Korowii saŋ bɛlbwa he wa, yabala. O dɛ nyin heyaa kɛrɛdɛ, dɛ le harɛ mumpar la bwa le heyaa kɛŋɔ wɛɛ lɛ heyaa. O Domadɛɛɡe aa ɡela he doŋa bwa le he nɛɛ la, ne ɡɛ haa no o kasinteŋ waa dɛ yaradaa la, a waa o lɛ heyaa la.

2 Tesalonika 2:13 ပူးပေါင်းရင်းမြစ်များ

2 Timoti 1:9

Onee lɛ yaa, dɛ le yaa ŋɔ yá ba ɛ o nɛra dɛ́ do ɡoroŋ tɛo. Ya tondɛɛɡa ɛɛ waa laa o le yaa, kɛ o liire waa dɔa tɛ yaa, ne ɡɛ waa na ya sum dɛ cha yaa waa o le yaa. Yeesu Kristo nɛɛ o che dɛ na ya sum, dɛ cha yaa dɛ le yaa mɔɔ dɛ ta komɛlbwa.

1 Tesalonika 5:9

Korowii ta yaa tae ŋɔ yá ba di bolchɔɡe o sie. O ta yaa ŋɔ yá che ya Dɔɔ Yeesu Kristo nɛɛ dɛ́ dɔ ya nyu.

1 Tesalonika 1:4

Yabala, ya jemɔ kɛ Korowii dɛ nyin heya, dɛ le heyaa ŋɔ hé ba ɛ o bii,

2 Tesalonika 1:3

Yabala, ya koh he waa dɛ yon dɛɛ jam Korowii. He chɛ ɡɛ, dɛkalkɛŋɔ he yarada haa dɛ yarada Korowii la dɛ kaa sie saŋ bɛlbwa. Nyina haa dɛ nyin dɔŋa la ɡe ɡba dɛ do kan ja.

Tɔn Pɔɔl Aa Chwerɛ Rom Tena 9:11

Baa wola ban lolɛ mɔɔ, a ɛ kɛŋɔ ba ɛ wechɔɡa kɛɛ wedɛɛɡa la, dɛ Korowii dɔɔ ŋɔ ba nya be ŋɔ,

We-ɛɛla 13:48

Nɛra baa wola Juu tena ɛɛ la aa no waa nɔ la, ba sie lɛo taeh. Anomanta, ba jam Korowii kɛŋɔ waa ɡela ba no o waa la. Ásɛ nɛra Korowii aa ŋɔa baa dɔ o mkpa laanee la yarada Yeesu waa la, dɛ́ kpɔ ba te tɛo.

Daneɛl 9:23

Gɛ saŋ haa dena pa mun dɛɛ soŋe Korowii la, o no he wesoŋa la, asɛ n ŋɔ ń ba bol he be, dɛkalkɛ Korowii dɛ nyin he waa taeh. Anomanta, cheɡ deŋne kɛrɛdɛ no wepila maa dɛ ba a mun baɡla tɛɛ nɔ.

Ɛsekeɛl 16:8

A habɔɔ n berɔ fɛrɛ ba kaa, dɛ na kɛŋɔ namete he kpeɡo kohona kɛŋɔ he yalɛ, asɛ n paɡri n yal nyoa tɔ he nɛ, he ta mumɡbal cheɡɛ kpa. N ŋwɛɛrɔ baɡle asɛ n ne he fɔwɛ fɔo he berɛ n haah. Men Nemenɛ Korowiirii bola.

Aesaya 46:10

N bol waa aa dɛ ba chiɡa mɔɔ a ba, saŋ la bwaa n le baɡle anɔ la a taa dɛ ba bala. N ŋɔ waa maa maɡla bil bwa ɛɛ ɛo, mɛɛ ɛ anɔ la bwa n tea aa tooraa.

1 Jɔn 4:10

Anɔɔ dɛɛ baɡle ɡɛ nyina tenten aa doa. Ya te nyina yaa dɛ nyin Korowii la aa bobɛlbwa tel, kɛ o ɡe ɡarɔ dɛɛ nyin yaa. Hé na ɡɛ Korowii aa ɡela o Bibeŋkpoŋ la koh ya wechɔɡa waa dɛ ba harɛ nɔ ta, dɛ sewɛ dɛ kwaa ya ne Korowii baah.

2 Tesalonika 2:12

ásɛ o won pa nomɛlbwa waa wola sɛɛh dɛ teŋɛ o kasinteŋ waa la ta kɛ dɛɛ ɛ wechɔɡa o sie lɛ a ta la bolchɔɡe.

Ɛfesos 2:8

Korowii aa lɛ heyaa ta la, o nɛn nɛɛ suna ne he yarada waa o ɛ ɡɛ. He ɡbaɡba be laa a le, pɛɛpɛɛ o lɛ heyaa ta dɛ tɛ heyaa mkpa.

Jeremia 31:3

Korowii kpɔ o te baɡle Israel tena saŋ la dɛ ŋɔ, “Nyina aa wola jaɡa dɔe n nyin heya. Nyina kohonaa n ta teŋɛ dɛɛ nyin heya.

Mmarare 33:12

Bɛnjamen dea tena ɡe, o bol ba waa ŋɔ, ‘Dea nɔ tenaa Korowii ɛɛ nyin, dɛ kpɔ nɔn dɛɛ tɔ ba nɛ. O dɛ nyiŋi ba nɛɛ tɔpere bɛlbwa, dɛɛ do ba baah ta.’

1 Jɔn 4:19

Ya dɛ nyin dɔŋa, dɛkalkɛŋɔ Korowiirii tɔ sie nyin yaa.

Jems 1:18

O ɡbaɡba tetooraa ya dɔ o waa aa ɛ kasinteŋ la dɛɛ no, dɛ che a ta ɛ o bii, ásɛ dɛ su o siwi kwaa waa taa la bwa bini.

2 Tesalonika 2:16

Ya Dɔɔ Yeesu Kristo ɡbaɡba ne N Naa Korowii waa ɛ ya Mɛɛ dɛɛ nyin yaa kɛrɛdɛ dɛ sune ya nɛɛ dɛ cha yaa, dɛ tɛ yaa hwɛɡa aa wera ne ɡbemba aa wola tonɛ bwa la,

Kolosi 1:5

Amanesoma aa ɛ kasinteŋ la aa ba he be loɡla la, he no hwɛɡa aa dɛ tɛ la wa. He yarada ne nɛnnyin la le kwaa haa dɛ hwɛɡɛ a ta la ta. Korowii ɡe kwaa a bwa cheɡ heyaa Korowii doa kɛrɛdɛ ken.

Galaasia 3:1

Ee, Galaasia tena, he ɡɛnoo! Ya ta heyaa baɡlɛ ɡɛ aa ɛa Yeesu Kristo sewɛ daɡaɡre ta bwa naa? Aah bɔkwaa bera neɡre heyaa jaɔ?

We-ɛɛla 15:9

O ta baɡlɛ kɛŋɔ ba korɔ ya korɛ. Baa yarada Yeesu waa la waa Korowii laa ba wechɔɡa kpɔ ba nɛ.

Daneɛl 10:11

Baa la ŋɔ n be ŋɔ, “Daneɛl, Korowii dɛ nyin he waa taeh. Ir che dɛ́ no waa maa dɛ ba he be bola nɔ kɛrɛdɛ. He bee ba tom mɛ.” Waa bol waa la n be la, n iro che dɛ n bwara ta dɛ sa.

Sɛɡla 8:23

Menee Korowii tɔ sie ta mumpar la, mɔɔ dɛ ta harɛ nɔ.

2 Samoɛl 12:25

anomanta, Korowii tomɛ o keame Netan ŋɔ ó pa bie la sɔn Jɛdidia.

Hibru 1:10

Korowii berɔ ŋɔ, “Nomoa, wobɛlbwa mumpar la, henee ta harɛ. Kwaa aa lɔ nyundua ɡe, he nɔn tomaa a bwa.

2 Timoti 3:15

He bechale saŋ bwaa he le jemɛ Korowii Tɔn bini waa aa dɛ ba wona ɡel he dɔ wejema, dɛ che yarada haa dɛ yarada Yeesu Kristo la ta Korowii lɛɛ.

2 Timoti 2:15

Takapɔ kpɔ he te tɛ Korowii, ásɛ he waa su o siwi kɛ nɛn waa dɛ ɛ o Korowii toma kɛrɛdɛ sihiih aa wola hen kpo, dɛ́ lawɛ kasinteŋ waa la bini kpoŋe kɛrɛdɛ.

2 Tesalonika 2:10

dɛɛ ɛ wechɔɡa bwa soo siwi aa lole, dɛ́ won dɛɛ neɡre nɛra baa nyoɡra dɛɛ ba chɔɡa la. Korowii ɛɛ chɔɡ baa, dɛkalkɛŋɔ ba vɛh kasinteŋ waa aa dɛ ba wona lɛɛ ba la, ba ta o waa nyine.

Tɔn Pɔɔl Aa Chwerɛ Rom Tena 8:33

Umee dɛ́ won na Korowii bii waa lee ba nɔ bwara wechɔɡe bɛl dɛ bolɔ? Korowii kwara waa dɛ pa bole la, o ŋɔ ba waa wer dɛɛ su o siwi.

Tɔn Pɔɔl Aa Chwerɛ Rom Tena 6:17

Korowii jam! Wechɔɡa fa aa yawɛ heyaa yom, asɛ taraken nɔ he no o waa baa chaɡle heyaa dɛ kpɔ he te tɛo he bambile bwa ne nɔ,

Amanesoma Jɔn Aa Chwera Tɔn 14:6

Belaa o chaŋo ŋɔ, “Menee ŋwɛnɛ, menee kasinteŋ, menee mkpa. Dɛ nomɛlbwa ɛɛ la n Mɛɛ la bee yaa, nemenɛ ó che n nɛ.

Amanesoma Jɔn Aa Chwera Tɔn 1:1

Wobɛlbwa mumpar Korowii aa wola nyundua ne harɛ tae mɔɔ la, dɛ Korowii Nyoa Wobol la lole. Dɛ o ne Korowiirii lole, asɛ o ne o bwa ɛ beŋkpoŋ.

Amanesoma Luk Aa Chwera Tɔn 1:75

ásɛ ya ɛ nɛndɛɛɡa ya waa do ɡoroŋ o sie ya soɡa bini bwa.”

Daneɛl 10:19

O ŋɔ n be ŋɔ, “Korowii dɛ nyini, anomanta, dɛɛ berɛ ɔma, bɛ ɡel wobɛlbwa hae ɡe.” Waa bol waa nɔ n be la, n berɔ dɔ bokpeɡa, asɛ n ŋɔ o be ŋɔ, “Nomoa, bol waa bwa haa dɛ nyin kɛ he bol, taraken te he ɡelɔ n dɔ bokpeɡa.”

Kolosi 3:12

Heyaa Korowii bidɛɛɡa waa le heyaa tɛ o te, dɛ laa he doŋa bwa kpɔ he nɛ, dɛɛ nyin heyaa kɛrɛdɛ. Anomanta, hé kpoŋe dadɛɛɡe dɛ́ dɔ tedoma, dɛ́ ta tea dɛ́ɛ tɛ dɔŋa, dɛ́ɛ pwɛr he te, dɛ́ɛ tɛ nɛra sie, dɛ́ dɔ bambile tɛɛ ba.

Mumpar 1:1

Komɛlbwa mumpar la, Korowii ta nyundua ne harɛ.

1 Kɔrent 1:21

Ba ɡbaɡba wejema ɡelɔ baa Korowii jemɛ. Korowii kpɔ o wejema ɛa ɡɛ, dɛ ŋɔ a ɛo silɛɛ kɛ wɛɛ lɛ nɛra baa yarada Amanesoma yaa bola dɛɛ baɡle nɛra asɛ baa liira wesale la.

1 Tesalonika 2:12

Ya do heyaa ɡbemba dɛ larawe he bwara dɛ do heyaa ŋɔ hé so sodɛɛɡa, ásɛ he waa lɛ Korowii sie. Onee le heyaa he ba ɛ o bii, dɛ kpɔ o Kora la ne o nyanyini la pera tɛ heya.

1 Tesalonika 4:7

Korowii aa le yaa ŋɔ ya ɛ o bii la, o ta ŋɔe ŋɔ yá ba ɛ wedoŋa. O ŋɔ yá ba ɛ wedɛɛɡa.