2 Tesalonika 1:7 - mzwDBL

⁷ dɛ ɡel he bwara sɔɔh heya. Ya ne he bwaa dɛɛ ba bosɔɔhna la dɔe ɡɛ saŋ ya Dɔɔ Yeesu Kristo aa forɛ le nyundua o ne o nyundua toroma baa dɛ di kpeɡri ne nii nɛɛ ba la.

2 Tesalonika 1:7 ပူးပေါင်းရင်းမြစ်များ

Kaala 19:18

Dɛ chuu tɔ Sinai Bwejen la bwa, dɛkalkɛ Korowii cheɡɛ nii ta dɛ ba tu o doa. Chuu la nyundua kaala do kɛŋɔ nijena chuu ken. Dɛ bwejen la bwa dɛ jiɡri kikikiki ken,

Kaala 3:2

Belaa Korowii nyundua torome bɛl kpɔ o te baɡlo dawii ane aa dɛ lawɛ nii baah ta. Mosis nao kɛŋɔ nii dɛ le bela, kɛ dɛ dawii la ɡe aa fuh.

Aesaya 57:2

Nɛra baa ɛ nɛndɛɛɡa la, ba serewaa, ba dɛ chɔ sɔnɔnɔɔ deŋnesɔɔhna ta.

Aesaya 66:15

He na, Korowii kpɔ o torɔɡore dɛɛ ba nii ne kɛŋɔ kawulewule. O baah dɛ fuh kohona, wɛɛ ba ó ba tɛr nɛra deŋne.

Ɛsekeɛl 1:13

Hweera kwaa la dɛ nyɛɡle kɛŋɔ ninhɔla kɛɛ kapɛle ken. Asɛ nii do a baahna ta, dɛ la sie dɛɛ ba, dɛɛ chaah dɛɛ nyɛɡle kɛŋɔ bwaala.

Daneɛl 7:9

Men Daneɛl berɔ na kɛŋɔ kookane aa baa che, asɛ Nɛn Waa Lole Saŋ La Bwa ba so kane la bɛl ta. O tɔ yal o to kɛŋɔ yabi, asɛ o nyumpona to kpelkpel kɛŋɔ pee pona. Ninlao ɡboo o kookara la, asɛ kara la nakpale do kɛŋɔ saaker nakpale dɛɛ hɔ.

Matiu 16:27

Men Nɛn Bie nɔ ɛɛ kpɔ n Mɛɛ jirima laanee, n ne n nyundua toroma le nyundua ba, dɛ́ ba bɔ nomɛlbwa kem ɡɛ o toma aa doa.

Matiu 16:28

Kasinteŋ, a ɡɛ saŋ Men Nɛn Bie aa ba di kora la, he bini bane ɛɛ so lee, dɛ́ na mɛ.”

Matiu 25:31

Yeesu berɔ ŋɔ, “Dɛ Men Nɛn Bie la balɔ jirima ne, nyundua toroma la ja n nɛ aa, mɛɛ ba so n kookara taa,

Matiu 25:41

Ásɛ n berɛ ŋɔ banɔ la baa lɔ n ɡal ta la be ŋɔ, ‘He banɔ Korowii nyotaahna aa lawɛ heyaa la, hé le n sie bonɔ, dɛ́ ka jo nii aa wola dime bwa ba mara tɛ Bɔnsam ne o toroma la ta,

Matiu 26:64

Anee Yeesu chaŋo ŋɔ, “Anee he bol la. Kɛ n berɔ dɛɛ ŋɔ he bwa be ŋɔ, tɔpebɛl hɛɛ ba na Men Nɛn Bie laanee kɛŋɔ maa soɡe Korowii Waa Ɛ Kpeɡnɛn la diɡ ta, ásɛ dɛ na ɡɛ n ne baama aa le nyundua dɛɛ ba!”

Amanesoma Mak Aa Chwera Tɔn 14:62

Asɛ Yeesu ŋɔ, “Menee, hɛɛ ba na Men Nɛn Bie laanee kɛŋɔ maa soɡe Korowii Waa Ɛ Kpeɡnɛn la diɡ ta, ásɛ dɛ na ɡɛ n ne baama aa le nyundua dɛɛ ba!”

Amanesoma Mak Aa Chwera Tɔn 8:38

Wechɔɡ-ɛɛra ɡbo baa wola Korowii ɔmɛ nɔ, baa ba nyuu dɔ n bala tɔpere. Naate sihiih aa dɛ kpoe n ne waa nɔ taraken nɔ la, awola Men Nɛn Bie ne nyundua toromedɛɛɡa la aa ba n Mɛɛ jirima ne la, maa he heehra ba awola tɔpere.”

Amanesoma Luk Aa Chwera Tɔn 16:25

Anee Abraham ŋɔ, ‘N bie, lii kɛŋɔ ɡɛ saŋ he fa aa lɔ harɛ ta la, he di yɛɛ kɛrɛdɛ, asɛ Lasorɔs na wahala. Taraken nɔ o dɛ di yɛɛ, asɛ he ɡee na wahala.

Amanesoma Luk Aa Chwera Tɔn 17:30

Gɛ tentenee aa ba ɛɛ awola Men Nɛn Bie la aa ba ja la.

Amanesoma Jɔn Aa Chwera Tɔn 1:3

O nɛɛ Korowii che dɛ ta komɛlbwa. Kontaale bɛlbwa toole waa wola o nɛɛ cheɡɛ dɛ tao.

Amanesoma Jɔn Aa Chwera Tɔn 1:51

Yeesu ŋɔ ba be ŋɔ, “Kasinteŋ, n dɛ ŋɔ he be, hɛɛ nao nyundua aa pila, ásɛ nyundua toroma che bela tu dɛɛ ba Men Nɛn Bie be, dɛ berɛ teeh dɛɛ kaa.”

We-ɛɛla 1:11

dɛ bɔɔ ba ŋɔ, “Galilia tena, ɛrɛɛ he che bonɔ dɛɛ nyiŋi nyundua haah ɡɛ nɔɔ? Yeesu nɔ Korowii aa baa kpɔɔ le he be kaa nɔ, wɛɛ berɔɔ ba ɡɛ tenten haa nao wɛɛ kaa nyundua nɔ.”

We-ɛɛla 3:19

Anomanta, hé charɛ he liire le he wechɔɡa ta dɛ́ kpɔ he te tɛ Korowii ásɛ o kpɔ he wechɔɡa kɛ heya, dɛɛ tɛ heyaa bambisɔɔhna, dɛɛ do heyaa ɡbemba.

Tɔn Pɔɔl Aa Chwerɛ Rom Tena 8:17

Yaa ɛ Korowii bii nomanta, dɛ ya sɛoh dɛ na wahala Yeesu Kristo aa naa la aa, ya ɡee di o kapɛrɛɛ kɛŋɔ Yeesu Kristo aa dɛ di la, ásɛ Korowii kpɛɛ yaa ɡɛ waa kpɛɛ Yeesu Kristo la.

1 Kɔrent 3:13

Dɛ Korowii Tɔpere waa dɛ ba nɛra bwa waa bola dɛ́ pa bole la telaa, belaa baa ba nae ɡɛ bɛlbwa toma aa doa. Awola tɔpere la, niinii dɛɛ ba toma nomɛlbwa aa ɛa la wer bini baɡla.

2 Kɔrent 4:17

Wahala tama nɔ yaa dɛ na tɔpera anɛ bɛl nɔ ɛɛ ɡeloo ya dɔ jirima aa wola jaɡa dɔe, ásɛ a ɡwaa wahala nɔ kwaraa ken.

Ɛfesos 1:2

Ń Naa Korowii ne ya Dɔɔ Yeesu Kristo cha heya, dɛ́ tɛ heyaa bosɔɔhna.

Kolosi 1:16

O Bie la nɛɛ o che dɛ ta komɛlbwa waa lɔ harɛ ta ne komɛlbwa waa lɔ nyundua, anɔ la yaa dɛ naa ne anɔ la yaa wola an na kɛŋɔ nyundua toroma ne konchɔɡa aa dɛ di kpeɡri bwa soo siwi. O Bie la nɛɛ o che dɛ taa, asɛ a do le tɛo.

1 Tesalonika 3:13

Wɛɛ ɡeloo he do kpeɡri, dɛ bɛ wechɔɡa dɔ, dɛ́ ɛ nɛndɛɛɡa N Naa Korowii waa ɛ ya Mɛɛ la be, awola o ne o toromedɛɛɡa la bwa aa ba la.

2 Timoti 2:12

Dɛ ya lawɛ bambile wobɛlbwa ta naa, ya ne wɛɛ di koraa. Dɛ ya ŋɔ ya ne o laa aa, o ɡe ɛɛ ŋɔɔ o ne ya laa.

Taetos 2:13

dɛɛ kpa ɡɛ saŋ Yeesu Kristo aa ba o jirima ne ya nao la. Onee Korowijen ne ya Lɛɛ la. O bala taa ya dɔ hwɛɡa ne silɛɛ kɛrɛdɛ.

Hibru 10:27

Ɔmee taa yaa ba soɡa dɛɛ kpa Korowii Tɔpere waa dɛ ba nɛra waa bola dɛ́ pa bole, dɛ do banɔ la baa cheɡɛ o nɛɛ wechɔɡa nii aa dɛ lawɛ kohona la ta.

Hibru 12:29

dɛkalkɛŋɔ ya Korowii nɔ do kɛ nii aa wona dɛɛ chɔɡ kwaa kohona.

Hibru 4:1

Korowii nyoa waa baɡɛ nɛra ona waa ŋɔa bá ba onɛ la ta lole. Anomanta, hé ɡel ya nyiŋi kɛrɛdɛ ásɛ he bɛlbwa bɛ a ɡɛ nyobaɡa la ba paŋɛ.

Hibru 4:11

Anomanta, hé ɡel ya swɛɛ siwi dɛ́ dɔ ɡɛ ona la. A ta chɛ kɛ bɛlbwa ɛ a saŋ la tena deŋnekpeɡ la dɔŋ dɛ́ ba paŋɛ ɡɛ ona nɔ.

Hibru 4:9

He nyiŋo na naa, ona Korowii aa kwaara cheɡ o nɛra la ta lole bá ba onɛ, kɛŋɔ Korowii aa Ona Tɔpenuanɛ wee la ta la.

Hibru 9:28

Gɛɛ ba kpɔ Yeesu Kristo ɡe ɛ saraha kerabeŋkpoŋ, ásɛ o che nɛndamanta wechɔɡa. Wɛɛ berɔɔ ba nɛɛtena ja. Wechɔɡa waa laa wɛɛ ba bala name te. Nɛra baa dɛ kpao siswɛm ne laanee wɛɛ ba ba lɛ.

1 Pita 3:22

O kaa Korowii be nyundua, dɛ ka so nomombɔr o diɡ ta, dɛɛ di kora nyundua toroma ne konchɔɡa aa bea yaa wola an na bwa soo siwi nɛ.

2 Pita 3:7

Gɛɛ Korowii ŋɔ nyundua kwaa bwa ne harɛ kwaa bwa aa lole taraken nɔ, á do le ɡɛ, ásɛ nii ɛrɛ ba fuah awola waa dɛ ba nɛra baa wola on tomɛ waa bola dɛ́ pa bole, dɛ́ chɔɡ ba la.

Tɔn Jud Aa Chwera 1:7

Gɛɛ Sodom ne Gomoora tena ne bwɛɛre a fa aa lɔ ba jwɛɛh la tena, ɡe fa aa chɔ dɔŋa baa ne haah ŋwɛnɛdoŋ ta, aa wola were ne bola, dɛɛ chɔɡ ba te. Baa ɛ ɡɛ la, Korowii ɡelɔ nii le ba nɛ, ásɛ nɛra bwa na dɛ́ jemɛ kɛŋɔ Korowii dɛ tɛr wechɔɡ-ɛɛ deŋne nii aa wola dime bwa ne.

Wepila 1:7

Hɛ́ɛ no! Wɛɛ bao. Baama taa o che dɛɛ ba bala. Nomɛlbwa ɛɛ na o balaa. Nɛra ba fa aa yaɡɔ dɛ kpoo la, ba ɡba ɛɛ nao. Harɛ nɔ ta nɛra bwa ɛɛ nao, dɛ́ koh o bala waa dɛ ba la waa dɛ́ wi. Aa ba ɡɛɛ. Aamen.

Wepila 14:10

onee dɛɛ ba Korowii danana nee a nyoa aa kpeɡa kohona kɛŋɔ sen baa wola komɛlbwa a ta pule la nyɔe. Wɛɛ na hɔhɔrɔwa kɛrɛdɛɛ jebɔrɔwe ninlao ta, nyundua toroma ne Pebie la sie,

Wepila 14:13

N berɔ no taa bɛl nyundua o ŋɔ, “Chwerɛ waa nɔ. Le fini dɛɛ kaa, nɛra baa yarada ya Dɔɔ la dɛ kpɔ ba te tɛo la, dɛ ba sewaa, ba na som.” Korowii Domadɛɛɡe la bolɔ ŋɔ, “Kpelaa, ba onɔ. Ba lee ba ba koeh ta. Ba sɔndɛɛɡe ɛɛ teŋɛ ba nɛɛ kaa.”

Wepila 20:11

N berɔ na kookara damanta ompoŋ bɛl. Nɛn waa soɡe o ta la, nyundua ne harɛ nao dɛ nyoɡre, ba ta on nae kpa.

Wepila 21:4

Wɛɛ fee ba sinii bwaa ta baa wola wi kpa. Seo aa lee do kpa. Lokua ne wii ne bwadabii wee aa lee do kpa, dɛkalkɛ webena la bwa toole kpa.”

Wepila 22:16

Menee Yeesu, men tomɛ n torome ŋɔ ó ba baɡle waa nɔ, ásɛ he ka baɡle asɔre tena. Devid Dwee men. O Naa men. Menee Chɔmbibi Wewee waa dɛ chaah kɛrɛdɛ la.”

Wepila 22:6

Belaa nyundua torome la ŋɔ n be ŋɔ, “Waa nɔ ɛ kpela, nyosone bɛlbwa toole a ta. N Naa Korowii o fa aa ir keamere nɛɛ la, onee tom mɛ ásɛ n ba baɡle waa aa dɛ ba ɛɛ taraken la, ásɛ o bonɔɔna ne toli jemɛ.”

Wepila 22:9

asɛ o ŋɔ, “Bɛ ɡɛ ɛ. N ɡba ɛ Korowii bonɔɔ la bɛl kɛŋɔ he ne he bala keamere la ne nɛra la bwa baa dɛ no tɔn nɔ bini waa nɔ. Korowiirii chɛ kɛŋɔ hé duu.”

Wepila 6:11

Dɛ ba tɛ bɛlbwa yapoŋ ó tɔ, dɛ ŋɔ báa onɛ tama ka tel kɛŋɔ ba bala Korowii bonɔɔna ne toli baa dɛ ba ba ɡe kpoora kɛŋɔ ban la nyoa aa chiɡa.