2 Samoɛl 9:7 - mzwDBL

⁷ Kooro Devid ŋɔ o be ŋɔ, “Dɛɛ berɛ ɔma, mɛɛ koh he mɛɛ Jonatan waa dɛ́ nyini kɛrɛdɛ. Mɛɛ berɛ he naa Kooro Sɔɔl harɛ la bwaa tɛɛ, ásɛ n ne he pɛ nɔn dɛɛ di kwa saŋ bɛlbwa n dem.”

2 Samoɛl 9:7 ပူးပေါင်းရင်းမြစ်များ

2 Samoɛl 9:1

Awola bɛl, Kooro Devid bɔɔrɔ ŋɔ, “Nomɛl ta ka Kooro Sɔɔl dem ásɛ n koh Jonatan wa dɛ́ ɛo wedɛɛɡe aa?”

1 Koranar 2:7

Kɛ dɛɛ ɛ Baasilai waa le Gelead la bibaala la te kɛrɛdɛ. Gel ba ja nɛra he ne baa pɛa so dɛɛ di kondikwaa la nɛ. Ba cha mɛ ɡɛ saŋ maa chwaa le he dɔɔ Absalɔm be la.

2 Samoɛl 9:3

Belaa kooro bɔɔro ŋɔ, “Nomɛl ta ka Kooro Sɔɔl dem ń nyin o wa ɡɛ maa baɡɛ Korowii nyoa la aa?” Anee Siba chaŋe ŋɔ, “Jonatan bibaa bɛl lole. O ɛ boobi.”

2 Samoɛl 19:28

N nabaa naanar bwa chɛ kɛ n naa kooro kpoo ba, kɛ he tɛ mɛ ŋwɛnɛ n ne he pɛ nɔn di kwa. N ta ŋwɛnɛ dɔe kɛ ń berɛ soŋe waane le hen n naa kooro be kpa.”

Amanesoma Luk Aa Chwera Tɔn 22:30

N ne hɛɛ pɛ nɔnee di kwaa n kora ta, ásɛ he so kookane ta dɛ bol Israel deene fi dɛ anɛ la bwa waa dɛ́ pa ba bole.”

Yela 41:9

Hale n dansom maa dɛ hwɛɡɛ o nɛ, nɛn n ne waa pɛ nɔn dɛɛ di kwaa la, ɛ n dɔm.

2 Koranar 25:29

Anomanta, Kooro Jehoiachin dɔ ŋwɛnɛ dɛ laa laala waa doa ba doo dea la foo bil, dɛ kpɔ anfala do, asɛ o ne Babelɔn kooro pɛ nɔn dɛɛ di kwa o soɡa bini bwa.

Wepila 3:20

Hɛ́ɛ no! N cheɡɛ doonyoa dɛɛ lɔ ɡbera. Naate waa no n taa dɛ́ ba yaa mɛ la, mɛɛ jo o bee, n ne o pɛ nɔn di kwa.

2 Samoɛl 12:8

N kpɔ he dɔɔ Kooro Sɔɔl dem ne o haahna ɡe tɛɛ, dɛ cheɡe kora ta Israel ne Juda bwa ɡe. Dɛ anɔ ɡbo aa kanaa, n fe berɔ jae ane.

1 Samoɛl 12:24

Hé nyiŋi kɛrɛdɛ dɛ́ɛ teŋɛ Korowii waa ta dɛ́ɛ tomɔ kasinteŋ ne bambile bwa ne, dɛ́ɛ lii wejena waa ɛa tɛ heya la.

Mumpar 43:23

Anee bonɔɔ la chaŋe ŋɔ, “He bɛ ɡel a hiah heya hɛɛ ɔmɛ. Korowii he ne he nimanar aa dɛ tomɔ laanee ken kpɔa do he bone bini la. Gɛ suuɡa la tel n be.” Asɛ o le Simeon tɛɛ ba.

Matiu 6:11

Tɛ yaa ya fini kondikwa,

2 Samoɛl 19:33

Belaa kooro ŋɔ o be ŋɔ, “Ir ja n nɛɛ yá kaa Jerusalam he ka puu mɛ so, ásɛ mɛɛ nyiŋi he nɛ.”

2 Samoɛl 9:11

Belaa Siba ŋɔ kooro be ŋɔ, “Mɛɛ ɛ wobɛlbwa men maa ɛ he bonɔɔ haa do mɛ a ta bwaa.” Anomanta, dɛ Mɛfebɔsɛt dɛ di kondikwa Kooro Devid dem kɛŋɔ koobie ken.

Mumpar 43:18

Waa kpɔ ba dɛɛ kaa dem la, dɛ ba dɛ ɔmɛ, asɛ dɛɛ bol dɔŋa be ŋɔ, “Suuɡa la baa bera do ya bone bini la waa baa ba ya ne dem bonɔ la. Baa ɡuɡri yaa, dɛ́ lawɛ yaa yoma, dɛ́ kpɔ ya keeɡore.”

2 Samoɛl 9:10

He ne he bii ne bonɔɔna chɛ kɛŋɔ hé parɛ harɛ la, dɛ́ kpɔ o ta kondikwaa baa tɛo, ɡɛ aa ɛ ásɛ he nomoa naa dɔ kondikwa dɛɛ di. Onee n ne wɛɛ ba kondikwa dɛɛ dii n dem saŋ bɛlbwa.” Dɛ Siba dɔ bibaala fi dɛ banue dɛ bonɔɔna ɡe fifraanɛ.

2 Samoɛl 9:13

Anomanta, Mɛfebɔsɛt waa ɛ boobi la soɡe Jerusalam, dɛɛ di kwaa kooro dem tɔpere bɛlbwa.

Jeremia 52:33

Anomanta, Kooro Jehoiachin dɔ ŋwɛnɛ dɛ laa laala waa doa ba doo dea la foo bil, dɛ kpɔ anfala do, asɛ o ne Babelɔn kooro pɛ nɔn dɛɛ di kwa o soɡa bini bwa.

Sekaria 7:9

ń bol o nɛra be ŋɔ “Hɛ́ɛ nyiŋi dɔŋa nɛɛ kasinteŋ ne, dɛ́ dɔ tedoma dɛɛ tɛ dɔŋa dɛɛ ɛ wedɛɛɡa.

1 Samoɛl 20:15

Baɡle ɡɛ nyina la n lolanar nɛ, ásɛ dɛ Korowii chɔɡ n dɔma bwa le harɛ nɔ ta kwaraa naa.

1 Samoɛl 22:23

So n be bonɔ, dɛɛ berɛ ɔma. Nɛn waa dɛ nyini dɛ́ kpo la, dɛ́ nyin n ɡe dɛ́ kpo. He lɔ n be bonɔ naa, hɛɛ dɔ he nyuu.”

2 Samoɛl 19:29

Belaa Kooro chaŋe ŋɔ, “A ta chɛ kɛ he bol waane kpa. He ne Siba la ka bɔne Kooro Sɔɔl kondɔɔh.”

2 Samoɛl 21:7

Kooro Devid ne Jonatan ŋwɛɛra baa ŋwɛra baɡle dɔŋa Korowii sie nomanta, kooro ta Jonatan bibaa Mɛfebɔsɛt leɛ.