2 Samoɛl 9:3 - mzwDBL

³ Belaa kooro bɔɔro ŋɔ, “Nomɛl ta ka Kooro Sɔɔl dem ń nyin o wa ɡɛ maa baɡɛ Korowii nyoa la aa?” Anee Siba chaŋe ŋɔ, “Jonatan bibaa bɛl lole. O ɛ boobi.”

2 Samoɛl 9:3 ပူးပေါင်းရင်းမြစ်များ

2 Samoɛl 19:26

O chaŋe ŋɔ, “N naa kooro, maa ɛ boobi nomanta, n ŋɔ n bonɔɔ Siba be ŋɔ ó kpɔ kon ba dawɛ n keeɡo ta, ásɛ n so o ta n ne he kaa, kɛ o ta waa maa bola la ta teŋɛ.

2 Samoɛl 19:27

O teŋe nyosone dawɛ n nɛɛ tɛ hen n dɔɔ kooro. N dɔɔ, he do kɛŋɔ Korowii torome ken anomanta, ɛ wobɛlbwa aa too he tea.

2 Samoɛl 4:4

Dɛ Kooro Sɔɔl bibaa Jonatan dɔ bie bɛl baa yerɔ Mɛfebɔsɛt, o ɛ boobi. Waa di bene anue taa a le Jesreel ba kɛŋɔ Kooro Sɔɔl ne Jonatan sewɔ. Haah waa dɛ nyiŋi o nɛɛ la aa noa la, o kpɔɔ chwa. Waa dɛ too nomanta, bie la le o nɔn ta le harɛ, a taa a che o ɛ boobi.

2 Samoɛl 9:13

Anomanta, Mɛfebɔsɛt waa ɛ boobi la soɡe Jerusalam, dɛɛ di kwaa kooro dem tɔpere bɛlbwa.

2 Samoɛl 9:7

Kooro Devid ŋɔ o be ŋɔ, “Dɛɛ berɛ ɔma, mɛɛ koh he mɛɛ Jonatan waa dɛ́ nyini kɛrɛdɛ. Mɛɛ berɛ he naa Kooro Sɔɔl harɛ la bwaa tɛɛ, ásɛ n ne he pɛ nɔn dɛɛ di kwa saŋ bɛlbwa n dem.”

Amanesoma Luk Aa Chwera Tɔn 6:36

Hɛ́ɛ sune nɛra nɛ, ɡɛ he Mɛɛ la aa dɛ sune nɛra nɛɛ la.

Mmarare 10:15

Kɛ he naawa ɡbosoo nɛɛ Korowii kpɔ sie dawɛ kɛ wɛɛ nyin baa, dɛ berɛ le he nɛra haa ɛ ba naanar nɔ harɛre nɛra bwa bini, dɛ kpɔ heyaa ɛ o nɛra ɡɛ aa doa fini nɔ.

Mmarare 4:37

Nyina waa dɛ nyin he naawa nomanta, o le heyaa tɛ o te dɛ che o kpeɡri kohona waa dɔa ta dɛ ɡbaɡba ja he nɛɛ dɛ le he ne Ijipt harɛ ta.