2 Samoɛl 9:11 - mzwDBL

¹¹ Belaa Siba ŋɔ kooro be ŋɔ, “Mɛɛ ɛ wobɛlbwa men maa ɛ he bonɔɔ haa do mɛ a ta bwaa.” Anomanta, dɛ Mɛfebɔsɛt dɛ di kondikwa Kooro Devid dem kɛŋɔ koobie ken.

2 Samoɛl 9:11 ပူးပေါင်းရင်းမြစ်များ

2 Samoɛl 15:15

Anee nomonome la chaŋe ŋɔ, “N naa kooro, wobɛlbwa haa ŋɔa la, he bonɔɔna ɛɛ ɛo.”

2 Samoɛl 19:17

Dɛ Bɛnjamen dea laa tena kaɡboŋ ja o nɛ. Dɛ Siba ɡe waa dɛ daah Kooro Sɔɔl dem la kpɔ o bibaala fi dɛ banue, dɛ bonɔɔna fifraanɛ ja o nɛ. Ba ɛ warane ba Jɔɔdan Moo la nyoa dɛ ba cheme Kooro Devid.

2 Samoɛl 19:24

Kooro Sɔɔl naa bɛl baa dɛ yerɔ Mɛfebɔsɛt ɡe laŋɔ ka cheme kooro. O ta o naa saramɛ kɛɛ dɛ kuu o tampona, kɛɛ dɛ chɛɡɛ o laala, dɛ le awola kooro aa lea kaa, dɛ ba le tɔpere waa bera ba deŋnesɔɔhna ta.

2 Samoɛl 19:26

O chaŋe ŋɔ, “N naa kooro, maa ɛ boobi nomanta, n ŋɔ n bonɔɔ Siba be ŋɔ ó kpɔ kon ba dawɛ n keeɡo ta, ásɛ n so o ta n ne he kaa, kɛ o ta waa maa bola la ta teŋɛ.

2 Samoɛl 9:10

He ne he bii ne bonɔɔna chɛ kɛŋɔ hé parɛ harɛ la, dɛ́ kpɔ o ta kondikwaa baa tɛo, ɡɛ aa ɛ ásɛ he nomoa naa dɔ kondikwa dɛɛ di. Onee n ne wɛɛ ba kondikwa dɛɛ dii n dem saŋ bɛlbwa.” Dɛ Siba dɔ bibaala fi dɛ banue dɛ bonɔɔna ɡe fifraanɛ.

2 Samoɛl 9:12

Dɛ Mɛfebɔsɛt bibaa bɛl sɔne Mika, asɛ Siba dem nɛra bwa ɡe ɛ Mɛfebɔsɛt bonɔɔna.

2 Samoɛl 9:13

Anomanta, Mɛfebɔsɛt waa ɛ boobi la soɡe Jerusalam, dɛɛ di kwaa kooro dem tɔpere bɛlbwa.