2 Samoɛl 9:10 - mzwDBL

¹⁰ He ne he bii ne bonɔɔna chɛ kɛŋɔ hé parɛ harɛ la, dɛ́ kpɔ o ta kondikwaa baa tɛo, ɡɛ aa ɛ ásɛ he nomoa naa dɔ kondikwa dɛɛ di. Onee n ne wɛɛ ba kondikwa dɛɛ dii n dem saŋ bɛlbwa.” Dɛ Siba dɔ bibaala fi dɛ banue dɛ bonɔɔna ɡe fifraanɛ.

2 Samoɛl 9:10 ပူးပေါင်းရင်းမြစ်များ

2 Samoɛl 16:3

Belaa kooro bɔɔ ŋɔ, “Leperaa he nomoa naa Mɛfebɔsɛt la dɔɔ?” Anee Siba chaŋo ŋɔ, “O soɡe Jerusalam dɛkalkɛ o liiro ŋɔ, ‘Fini Israel tena ɛɛ berɔ kpɔ mɛ cheɡ n nabaa Kooro Sɔɔl naa ta, ń di kora.’ ”

2 Samoɛl 19:18

Ba cheɡɛ leebɔɔ la ta, dɛ́ ka kpɔ kooro ne o dem nɛra ɛɡɛ le, dɛ́ ɛ wobɛlbwa waa dɛ nyin tɛo. Belaa Simei aa ɛɡɛ Jɔɔdan Moo la le la, o baa chole chɔ kooro sie,

2 Samoɛl 19:28

N nabaa naanar bwa chɛ kɛ n naa kooro kpoo ba, kɛ he tɛ mɛ ŋwɛnɛ n ne he pɛ nɔn di kwa. N ta ŋwɛnɛ dɔe kɛ ń berɛ soŋe waane le hen n naa kooro be kpa.”

2 Samoɛl 21:7

Kooro Devid ne Jonatan ŋwɛɛra baa ŋwɛra baɡle dɔŋa Korowii sie nomanta, kooro ta Jonatan bibaa Mɛfebɔsɛt leɛ.

2 Samoɛl 9:7

Kooro Devid ŋɔ o be ŋɔ, “Dɛɛ berɛ ɔma, mɛɛ koh he mɛɛ Jonatan waa dɛ́ nyini kɛrɛdɛ. Mɛɛ berɛ he naa Kooro Sɔɔl harɛ la bwaa tɛɛ, ásɛ n ne he pɛ nɔn dɛɛ di kwa saŋ bɛlbwa n dem.”

1 Koranar 2:7

Kɛ dɛɛ ɛ Baasilai waa le Gelead la bibaala la te kɛrɛdɛ. Gel ba ja nɛra he ne baa pɛa so dɛɛ di kondikwaa la nɛ. Ba cha mɛ ɡɛ saŋ maa chwaa le he dɔɔ Absalɔm be la.

2 Koranar 25:29

Anomanta, Kooro Jehoiachin dɔ ŋwɛnɛ dɛ laa laala waa doa ba doo dea la foo bil, dɛ kpɔ anfala do, asɛ o ne Babelɔn kooro pɛ nɔn dɛɛ di kwa o soɡa bini bwa.

Jeremia 52:34

Dɛ Kooro Jehoiachin soɡa bini bwa la, dɛ Babelɔn Kooro Evil Mɛrɔdak dɛ tɛo suuɡa waa kpɔ yawɛ kwaa aa hiaoh.

Amanesoma Luk Aa Chwera Tɔn 14:15

Nɛra Yeesu ne baa soɡe kondibɔr la bɛl no ɡɛ waa la, dɛ ŋɔ Yeesu be ŋɔ, “Nɛra baa ba ja Korowii Kora la ta dɛ́ di kwaa la, ba sie ɛɛ lɛo kɛrɛdɛ!”