2 Samoɛl 8:6 - mzwDBL

⁶ Kooro Devid bɔne laa tena la bini ba so kuore ta Damaskɔs harɛ ta, asɛ Siiria tena la do o lɔɡa dɛ kpɔ harɛ la kwaa baa tɛo. Korowii ja Kooro Devid nɛɛ dɛ ɡel bobɛlbwa waa la ka yo la, o pɔ ba nɛ.

2 Samoɛl 8:6 ပူးပေါင်းရင်းမြစ်များ

2 Samoɛl 10:19

Koranar baa lɔ Kooro Hadadesa lɔɡa aa naa kɛŋɔ Israel tena pɔ ba nɛɛ la, ba ne Kooro Devid kaa fɔwɛ deŋnesɔɔhna fɔo, dɛ kpɔ ba te do o lɔɡa dɛɛ tomɔ. Gɛɛ a do Siiria tena ɔmɛ, ba ta Amɔn tena chae kpa.

2 Samoɛl 23:14

A ɡɛ saŋ dɛ Kooro Devid soɡe bela baa ma danjwɛkpeɡ baro deŋɡare bɛl doa, asɛ Filisti laa tena la ɡe bar Bɛtlɛham dɛɛ daah bela.

2 Samoɛl 3:18

Saŋ laanee nɔ! Hé lii ɡɛ Korowii fa aa baɡɛ nyoa ŋɔ, ‘N bonɔɔ Devid nɛɛ mɛɛ ba cheɡa, dɛ́ lɛ n nɛra Israel tena le Filisti tena ne ba dɔma bwa nɔn ta.’ ”

2 Samoɛl 5:10

Kooro Devid teŋɔ di kpeɡri kohona dɛkalkɛ dɛ Korowii waa ɛ Koronar Bwa Kooro ja o nɛ.

2 Samoɛl 7:9

N ja he nɛ bobɛlbwa haa laŋa, dɛ yo he dɔma baa lɔ he sie dɛ pɔ ba nɛɛ tɛɛ. Mɛɛ ɡeloo he sɔn le kɛŋɔ harɛ nɔ ta nɛnjena ken.

2 Samoɛl 8:14

O bɔne laa tena la bini kuore ta ba so bwɛɛre ta Edom harɛ bwa, asɛ harɛ la tena bwa do o lɔɡa dɛɛ tomɔ. Korowii ja o nɛ, bobɛlbwa waa laŋa ka yo bwa.

2 Samoɛl 8:2

O berɔ ka yo Moab tena ɡe dɛ pɔ ba nɛ. O ɡelɔ nɛra baa laɡ ba laa la ta la chɔ harɛ bɔre atoro, asɛ o maɡ ba ŋwɛn ne. O kpoo nɛra baa chɔa teŋɛ nɛɛ la, dɛ ɡel banɔ la baa chɔa teŋɛ tooro la, o ta ban kpoorɛ. Gɛɛ a do Moab tena ba do Kooro Devid lɔɡa, dɛ kpɔ harɛ la kwaa baa tɛo.

2 Samoɛl 8:7

Kooro Devid kpɔ suuɡaswɛm kwaa Kooro Hadadesa nomonome aa kpɔa dɛɛ tɔ ba te ɡbemɡbe laa ta la, dɛ ba a ne Jerusalam.

1 Koranar 4:21

Kooro Solomɔn harɛ waa di kora o ta la le Yufretis Moo ta, dɛ kaa Filisti tena harɛ, dɛ ka le Ijipt harɛ jwɛh ta. Dɛ ɡɛ harɛre la bwa nɛra kpɔ harɛ la ta kwaa baa tɛo, dɛ kpɔ ba te do o lɔɡa ɡɛ saŋ waa di kora bwa.

2 Koranar 1:1

Israel Kooro Ahab seo habɔɔ la, Moab harɛ ta tena le o bibaa Kooro Ahasia habɔɔ.

2 Koranar 14:28

Kooro Jɛroboam waa teŋa nɛɛ bwara waa aa kaa, ne anɔ la waa ɛa, laa waa yoa, ne ɡɛ waa lɛ bwɛjena Damaskɔs ne Hamat aa lɔ Juda harɛ ta tɛ Israel tena la, ba chwera do Israel Koranar Waa Tɔne bini.

2 Koranar 18:7

Anomanta, Korowii ja o nɛ, asɛ wobɛlbwa waa ɛa la do wer. O ɛ Asiiria koojen dɔm, dɛ laa o te kpɔ o lɔɡa, dɛ ŋɔ waa on tomɛ kpa.

2 Koranar 3:4

Dɛ Moab Kooro Mesa dɛ dɛɛ peera. Bena bɛlbwa, o yon kpɔ harɛ la ta kwaa kɛŋɔ pebiiri kaɡboŋa lafa, ne pebala pona kaɡboŋa lafa kaa tɛ Israel Kooro Joram.

1 Webena 18:13

O bɔne laa tena la bini kuore ta ba so bwɛɛre ta Edom harɛ bwa, asɛ harɛ la tena bwa do o lɔɡa dɛɛ tomɔ. Korowii ja o nɛ, dɛ ɡel o pɔ bobɛlbwa nɛra waa laŋa ka yo bwa nɛ.

2 Webena 17:2

O kpɔ laa tena ka so Juda harɛ bwɛjena baa ma danjwɛkpeɡa bara bwa, ne bwɛɛre bwa ta, dɛ bwɛjena a fa aa lɔ Kooro Asa lɔɡa Efrem harɛ ta bwa.

Yela 140:7

Nemenɛ Korowii, he kpeɡri dɛɛ che n habɔɔ, henee tɔ mɛ ɡbemɡbe laa ta,

Yela 60:10

He deno berɛ habɔɔ kpo yaa kɛɛ? Haa ya laa tena sie tɔ ka yo ya dɔma kpa aa?

Sɛɡla 21:31

He dɔ jaɡre ɡɛ bɛlbwa dɛ won kpɔa yo aa, Korowiirii dɛ won ɡel he yo le.

1 Samoɛl 13:3

Jonatan kaa kpo Filisti tena laa nomoa bwɛɛ baa dɛ yerɔ Geba la ta, asɛ Filisti tena la bwa no. Kooro Sɔɔl ɡelɔ ba hoh bɛla harɛ la bwa ta ŋɔ, “Hibru tena, hé ir dɛ́ kpɔ he te yá kaa laa.”

1 Samoɛl 14:1

Awola bɛl, Jonatan waa ɛ Kooro Sɔɔl bibaa la ŋɔ o bechala waa dɛ che o dɔmkwaa be ŋɔ, “Ba yá kaa baŋ le bela Filisti tena aa soɡa la.” Kɛ o ta o mɛɛ te be bolɛ.

1 Samoɛl 14:15

Belaa ɔmee kohona chole laa tena la bwa nɛɛ baa chel, banɔ la baa lɔ bela baa baŋre ba tɛnte deene ne banɔ la baa lɔ kpɔɡ bini, dɛ nɛra baa laŋa dɛɛ la ka yo bwa. Korowii ɡelɔ harɛ jiɡri ɔmee kohona chole ba nɛ.

1 Samoɛl 14:6

Jonatan ŋɔ o bonɔɔ waa cheɡɛ o dɔmkwa la be ŋɔ, “Ba yá ɡale kaa Filisti tena baa wola Korowii tomɛ nɔ be. Korowii ken ɛɛ cha yaa. Komɛlbwa aa won tɔ Korowii ŋwɛnɛ yaa wola won pɔ ba nɛ, ya warɔ kɛɛ ya ta warɛ kwara noo.”