2 Samoɛl 8:1 - mzwDBL

¹ A habɔɔ la, Kooro Devid berɔ ka yo Filisti tena dɛ pɔ ba nɛ, dɛ lɛ bwɛjen Gat ne o bwɛɛre aa baro bwa le Filisti tena ba fa aa dɛ di a kpeɡri la be.

2 Samoɛl 8:1 ပူးပေါင်းရင်းမြစ်များ

2 Samoɛl 19:9

Dɛ Israel tena la bwa dɛ tɔŋle dɔŋa ŋɔ, “N naa kooro lɛ yaa le ya dɔma nɔn ta, dɛ́ lɛ yaa Filisti tena ɡe nɔn ta, kɛ o berɔ koh Absalɔm wa, dɛ chwa le harɛ nɔ ta.

2 Samoɛl 2:24

Kɛ Joab ne Abisae ti Abna, wee aa ba dɛ jo la, ba baa tel deŋɡare bɛl baa dɛ yerɔ Ama ta. O bɛne bwɛɛ bɛl baa dɛ yerɔ Gia ŋwɛnɛ, dɛ kaa Gebeɔn harɛpɛɛ waa chɔa kaa ta.

2 Samoɛl 22:44

He lɛɛ mɛ le n nɛra baa ɛ deŋnekpeɡ tena nɔn ta, dɛ lee mɛ cheɡ kɛŋɔ harɛre bwa nyu te. Nɛra maa wola ban jemɛ baa do n lɔɡa.

2 Samoɛl 5:17

Filisti tena aa noa kɛŋɔ ba fuɡe noo do Devid nyu ta dɛ cheɡo kora ta Israel harɛ bwa ta la, ba laa tena bwa iro dɛ kaa nyin o bɔr sibeɡra ne, asɛ Kooro Devid ɡe no ba wa, dɛ le ka chem ba bela waa soɡa danjwɛkpeɡ la ta.

2 Samoɛl 5:25

Gɛɛ Kooro Devid ɛ ɡɛ Korowii aa doo bwa, dɛ won doŋi Filisti tena le Gebeɔn ba Gɛsa.

2 Samoɛl 7:9

N ja he nɛ bobɛlbwa haa laŋa, dɛ yo he dɔma baa lɔ he sie dɛ pɔ ba nɛɛ tɛɛ. Mɛɛ ɡeloo he sɔn le kɛŋɔ harɛ nɔ ta nɛnjena ken.

Yela 18:43

He lɛɛ mɛ le nɛra baa cheɡɛ n nɛɛ bini, dɛ ɡel mɛɛ di kora harɛre nɛra nɛ, nɛra maa wola ban jemɛ laanee dɛɛ tom mɛ.

Yela 60:2

He ɡelɔ harɛ jiɡri, o bini pere. Berɛ kwaa tɔɔɡe bɔɔne la, dɛkalkɛ a dɛ paɡri.

Yela 60:8

Moab harɛ nɛra ɛ n bonɔɔna, ba do kɛ loɡ maa dɛ loo kwaa o bini ken, mɛɛ kpɔ n naŋɡawaa ta Edom harɛ ta. N dɛ moo, dɛkalkɛ n pɔ Filisti tena nɛ.”

Hibru 11:33

A ɡɛ nɛra nɔ bwa yarada Korowii kohona, dɛ che ba yarada ta yo koranar dɛ pɔ ba nɛ, dɛ ɡel nɛra ɛɛ ɛ waa aa toɡra Korowii ŋwɛnɛ ta, asɛ Korowii ɛ waa waa baɡɛ nyoa la ane ba bere saŋ. Ba wono tɔ nyujentena nyoo, a ta wone laɡ ba.

Hibru 11:34

Ba wono che nijena baah ta dɛ sɔɔh a nyoa, a ta wone fuuh ba, dɛ won lɛ ba te nɛra baa kpoŋe tokobie dɛɛ nyin ba kpoora nɔn ta. Ba wono dɔ bokpeɡa ɡɛ saŋ baa ɡwɛɡra, dɛ won yo laa kɛrɛdɛ, dɛ won pɔ harɛre ane tena nɛɛ laa ta ba chwaaɡe.

1 Samoɛl 7:13

Gɛɛ a do Israel tena yo Filisti tena dɛ pɔ ba nɛ. Samoɛl soɡa bini bwa, Korowii ta ɡelɛ Filisti tena won ba Israel harɛ jwɛh ta kpa.