2 Samoɛl 7:9 - mzwDBL

⁹ N ja he nɛ bobɛlbwa haa laŋa, dɛ yo he dɔma baa lɔ he sie dɛ pɔ ba nɛɛ tɛɛ. Mɛɛ ɡeloo he sɔn le kɛŋɔ harɛ nɔ ta nɛnjena ken.

2 Samoɛl 7:9 ပူးပေါင်းရင်းမြစ်များ

2 Samoɛl 5:10

Kooro Devid teŋɔ di kpeɡri kohona dɛkalkɛ dɛ Korowii waa ɛ Koronar Bwa Kooro ja o nɛ.

1 Webena 17:8

N ja he nɛ bobɛlbwa haa laŋa, dɛ yo he dɔma baa lɔ he sie, dɛ pɔ ba nɛɛ tɛɛ. Mɛɛ ɡeloo he sɔn le kɛŋɔ harɛ nɔ ta nɛnjena ken.

2 Samoɛl 8:6

Kooro Devid bɔne laa tena la bini ba so kuore ta Damaskɔs harɛ ta, asɛ Siiria tena la do o lɔɡa dɛ kpɔ harɛ la kwaa baa tɛo. Korowii ja Kooro Devid nɛɛ dɛ ɡel bobɛlbwa waa la ka yo la, o pɔ ba nɛ.

1 Samoɛl 18:14

Korowii aa ja Devid nɛɛ nomanta, wobɛlbwa waa ɛ́ la, dɛ a maɡrɔ tɛo.

2 Samoɛl 8:14

O bɔne laa tena la bini kuore ta ba so bwɛɛre ta Edom harɛ bwa, asɛ harɛ la tena bwa do o lɔɡa dɛɛ tomɔ. Korowii ja o nɛ, bobɛlbwa waa laŋa ka yo bwa.

Mumpar 12:2

Mɛɛ ɡeloo he mun ya, dɛ́ warɛ su harɛ ta bwa, ásɛ dɛ tɛɛ hɛɛra. Mɛɛ ɡeloo he sɔn le ásɛ a che he nɛɛ nɛwɛnyina dɔ andɛɛɡa.

Amanesoma Luk Aa Chwera Tɔn 1:52

O ir kpeɡnɛra ba kora ta, dɛ ɡɔɔ nɛŋɡwɛɡra baa di kpeɡri.

Yela 89:23

Mɛɛ lɔ o dɔmaa bil, dɛ́ kpo nomɛlbwa waa haoh.

2 Samoɛl 22:30

He tɛ mɛ bokpeɡa n won ka yo n dɔma, hale bwɛjen baa ma danjwɛkpeɡ baro nɛra dɛ pɔ ba nɛ.

1 Samoɛl 2:8

He lawɛ nɛra baa nyaa le ba nyaa bini, dɛ lɛɛ ba dɛɛ le ba sum ta. He ɡelɔ nɛŋɡwɛɡra ne koranar pɛ dɛɛ so, dɛ ɡel baa dɔ jirima. Hen Korowii dɔ kwaa aa lawɛ harɛ nɔ kpoŋe kpeɡri, a taa he ma harɛ nɔ chɔŋɛ.

2 Samoɛl 22:1

Kooro Devid ɡo yel kpɛɛ Korowii ɡɛ saŋ waa lɛo le Kooro Sɔɔl ne o dɔma bwa nɔn ta.

1 Samoɛl 31:6

Gɛɛ a do Kooro Sɔɔl ne o bibaala batoro ne o bonɔɔ dɛ o laa tena bwa sewɛ awola tenten.

1 Samoɛl 5:10

Ate, ba berɛ kpɔ Korowii Ne Nɛwɛnyina Fɔo Daka la kaa Ekron, dɛ o ɡe ɛ Filisti tena bwɛjena la bini bɛl. Bwɛjen la bini nɛra aa naa la, ba wio ŋɔ, “Ba kpɔ Israel tena Korowii baa dɛ tomɔ Ne Nɛwɛnyina Fɔo Daka la ba jo ya baah, dɛ́ ba kpoo yaa.”

2 Samoɛl 8:13

Kooro Devid aa le laa ta ba dɛ kpoo Edom tena nɛra kaɡboŋa fi dɛ banuatoro Yar Fɛlembɔjen ta la, o sɔn leo kohona.

2 Samoɛl 23:1

Jese bibaa Kooro Devid ɛ nomɛl Nemenɛ Korowii aa ɛo nɛnjen. Korowii Jekɔb aa tomɔ laanee leo cheɡ tɛ o te, asɛ o ɛ yelɡoɡoo Israel harɛ ta. Waa Kooro Devid aa ka mun bol laanee nɔ,

Josua 6:27

Gɛɛ Korowii ja Josua nɛ dɛ ɡel o sɔn le harɛ la ta bwa.

1 Samoɛl 18:30

Filisti laa nomonome teŋɔ kpɔ ba laa tena dɛɛ la laa, kɛ saŋ bɛlbwa ba ne Devid aa yo la, o dɛ pɔ ba nɛ. Devid lɛ sɔn kohona, dɛkalkɛ Kooro Sɔɔl laa nomonome bwa bini la, dɛ onee yo laa dɛ kpoo nɛra kohona.

2 Samoɛl 22:43

N pɔ ba nɛɛ ba chɔ harɛ kɛŋɔ bomboɡ peu aa taa dɛ kpɔa dɛɛ kaa, n tiɡri ba nɛɛ kɛŋɔ kpechɛɡre ken fɔɡbaahna.

Yela 21:6

Kasinteŋ, he swee andɛɛɡa aa wola jaɡa dɔe tɛo, dɛ ɡel o do he sie o sie ɛɛ lɛ.