2 Samoɛl 7:20 - mzwDBL

²⁰ Bɔkwaa men Devid dɔ dɛ́ bol he be jaɔ? Nemenɛ Korowii, he ɡbabir jemɛ men maa ɛ he bonɔɔ wa.

2 Samoɛl 7:20 ပူးပေါင်းရင်းမြစ်များ

Amanesoma Jɔn Aa Chwera Tɔn 21:17

Yeesu berɔ kwaa pɛɛro toorotena ŋɔ, “Jɔn bie Seemɔn, he dɛ nyin n waa aa?” Waa nɔ ɡelɔ Seemɔn Pita bambile chɔɡ kohona kɛ waa bera bɔɔro toorotena ŋɔ, “He dɛ nyin n waa” la. Asɛ o ŋɔ, “N Dɔɔ, he jemɛ wobɛlbwa, he ɡbabir jemɔ kɛ n dɛ nyin he wa.” Anee Yeesu ŋɔ o be ŋɔ, “Dɛɛ dɛɛ n peera.

1 Samoɛl 16:7

Kɛ Korowii ŋɔ Samoɛl be ŋɔ, “Bɛ o jaŋne ne o wer nyiŋi, o laa mɛɛ nyin, n vɛoh. Kwaa nɛwɛnyini aa dɛ nyiŋi la korɛ anɔ la Korowii aa dɛ nyiŋi ta. Nɛwɛnyini dɛ nyiŋi siebɔr, kɛ Korowii te, nɛn bambile binii wɛɛ nyiŋi.”

Yela 139:1

N Naa Korowii, he pese mɛ kɛrɛdɛ, dɛ jemɛ n wobɛlbwa.

Wepila 2:23

Mɛɛ kpoo o habɔteŋraa, ásɛ asɔre tena bwa jemɛ kɛŋɔ menee jemɛ nɛwɛnyini nyu bini ne ba weliira bwa. Mɛɛ bɔ he bɛlbwa kemee ɡɛ o we-ɛɛla aa doa.

Hibru 4:13

Korowii kontaale bɛlbwa toole dɛ́ won kpɔ o te sɔɔh. Wobɛlbwa chɔ baŋ o be wɛɛ nao. Onee dɛ pɛɛ yaa waa bwa yaa baa ɛa harɛ nɔ ta.

Amanesoma Jɔn Aa Chwera Tɔn 2:25

A ta hiaih kɛ nɛn baɡlo ɡɛ nɛwɛnyini aa doa, dɛkalkɛŋɔ o ɡbaɡba jemɛ waa aa lɔ nɛn bambile bini.

Mumpar 18:19

Onee n le kɛŋɔ wɛɛ do o naanaree ba no n deŋna waa dɛɛ ɛ anɔ la aa wera, ne anɔ la aa toɡra, ásɛ n wobɛlbwa maa baɡɔ nyoa la, ń ɛ tɛo.”

Josua 5:14

Asɛ baa la chaŋe ŋɔ, “N toole a bɛlbwa bini, Korowiirii lee mɛ ŋɔ ń ba tɔ o laa tena sie, asɛ n ba nɔ.” Ate, Josua ɡuŋu dɛ duuru ŋɔ, “N dɔɔ, bɔkwaa hɛɛ nyin kɛ he bonɔɔ ɛ tɛɛ nɔ?”

1 Webena 17:18

Bɔkwaa men Devid dɔ dɛ́ bol he be jaɔ? He ɡbabir jemɛ men maa ɛ he bonɔɔ wa.