2 Samoɛl 7:14 - mzwDBL

¹⁴ Mɛɛ ɛ o mɛɛ, ásɛ o ɛ n bie. O ɛ wechɔɡa aa, mɛɛ tɛr o deŋnee kɛŋɔ mɛɛ yon dɛɛ tɛr o bie deŋne o wechɔɡa waa la.

2 Samoɛl 7:14 ပူးပေါင်းရင်းမြစ်များ

1 Koranar 11:34

Kɛ maa kora la bwaa lɛ le Kooro Solomɔn be. Mɛɛ koh Kooro Devid maa leo cheɡ tɛ n te wɛɛ teŋɛ me Mmarare ta la waa, dɛ́ ɛo harɛ la ta nomoa o soɡa bini bwa.

1 Koranar 9:6

Kɛ dɛ he ne he nɛra berɛ habɔɔ kpo mɛ, dɛ vɛh me Mmarare ta teŋa, dɛ kaa tomɛ voɡa ane dɛɛ ɡuŋa aa,

1 Webena 17:13

Mɛɛ kpɔɔ ɛ n bie, ásɛ n ɡe ɛ o mɛɛ. Mɛɛ che o mun taa, maa n nyinaa laa kpɔ o nɛ, kɛŋɔ maa le Kooro Sɔɔl ne, dɛ ɡel he ba chiɡ o naa ta di kora la.

1 Webena 22:10

Onee dɛ́ ba do n Dea tɛ mɛ. Mɛɛ kpɔɔ ɛ n bie n ɡe ɛ o mɛɛ, dɛ́ ɡel o kora che kiŋkiŋ Israel harɛ saŋ bɛlbwa dɛɛ la.’

1 Webena 28:6

O berɔ ŋɔ n be ŋɔ, ‘He bie Solomɔn, onee dɛ́ do n Dea ne a dembaahna bwa tɛ mɛ, dɛkalkɛ n leo dɛ kpɔɔ ɛ n bie, o ɡe kpɔ mɛ ɛ o mɛɛ.

Job Tɔn 5:17

Nomɛlbwa Korowii aa dɛ kaoh la na som, anomanta, dɛ Korowii Waa Ɛ Kpeɡri Bwa Dɔɔ la dɛ toɡre naa, bɛ an wesale lii.

Yela 2:7

Kooro la ŋɔ, “Mɛɛ bol waa Korowii aa bola la waa. O ŋɔ n be ŋɔ, ‘N Biee hen, fini n berɛ he Mɛɛ.

Jeremia 30:11

Mɛɛ ja he nɛɛ, ásɛ dɛ lɛ heya. Mɛɛ chɔɡ harɛre nɛra maa lɔ heyaa peɡre ba bini bwaa, kɛ he te, maa den chɔɡ heyaa kwaraa. Mɛɛ tɛr he deŋnee, kɛ mɛɛ sune he nɛɛ dɛ́ nyiŋi heya kɛrɛdɛ. Men Korowiirii bola.”

Matiu 3:17

Asɛ taa bɛl le nyundua ŋɔ, “N bie maa dɛ nyinu o wa ɛɛ su n siwii nɔ.”

1 Kɔrent 11:32

Ya Dɔɔ aa dɛ nyiŋi ya waa bini taraken nɔ, o dɛ tɛr ya deŋne ásɛ ya ɡel wechɔɡa ɛɛ, ásɛ ya bɛ nɛra baa dɔ harɛ nɔ ta liire wɛɛ ba ban bolchɔɡe pae la nɛɛ ja.

2 Kɔrent 6:18

dɛ́ ɛ he Mɛɛ, ásɛ he ɛ n bii.’ Men Nemenɛ Korowiirii bola.”

Mmarare 8:5

Hé jemɛ kɛŋɔ, ɡɛ nɛwɛnyini aa dɛ tɛr o bie deŋne la, ɡɛɛ Korowii haa dɛ tomɔ ɡe ɛɛ ɛ heya.

Hibru 1:5

Korowii ta o nyundua toroma la bɛlbwa be ŋɔe ŋɔ, “N Biee hen, fini n berɛ he Mɛɛ” bwa. O ta ba bɛlbwa waa bolɛ ŋɔ, “Mɛɛ ɛ o Mɛɛ, ásɛ o ɛ n Bie” bwa.

Wepila 21:7

Naate waa wona yo le la ɛɛ dɔ kwaa nɔ bwaa. Mɛɛ ɛ Korowii waa dɛ tom mɛ, ásɛ o ɡe ɛ n bie.

Wepila 3:19

Nɛra maa dɛ nyin ba la, n dɛ ja ba, dɛɛ tɛr ba deŋne. Anomanta, hé swɛɛ siwi dɛ́ charɛ he liire le he wechɔɡa ta.