2 Samoɛl 7:10 - mzwDBL

¹⁰ Mɛɛ kpɔ harɛ waa ɛ n nɛra Israel tena ɡbaɡba konee tɛɛ ba, bá ka so o ta ba bwara sɔɔh ba. Nɛnchɔɡa aa ban fiiɡi kpa, ɡɛ a fa aa doa wubwa la,

2 Samoɛl 7:10 ပူးပေါင်းရင်းမြစ်များ

Emɔs 9:15

Mɛɛ lawɛ Israel tenaa ba so ba ɡbaɡba harɛ ta, nomɛlbwa aa wola won ba doŋ ba le harɛ maa kpɔa tɛɛ ba la ta. Men Korowii haa dɛ tom mɛ laanee bola.”

1 Webena 17:9

Mɛɛ kpɔ harɛ waa ɛ n nɛra Israel tena ɡbaɡba konee tɛɛ ba, bá ka so o ta ba bwara sɔɔh ba. Nɛnchɔɡa aa ban fiiɡi kpa, ɡɛ a fa aa doa wubwa,

Jeremia 24:6

Mɛɛ do sie ba bee ba wobɛlbwa ta, dɛ́ berɛ ba bane bonɔ, dɛ́ laɡ ba ir bá kpeɡ, maa ɡel ba chole, dɛ́ kwaa ba du, maa ban fuɡri ta kɛŋɔ dua.

Aesaya 60:18

Haa yoi ɡbɔɡaa no he harɛ ta kpa, wobɛlbwa aa chɔɡ he harɛ ta kpa bwa. Mɛɛ tɔe ɡbemɡbee kɛŋɔ danjwɛɛ ken dɛ́ lɛɛ, ásɛ he kpɛɛ mɛ, lɛɛ maa lɛɛ ta la wa.

Ɛsekeɛl 28:24

Bwɛɛre aa bar Israel cheme, ba ne baa wola somɛ, baa lii ba ne wechɔɡa, dɛ do kɛ jabalnadaŋɛre ne sɔɔhne tɛɛ ba la aa lee do kpa. Baa jemɔɔ kɛŋɔ menee Nemenɛ Korowii.’ ”

Yela 80:8

He lawɛ yaa le Ijipt harɛ ta, kɛŋɔ haa teŋe ɡrepo da, dɛ ba doŋi harɛ la nɛra le o ta, dɛ kpɔ yaa chɔɔ bela.

Jeremia 18:9

Gɛɛ dɛ n ŋɔ mɛɛ che harɛ bɛl nɛra habɔɔ dɛ́ ɡel ba won vɔrɔwe ba bwɛɛ la ó che kiŋkiŋ,

Wepila 21:4

Wɛɛ fee ba sinii bwaa ta baa wola wi kpa. Seo aa lee do kpa. Lokua ne wii ne bwadabii wee aa lee do kpa, dɛkalkɛ webena la bwa toole kpa.”

Hosia 2:18

Awola tɔpere la, n ne kpɔɡ bini ola ne jumbii, ne kwaa aa dɛ tuuɡi tea ta dɛ anɔ la aa dɛ huuh ɛɛ fɔwɛ fɔwee, ásɛ a bɛ n nɛra wobɛlbwa ɛ. Mɛɛ le laa ne dɔmkwaa kɛŋɔ, to ne hɛma dɛ tokobie bwa nee harɛ la taa, ásɛ bɛlbwa dɔ deŋnesɔɔhna harɛ la ta.

Kaala 15:17

He kpɔ ba ka so he be bwe doa, bwe la doa waa ɛ he soŋnibɔr la, he ɡbaɡba Dea waa do ɡoroŋ he che he kpeɡri ta cheɡo la.

Aesaya 5:7

Koranar Bwa Kooroo dɔ daa koo la, asɛ koo la che tɛ Israel tena. Daa la cheɡɔɔ tɛ Juda tena, banee daa waa chɔɔra o sie lɛ a ta la. O fe dɛ nyin kɛ baa ɛ waa aa wera, asɛ ba berɛ dɛɛ kpoo nɛra. Dɛ o dɛ nyin kɛ baa ɛ wedɛɛɡa ɡe, kɛ nɛra baa dɛ fiɡ ba wii wɛɛ no.

Aesaya 5:2

O buɡli harɛ la, dɛ laa bwea aa lɔ o ta bwa pa mɔɔ dɛ nyin dadɛɛɡa chɔɔ o ta, dɛ chiɡri jɛŋla baa so o ta dɛɛ kpa koo la. O komɛ bwe bɔɔ, bela baa ba tiɡri a nɔna ta a nee le. Name o soɡo dɛɛ hwɛɡɛ kɛŋɔ aa nɔnɛ nɔndɛɛɡaa, kɛ a berɛ nɔnɛ nɔnchɔɡa.

Yela 44:4

Henee kooro ne Korowii maa dɛ tomɛ, dɛ ɡel he nɛra Israel tena yo, dɛɛ pɔ ya dɔma nɛ.

Sitɔɔla 4:3

Dɛ Kooro Jabin dɔ bune kwaa aa do kɛ torɔɡo ba vɔwɛ dɛɛ pɛl jaɡre la lafraanuanaarɛ. O fɔɡɛ Israel tena kɛrɛdɛ bene fifraanɛ, asɛ ba berɛ wi no Korowii ŋɔ ó cha ba.

1 Samoɛl 13:17

Filisti laa tena le bela baa soɡa, ba bɔne ba bini kuore atoro ba ka yo dɛ pa laala dɛɛ ba. Beŋkpoŋ kpɔ sie pa weekaŋle nyunduabɔr bwɛjen Ofra waa lɔ Sual harɛ ta,

Kaala 1:22

Ate, Ijipt kooro la ŋɔ nɛra bwa be ŋɔ, “Bibaa bɛlbwa Hibru te haah naa lolɔ la, hé lɛo dɛ́ kpɔɔ ka ta Nael Moo ta. Kɛ dɛ bihaahnee te naa, hé ɡel ó do le.”

2 Koranar 21:8

Dɛ Israel tena ɛɛ teŋɛ waa maa do ba a ta, ne mmarare la bwa n fa aa cheɡɛ n bonɔɔ Mosis nɛɛ dɛ kpɔ tɛɛ ba la ta tenaa, maa ɡel bá doŋ ba le harɛ maa kpɔa tɛ ba naawa la ta.”

2 Webena 33:8

Dɛ Israel tena ɛɛ teŋɛ waa maa do ba a ta, ne mmarare la bwa n fa aa cheɡɛ n bonɔɔ Mosis nɛɛ dɛ kpɔ tɛɛ ba la ta tenaa, maa ɡel ba doŋ ba le harɛ maa kpɔa tɛ ba naawa la ta.”

Yela 44:2

He kpeɡri nee he doŋi harɛre nɛra, dɛ kpɔ ya naawa ka so ba harɛ la ta. He chɔɡ ba, dɛ ɡel ya naawa wobɛlbwa do wer tɛɛ ba.

Yela 80:9

He parɛ daa waa cheɡa tɛ he nɛra Israel tena la mun. O lune kaa bini, dɛ kpeɡ tɔ harɛ la bwa ta, kɛŋɔ he nɛra aa kaa so Keenan harɛ ba mun ya la ken.

Aesaya 60:21

He nɛra bwa wa ɛɛ toɡroo, harɛ la ɛ ba kon saŋ bɛlbwa. Baa doo kɛŋɔ daa maa duu o pamɛ le o lur ta ken. Men ta ba, ásɛ baa baɡle n jirima.