2 Samoɛl 6:5 - mzwDBL

⁵ Dɛ Kooro Devid ne Israel tena la bwa dɛ lɛ ba sie. Ba ɡo yela silɛɛ ne kohona, dɛɛ lɔ janjela dɛɛ hoh kalipere, dɛɛ lɔ kwaa anɛ ane baa kpɔ ayaawa ɛa, dɛɛ yiiɡi loŋa ɡe Korowii sie.

2 Samoɛl 6:5 ပူးပေါင်းရင်းမြစ်များ

1 Webena 13:8

Dɛ Kooro Devid ne Israel tena la bwa dɛ lɛ ba sie. Ba ɡo yela silɛɛ ne kohona, dɛɛ lɔ janjela ne kalipere, ne kwaa anɛ ane baa kpɔ ayaawa ɛa dɛɛ hɛlɛ, dɛɛ yiiɡi loŋa ɡe Korowii sie.

Emɔs 5:23

Hé kpɔ he ɡbɔɡa yela le n nɛ. Maa he janjela yela nyin dɛ́ no.

Emɔs 6:5

Hé dɛ nyin yela kɛŋɔ Kooro Devid ken, dɛɛ lɔa he janjelare ne.

Daneɛl 3:15

Dɛ he baa no bɛle, ne kalipere, ne janjelare dɛ kwaa bwa soo siwi baa kpɔa dɛɛ lɔ yela sii, dɛ ɡuŋi suuɡaswɛm voɡ la aa, dɛ a wer. Kɛ dɛ he vɛh ɡuŋa aa, baa denoo kpɔ heyaa ka do fononoo nijena aa dɛ hɔ kohona la bini. Dɛ voɡ besoo dɛ́ won lɛ heyaa le n nɔn ta jaɔ?”

Daneɛl 3:10

N naa kooro, he do mmara ŋɔ nomɛlbwa waa no bɛle, ne kalipere, ne janjelare dɛ kwaa bwa soo siwi baa kpɔa dɛɛ lɔ yela la, ó ɡuŋi dɛ́ duu suuɡaswɛm voɡ la.

Daneɛl 3:7

Anomanta, harɛre nɛra bwa ne wobol bɛlbwa nɛra baa le harɛre ta ba aa no bɛle, ne kalipere, ne janjelare dɛ kwaa bwa soo siwi baa kpɔa dɛɛ lɔ yela sii la, ba den ɡuŋi dɛ duu suuɡaswɛm voɡ Kooro Nebukadnesa aa cheɡo la.

Daneɛl 3:5

dɛ he ba dɛ no bɛle, ne kalipere, ne janjelare, dɛ kwaa bwa soo siwi baa kpɔa dɛɛ lɔ yela sii aa, a chɛ kɛ he ɡuŋi, dɛ́ duu voɡ Kooro Nebukadnesa aa kpɔ suuɡaswɛm ɛo dɛ cheɡo la.

Yela 47:5

Korowii iro dɛɛ la ka so o kookara ta, nɛra hoh bɛle silɛɛ ne dɛɛ moo.

2 Koranar 3:15

Dɛ ŋɔ, “Nyin nɛn waa jemɛ janjela lɔe ba tɛ mɛ.” Janjela te la aa dɛ lɔ la, Korowii kpeɡri ba Elaesa nɛ,

1 Samoɛl 16:16

Ya naa kooro, tomɛ bonɔɔna bá ka nyin nɛn waa jemɛ janjela lɔe. O baa lɔ, ásɛ dɛ kwaa ir he nɛɛ aa, he bwara ɛɛ sɔɔhnee.”

1 Samoɛl 10:5

A habɔɔ, hɛɛ ka tel Korowii deŋɡare waa lɔ Gebea la taa, belaa Filisti tena baŋre ba tɛnte deene dɛ so. Haa dɛɛ jo bwɛɛ la doonyojen bini la, hɛɛ cheme Korowii keamere baa le saraha bɔr deŋɡare la ta dɛ teŋɛ dɔŋa nɛɛ dɛɛ ba, dɛɛ lɔ janjela ne ɡboŋri, dɛɛ hoh kalipere. Baa bol Korowii waa.

1 Webena 15:28

Gɛɛ Israel tena bwa kpɔ silɛɛ lɔŋɔre teŋɛ Korowii Ne Nɛwɛnyina Fɔo Daka la nɛɛ ba Jerusalam. Dɛɛ hoh pebal nyeɡle bɛle, ne bɛle tenten ne kwaa anɛ ane baa kpɔ ayaawa ɛa dɛɛ hɛlɛ, dɛ janjelare dɛɛ lɔ yela.

2 Webena 20:28

Baa tel Jerusalam la, ba lɔ janjelare dɛ hoh bɛle ka jo Korowii Dea.