2 Samoɛl 6:22 - mzwDBL

²² A lole kɛŋɔ he dɛ lii kɛ n sae la ɛ sihihwa, kɛ bitoli haa dɛ bol ba waa nɔ ɛɛ kpɔ duuree tɛ mɛ.”

2 Samoɛl 6:22 ပူးပေါင်းရင်းမြစ်များ

1 Pita 4:14

Dɛ ba koh he teŋa haa teŋɛ Yeesu Kristo nɛɛ la waa dɛɛ chɛɡre heya aa, he na som. A ba ɡɛ naa, a dɛ baɡle kɛŋɔ Korowii Domadɛɛɡe o wa aa dɔ jirima la soɡe he nɛ.

Hibru 12:2

Yáa nyiŋi Yeesu waa ɛ ya Korowii yaradae bwa nyu te, dɛ ɛ a mumpar ne a jaɡa la. On koh bosɔɔhna waa ba dɔ waa asɛ ba ɛo hɔhɔrɔwa daɡaɡre ta la. O ta sihiih waa koɛh dɛ vɛh. Taraken o soɡe nomombɔr Korowii diɡ ta.

Aesaya 51:7

He banɔ la haa jemɛ waa aa toɡra, dɛɛ teŋɛ me mmarare ta la, hé no n be. He bɛ bammuɡla nɛra aa dɛ ɛ heyaa la ɔmɛ, kɛɛ he bwara hwah chɛɡa baa dɛ chɛɡɛ heyaa la wa.

1 Timoti 1:15

Waa nɔ ɛ kasinteŋ aa chɛ kɛŋɔ hé lɛa kɛŋɔ wechɔɡ-ɛɛra waa Yeesu Kristo koh ba harɛ nɔ ta dɛ ba lɛɛ ba. N wechɔɡaa kana ɡwaa nomɛlbwa kwa.

Aesaya 50:6

N berɛ n nyaŋ tɛ nɛra ba lɔɔ, dɛ kpɔ n taŋɡbaɡre ɡe tɛ nɛra ba chuɡri n tampona. N ta n sie laa fɛr sihihwaa ne nentane baa taa ta n sie ta.

Job Tɔn 42:6

Anomanta, sihiih kpo mɛ n charɛ n liire dɛ so bomboɡ ne tɔɔ ta, á baɡle kɛŋɔ n bambile chɔɡɔ.”

Job Tɔn 40:4

“N Naa Korowii, menee ume, ń ŋɔ mɛɛ chaŋee yɔ? Maa wobɛlbwaa bol.

Mumpar 32:10

He teŋa haa teŋa dɛɛ nyin mɛ, ne he kasinteŋ haa ɡela n na nɔ bini bɛlbwa ta men maa ɛ he bonɔɔ nɔ chɛɛ. N fa aa ɡale Jɔɔdan Moo la, dɛ n ta komɛlbwa kpoŋe nemenɛ n daŋɡbala ɡbo, taraken he berɛ ɡel n ya dɛ ɛ nɛmbele banɛ.

1 Pita 5:6

Anomanta, hé pwɛr he te dɛɛ no Korowii waa dɔ kpeɡri bwa la wa, ásɛ o ɡɔɔ heyaa ir tɔpere waa wera o be ta.

1 Samoɛl 2:30

Anomanta, men Korowii Israel tena aa dɛ tom mɛ fa baɡɛ heyaa nyoa kɛŋɔ, he dem nɛra ne he mɛɛ dem nɛraa dɛ́ do n sie, dɛ́ɛ tom mɛ kɛ sɔfore saŋ bɛlbwa dɛɛ la. Taraken te maa an ɡɛɛ ɛ kpa. Nɛra baa dɛ duu mɛ la, mɛɛ ɡeloo bá dɔ duure, nɛra baa nyiŋ mɛ dɛɛ vah la, n ɡee nyiŋ baa vah.

Amanesoma Mak Aa Chwera Tɔn 14:66

Pita ta lɔ dem baah bela, asɛ Sɔfonomoa la tolo bɛl ba

2 Samoɛl 6:21

Belaa Kooro Devid chaŋe ŋɔ, “Korowii siee mɛɛ sa. Onee cheɡ mɛ kora Israel harɛ ta, he mɛɛ kɛɛ he dem te bɛlbwa laa. Mɛɛ teŋɔɔ dɛɛ lɛ n sie Korowii wa, dɛɛ duuru.

2 Samoɛl 6:23

Le ɡɛ saŋ la, Kooro Sɔɔl bihaah Mikal ta bie lolɛ kpa dɛ ba sewɛ.

Yela 131:1

N Naa Korowii, n ɡel mbarafo ɛɛ, maa n te ɡɔɔ kpa. N liire toole wejena kɛɛ nyokpowa aa ɡwaa n nɛɛ ta.