2 Samoɛl 6:2 - mzwDBL

² O ne o laa tena la iro le bwɛjen Baala baa bera dɛɛ yerɔ Kiriat Jearim waa lɔ Juda harɛ ta, dɛ́ ka kpɔ Korowii Ne Nɛwɛnyina Fɔo Daka la le bela dɛ́ kaa Jerusalam. Nemenɛ Korowii sɔn dawɛ Daka la ta, asɛ o so o kookara ta, kena kwaa baa dɛ yera Kerobim la baah ta.

2 Samoɛl 6:2 ပူးပေါင်းရင်းမြစ်များ

1 Samoɛl 4:4

Anomanta, ba tomɛ baala ba la Silo, dɛ ka kpɔ Nemenɛ Korowii Ne Nɛwɛnyina Fɔo Daka le bela Korowii Waa Ɛ Koranar Bwa Kooro aa soɡe Kerobim la doa o kookara ta la ba. Eli bibaala banɛ, Hofni ne Fenehas, teŋɛ Daka la nɛɛ dɛ ba.

Yela 80:1

Israel Peteɡre, no ya wii. Henee tɔ Josef naanar sie kɛŋɔ peteɡre, dɛ so he kookara ta, Kerobim la baah ta.

1 Samoɛl 7:1

Kiriat Jearim baala baa kpɔ Korowii Ne Nɛwɛnyina Fɔo Daka la, dɛ kaa o ne Abinadab dem deŋɡare bɛl doa. Ba sɔ o bibaa baa dɛ yerɔ Eliasa doŋa ta o do ɡoroŋ tɛ Korowii, dɛ ŋɔ wɛɛ nyiŋi Korowii Fɔo Daka la ta.

1 Pita 1:12

Korowii ɡelɔ a ɡɛ keamere la jemɛ kɛŋɔ ba koeh baa dɛ koh la, ba laa dɛ́ di a tɔnɔ, heyaa ba koh dɛɛ tɛ. Waa haa noa taraken dɛ le Amanesoma baa bola he be la ta la, ban fa bola. Korowii Domadɛɛɡe waa tomɔ ya be laanee cha ba ba bola he be la. Korowii nyundua toroma kwaraa dɛ nyin a ɡɛ waa nɔ dɛ́ jemɛ.

Aesaya 54:5

Naate waa tae laanee dɛ́ do kɛ he jaa, o sɔne Nemenɛ Korowii. Israel Nɛŋɡoroŋ laanee he Lɛɛ, onee harɛ nɔ bwa Dɔɔ.

Aesaya 47:4

Ya Lɛɛ, Israel Nɛŋɡoroŋ, Koranar Bwa Kooro yaa dɛ tomɔ la.

Josua 15:60

Ane ɡee Kiriat Baal, dɛ Raba. A bwa lɔ bwɛjena anɛ, a ne a bwɛjeɡre.

2 Samoɛl 22:11

O soɡe Kerobim aa ɛ kena kwaa ta ir kaa nyundua, a do kɛŋɔ peu aa dɔ kena dɛ kpɔɔ ir dɛɛ kaa ken.

1 Samoɛl 6:21

Ba kpɔ kala tɛ Kiriat Jearim tena ŋɔ, “Filisti tena la berɔ kpɔ Korowii Ne Nɛwɛnyina Fɔo Daka la ba, hé ba dɛ́ ba kpɔ kaa he be.”

Yela 99:1

Korowii dɛ di kora, asɛ harɛre nɛra bwara ɛɛ chel. O soɡe kookara ta nyundua Kerobim baah ta, asɛ harɛ ɛɛ jiɡri.