2 Samoɛl 6:16 - mzwDBL

¹⁶ Baa kpɔ Korowii Ne Nɛwɛnyina Fɔo Daka la dɛɛ jo Jerusalam Devid Bwɛjen la ta la, Kooro Sɔɔl bihaah Mikal aa cheɡɛ tokoro ta dɛ na Kooro Devid o sa dɛɛ hɛɡre la, o sie ta o nɛɛ lɛɛ, dɛ nyiŋu vah.

2 Samoɛl 6:16 ပူးပေါင်းရင်းမြစ်များ

1 Kɔrent 2:14

Nomɛlbwa Korowii Domadɛɛɡe aa wola toole o nɛɛ la, o dɛ vɛh o Domadɛɛɡe la wa. A ɛ wesale tɛ naate, waa a mun no, dɛkalkɛŋɔ Korowii Domadɛɛɡe ɡboo ɡela nɛn ɛɛ no Korowii waa mun.

1 Webena 15:29

Baa kpɔ Korowii Fɔo Daka la dɛɛ jo Jerusalam Kooro Devid Bwɛjen la ta la, Kooro Sɔɔl bihaah Mikal, aa cheɡɛ tokoro ta dɛ na Kooro Devid o sa dɛɛ hɛɡre la, o sie ta o nɛɛ lɛɛ, dɛ nyiŋu vah.

Yela 69:7

He waa ba koh dɛɛ chɛɡ mɛ, asɛ sihiih kpo mɛ.

We-ɛɛla 2:13

Asɛ bane ɡe ɛɛ mamɛ Yeesu habɔteŋra la ŋɔ senee ba nyɔ.

2 Samoɛl 3:14

Belaa Kooro Devid tomɛ toroma Kooro Sɔɔl bibaa Esbɔsɛt be ŋɔ, “Kpɔ n haah Mikal maa kpɔ Filisti tena lafa pen nyoa tɔne ba ɛ o bwara waa dɛ dɔɔ la tɛ mɛ.”

Aesaya 53:3

Nɛra haoh dɛ vɛoh, o na wahala ne weweele. Nɛra nao, dɛ laa sie kpɔ o nɛ. Ya ta on kpɔe ɛ wobɛlbwa, dɛ berɛ habɔɔ kpoo.

2 Samoɛl 5:7

Kɛ ane a bwa, o yoo dɛ lɛ Jerusalam baa ma danjwɛkpeɡ baro la, asɛ baa yerɔ ‘Kooro Devid Bwɛjen’.

2 Samoɛl 6:15

asɛ o ne Israel tena la bwa kpɔ silɛɛ lɔŋɔre dɛɛ hoh bɛle, dɛ kpɔ Daka la ba Jerusalam.

2 Samoɛl 6:20

A habɔɔ Kooro Devid aa kaa dem dɛ ka soŋe andɛɛɡa tɛ o dem tena la, Kooro Sɔɔl bihaah Mikal leɔ ba chemo dɛ ŋɔ, “Na ɡɛ Israel kooro aa lɛ sɔn tɛ o te fini ɡɛ. O ɛ o te kɛ ɡɛne dɛɛ sa o bitoli sie!”

1 Samoɛl 18:17

Kooro Sɔɔl ŋɔ Devid be ŋɔ, “N lawɛ n bihanomoa baa dɛ yerɔ Merab dɛɛ tɛɛ hé mo. Dɛ hɛɛ dɛɛ tom mɛɛ, dɛ́ yo Korowii laa kasinteŋ ta dɛɛ tɛo tenaa.” Kooro Sɔɔl liiro kɛŋɔ anɔ taa aa ba cheɡa Filisti tena kpoo, kɛ o ɡbaɡba laa dɛ́ kpoo.

1 Samoɛl 18:20

Dɛ Kooro Sɔɔl bihaah bɛl ɡe baa dɛ yerɔ Mikal dɛ nyin Devid. Baa bol Kooro Sɔɔl be a waa la, o sie lɛo.

Yela 123:3

N Naa Korowii, sune ya nɛ, nɛra aa yaa komɛl yerɛ.