2 Samoɛl 6:14 - mzwDBL

¹⁴ Dɛ Kooro Devid do sɔfo batakaarebora efɔd baa kpɔ yapondɛɛɡe nyarɔ, dɛɛ sa silɛɛ bwa ne Korowii sie o bokpeɡa bwa ne,

2 Samoɛl 6:14 ပူးပေါင်းရင်းမြစ်များ

1 Samoɛl 2:18

Gɛ saŋ dɛ Samoɛl ta ɛ bechala dɛ do sɔfo batakaarebora efɔd baa kpɔ yapondɛɛɡe nyarɔ dɛɛ ɛ Korowii toma.

Kaala 15:20

Belaa Arɔn nimambie Miriam waa ɛ Korowii keame kpɔ loŋ, asɛ haahna la bwa ɡe ja dɛ kpoŋe ane ba yiiɡa dɛ sa teŋɛ dɔŋa nɛ.

Yela 150:4

Hé yiiɡi loŋa kpɛɛro dɛɛ sa. Hé lɔ janjela, dɛ́ hoh kalipere kpɛɛro.

Yela 149:3

Hé ɡo yela kpɛɛro dɛɛ sa, hé lɔ ɡboŋri ne janjela kpɛɛro.

Sitɔɔla 11:34

Jɛfta aa bera dɛɛ ba o dem Mispa la, dɛ o bihaahnee lea ba chemo, dɛ yiiɡi kwaa kɛŋɔ loŋa dɛɛ sa. Dɛ o ɡbosoroo ɛ o bie. O ta bie bɛlbwa dɔe kpa.

Kolosi 3:23

Wobɛlbwa haa dɛɛ ɛ la, hɛ́ɛ ɛa bambile bwa ne kɛŋɔ he Dɔɔ Yeesu Kristoo he ɛ dɛɛ tɛ. Nɛn laa he ɛ dɛɛ tɛ.

Yela 30:11

He ɡelɔ n suna dii berɛ silɛɛ, mɛɛ sa, dɛ ɡel n soh n wii, dɛ kpɔ silɛɛ tɔ mɛ kɛŋɔ yal.

1 Samoɛl 2:28

Israel deene fi dɛ anɛ bwa binii n le he naa Arɔn ne o bibaala cheɡ ŋɔ, bá ɛ n sɔfore, dɛ́ɛ la bela baa ɛ saraha dɛɛ tɛ men Korowii, dɛ́ ka fuh daawiile a sɔɔh aa soma dɛ́ɛ tom mɛ, dɛ́ do sɔfo batakaarebora efɔd ba n sie. N berɔ tɛ he naawa dea tena ŋwɛnɛ Israel tena kwaa baa kpɔa ba ɛ saraha dɛ fuh dɛɛ tɛ mɛ la, baa kpɔ a bini ane.

Amanesoma Luk Aa Chwera Tɔn 15:25

Waa nɔ bwa aa dɛ ɛ la, dɛ binomoa la le koo dɛɛ ba. Waa dɛ tel ba dem la, o no ɡboŋri ne yela ne sae ɡbɔɡa dem bela.

Wejereme 9:10

Do sie dɛɛ ɛ toma bokpeɡa bwa ne, dɛkalkɛ lalabwɛɛ haa dɛ ba kaala la, toma ɛɛ kɛɛ waane vɔrɔwa, kɛɛ waa mun noe, dɛ wejema toole bela.

1 Webena 15:27

Dɛ Kooro Devid do batakaarejaŋ baa kpɔ yapondɛɛɡe nyarɔ, ɡɛɛ Lewi dea tena baa cheɡɛ Daka la ne yelɡoola la, ne Kenania waa chɔ yelɡoola nyoa la ɡe do ane. Dɛ Kooro Devid berɔ do sɔfo batakaarebora efɔd baa kpɔ yapondɛɛɡe nyarɔ.

1 Samoɛl 22:18

Ate, kooro berɛ ŋɔ Doeɡ waa le Edom la be ŋɔ, “Berɛ he te, dɛ́ kpoo sɔfore nɔ.” Anomanta, o berɛ o te dɛ kpoo ba. O kpoo sɔfore fifraanuatoro dɛ banue baa do sɔfo batakaarebori efɔd baa kpɔ yapondɛɛɡa ɛa.

Sitɔɔla 21:21

dɛɛ nyiŋi. Hé na Silo bitoli ba baa sa aa, hé ɛ warane dɛ́ le daa kooni la baah, ásɛ bɛlbwa ka lawɛ bɛl kaa he Bɛnjamen dea tena harɛ ta ó ɛ he haah.

Mmarare 6:5

Hé nyin Korowii he bambile bwa, he hweera ne he bokpeɡa bwa ne.

Kaala 19:6

mɛɛ kpɔ heyaa ɛ n sɔfore maa le heyaa cheɡ hɛɛ ɛ n toma. Gɛɛ chɛ kɛ hé bol baɡle Israel tena.”

Kaala 15:21

Asɛ Miriam ɡo yel dɛ ŋɔ, “Hé ɡo yela kpɛɛ Korowii. O lɛ sɔn kohona ɡa. O kpɔ jaɡre ne nɛra baa soɡe a ta bwa ka ta mpo bini.”

2 Samoɛl 6:15

asɛ o ne Israel tena la bwa kpɔ silɛɛ lɔŋɔre dɛɛ hoh bɛle, dɛ kpɔ Daka la ba Jerusalam.

2 Samoɛl 6:20

A habɔɔ Kooro Devid aa kaa dem dɛ ka soŋe andɛɛɡa tɛ o dem tena la, Kooro Sɔɔl bihaah Mikal leɔ ba chemo dɛ ŋɔ, “Na ɡɛ Israel kooro aa lɛ sɔn tɛ o te fini ɡɛ. O ɛ o te kɛ ɡɛne dɛɛ sa o bitoli sie!”

Yela 87:7

Baa ɡo yelaa dɛɛ sa ŋɔ, “Bwɛjen Jerusalam taa ya wedɛɛɡa bwa ɛɛ le.”

Ɛsekeɛl 46:10

Kooro la chɛ kɛ ó ja ba nɛɛ jo, ba dɛ le ɡe aa, bá bwa pɛ le.