2 Samoɛl 5:3 - mzwDBL

³ Anomanta, Israel nomonome la bwa ba Kooro Devid be Hɛbrɔn, o ne ba fɔwɛ fɔo Korowii sie bela, asɛ ba fuɡe noo do Devid nyu ta dɛ cheɡo kora ta Israel harɛ.

2 Samoɛl 5:3 ပူးပေါင်းရင်းမြစ်များ

2 Samoɛl 2:4

Belaa Juda baala ba Hɛbrɔn bela, dɛ ba fuɡe noo do Devid nyu ta, dɛ cheɡo Juda harɛ ta kooro. Devid aa baa no kɛ Jabes Gelead baalaa huɡe Kooro Sɔɔl la,

2 Samoɛl 2:7

He bɛ ɔmɛ, hé che kiŋkiŋ, Kooro Sɔɔl waa ɛ he dɔɔ la sewɔ, asɛ Juda dea tena fuɡe noo do n nyu ta, dɛ cheɡ mɛ kora ta.”

2 Samoɛl 3:21

Ate, Abna ŋɔ Kooro Devid be ŋɔ, “N dɔɔ, ɡel n ir warane dɛ́ la ka bol waa baɡle Israel tena ásɛ ba lɛɛ do, ba ne he fɔwɛ fɔo he di kora harɛ la bwa ta, ɡɛ he fa aa dɛ nyin la, dɛɛ nyiŋi ba nɛ.” Anomanta, Devid tɛ Abna ŋwɛnɛ o kaa deŋnesɔɔhna ne.

1 Koranar 1:34

Hé tel Gehɔn bela aa, hé ɡel sɔfo Sadɔk ne Korowii keame Netan fuɡe noo do Solomɔn nyu ta, dɛ́ cheɡo Israel harɛ bwa kooro. Hé ɡel nomɛl hoh bɛla ásɛ hɛɛ moo ŋɔ, ‘Korowii tɛ Kooro Solomɔn mkpajaŋ!’

2 Koranar 11:17

Sɔfo Jehoiada ne Kooro Joas fɔwɛ fɔo, o chɔ Korowii ne kooro ne harɛ la ta nɛra baah ta, kɛŋɔ nɛra la ɛ Korowii nɛra. Sɔfo Jehoiada bɔɔ Kooro Joas ne o nɛra ŋɔ bá baɡɛ nyoa ŋɔ ba wa ɛɛ dɔ kasinteŋii tɛ dɔŋa ne Korowii.

1 Webena 11:1

Israel tena bwa ba Devid be Hɛbrɔn dɛ ba ŋɔ, “Ya bwa ɛ he lolanar dɛ ɛ nɛmbeŋkpoŋ.

1 Webena 11:3

Anomanta, Israel nomonome la bwa ba Devid be Hɛbrɔn, o ne ba fɔwɛ fɔo Korowii sie bela, asɛ ba fuɡe noo do Devid nyu ta dɛ cheɡo kora ta Israel harɛ ta, ɡɛ Korowii aa cheɡɛ Samoɛl nɛɛ dɛ bol la.

1 Webena 28:4

Kɛ ane a bwa, Korowii Israel tena aa dɛ tomɔ le n ne n naanar kɛ, yá ɛ Israel harɛ koranar saŋ bɛlbwa dɛɛ la. O le nomoa le Juda dea tena bini, dɛ le nomoa le n mɛɛ wa luɡe waa le Juda. N mɛɛ bibaala bwa bini ɡe menee o bambile lawɛ, dɛ cheɡ mɛ kora Israel harɛ bwa.

2 Webena 23:16

Sɔfo Jehoiada ne Kooro Joas fɔwɛ fɔo o chɔ Korowii ne harɛ la nɛra baah ta kɛŋɔ nɛra la ɛɛ tomɛ Korowii.

Nehemia 9:38

Anɔ bwa aa chiɡa nomanta, ya Israel tena dɛ baɡɛ nyoa dɛ́ chwera, ásɛ ya nomonome ne Lewi dea tena dɛ sɔfore kpɔ ba nonibala ɛɡre fɔo nɔ lɔɡa.”

Kaala 3:16

La ka cheme Israel nomonome dɛ́ ŋɔ ba be ŋɔ, ‘Korowii he naawa Abraham ne Aesek ne Jekɔb aa tomɔ la ba n be dɛ ba ŋɔ, o nyiŋo, dɛ na ɡɛ baa dɛ ɛ heyaa hɔhɔrɔwa Ijipt harɛ.

Josua 10:36

Dɛ berɛ kpɔ le bwɛjen Ɛɡlɔn ka pu bwɛjen Hɛbrɔn ne o nɛra dɛ ka yo ba ɡe.

Sitɔɔla 11:11

Anomanta, Jɛfta pu nomonome la kaa, asɛ ba ɛo ba sitɔɔ ne ba laa nomoa. O ɡe ŋwɛɛ a ɡɛ waa la tenten Korowii sie Mispa.

1 Samoɛl 11:15

Anomanta, nɛra la bwa la Gelɡal bela, Korowii sie, dɛ ka lɛo do kɛ ba kooro. Ba kpoo kwaa ɛ deŋnesɔɔhna saraha, asɛ Sɔɔl ne Israel tena la bwa di kondikonjena dɛ lɛ ba sie.

1 Samoɛl 16:13

Samoɛl kpɔ pebal nyeɡle noo aa lɔ o bini la fuɡe do Devid nyu ta ba siwi ta. Dɛ onee Korowii le. Le awola dɛɛ kaa la, Korowii Doma baa so o nɛɛ kpeɡri nɛ, asɛ Samoɛl berɛ kaa Rama.

1 Samoɛl 23:18

Belaa ba nɛra banɛ la fɔwɛ fɔo Korowii sie, Jonatan berɛ kaa dem, asɛ Devid te so Hɔrɛs bela.