2 Samoɛl 5:2 - mzwDBL

² Kooro Sɔɔl fa aa ɛ ya kooro la, dɛ henee tɔ ya Israel tena sie dɛɛ la ya ne laa. Asɛ Korowii ŋɔ he be ŋɔ, ‘Henee dɛ́ nyiŋi n nɛra Israel tena nɛɛ kɛŋɔ peteɡre ken, dɛ́ ɛ ba kooro.’ ”

2 Samoɛl 5:2 ပူးပေါင်းရင်းမြစ်များ

Mumpar 49:24

Nemenɛ Korowii, o mɛɛ Jekɔb Kpeɡnɛn waa tomɔ nomanta, wɛɛ do kpeɡrii dɛ́ kpoŋe o to bini kiŋkiŋ. Peteɡre waa dɛ lɛ Israel tena, dɛ do kɛ Bwetal laanee dɛ́ chao.

2 Samoɛl 6:21

Belaa Kooro Devid chaŋe ŋɔ, “Korowii siee mɛɛ sa. Onee cheɡ mɛ kora Israel harɛ ta, he mɛɛ kɛɛ he dem te bɛlbwa laa. Mɛɛ teŋɔɔ dɛɛ lɛ n sie Korowii wa, dɛɛ duuru.

2 Samoɛl 7:7

Bobɛlbwa n ne Israel tena aa laŋa bwa, n ta ba sitɔɔla bɛlbwa maa do ba ŋɔ baa nyiŋi n nɛra nɛɛ kɛŋɔ peera be ŋɔe ŋɔ, ba ta peleme daa aa kpeɡa kpɔe kwaa dea tɛ mɛ.

2 Samoɛl 7:8

N bonɔɔ Devid, peeraa he teɡɛ dɛɛ la ane dibɔr n ka lawɛ dɛ ba cheɡe kora ta n nɛra Israel tena nɛ.

2 Koranar 20:5

ó berɛ dɛ́ ka ŋɔ Kooro Hɛsɛkea waa dɛ tɔ o nɛra sie be ŋɔ, “Men Korowii he nabaa Devid fa aa tomɔ la, n no he wesoŋa, dɛ na siniire aa dɛ yɔɔre. Mɛɛ chaeh, asɛ tɔpetooro wee la he ir, dɛ́ la men Korowii Dea.

1 Webena 11:2

Kooro Sɔɔl fa aa ɛ ya kooro la, dɛ henee tɔ ya Israel tena sie dɛɛ la ya ne laa. Asɛ Korowii he naawa aa tomɔ la ŋɔ he be ŋɔ, ‘Henee dɛ́ nyiŋi n nɛra Israel tena nɛɛ kɛŋɔ peteɡre ken, dɛ́ ɛ ba kooro.’ ”

2 Webena 1:10

Tɛ mɛ wejema ne waa mun noe, ásɛ n won kpɔ nyiŋi nɛra nɔ nɛ. Ɛrɛɛ n ɡbo ɛɛ ba wona nyiŋi he nɛra baa wara ken nɔ nɛɔ?”

Aesaya 40:11

Wɛɛ nyiŋi o nɛra nɛɛ kɛŋɔ peteɡre yon dɛɛ nyiŋi o peera nɛɛ dɛ́ kpɔ a bii pɛl o bambile, ásɛ dɛ teɡɛ a nyare aa loɡla la kaa bɔeeh ken.

Aesaya 55:4

Menee ɛo harɛre nɛra sitɔɔ ne nomoa, ásɛ a che o nɛɛ ń baɡle n kpeɡri.

Ɛsekeɛl 34:23

Kooro waa do kɛ n bonɔɔ Kooro Devidii mɛɛ ba lee kɛŋɔ peteɡre beŋkpoŋ wɛɛ nyiŋi ba nɛ.

Maeka 5:4

O balaa, wɛɛ nyiŋi o nɛra nɛɛ kɛ peteɡre, Korowii kpeɡri ne o sɔn waa kana ne, ásɛ o nɛra bwara sɔɔh ba. Harɛ nɔ ta nɛra bwa ɛɛ na kan Korowii aa doa ɡɛ saŋ.

Nɛra Kura 27:17

Naate waa kpɔ ba kaa dɛ berɛ ba ba ne, ásɛ he nɛra bɛ ɛ kɛŋɔ peera aa wola teɡre dɔe.”

Matiu 2:6

‘Juda harɛ bwɛjeɡa Bɛtlɛham, Juda harɛ bwɛɛre bini bwɛsala laa hen, dɛkalkɛŋɔ he taa kooro ɛɛ ba lee, dɛ́ nyiŋi n nɛra Israel tena nɛ.’ ”

Amanesoma Jɔn Aa Chwera Tɔn 10:11

Menee Peteɡredɛɛɡe la. Dɛ seo kwaraa yaa, mɛɛ kpɔ n nyuu charɛ n peera.

Hibru 2:10

Korowiirii ta komɛlbwa, asɛ a che o kpeɡri ta komɛlbwa ɡe do le. Waa ɡela Yeesu na wahala la, maɡraa a maɡre kɛrɛdɛ. Waa dɛ nyin o lɛ nɛndamanta dɛ ɡel ba ɛ o bii, dɛ do o be dɛ dɔ jirima la waa o ɡel Yeesu waa ɛ ba Sitɔɔ la ɡbaɡba kpɔ a ɡɛ ŋwɛnɛ la ta, dɛ na wahala dɛ won ɛ ba Sitɔdɛɛɡe kaih ka tonɛ dɛ lɛɛ ba la.

1 Samoɛl 13:14

Taraken he kora aa lee do kpa. Korowii ɛɛ le nɛnfale o bambile aa lawaa, ásɛ o tɔ o nɛra sie. Dɛkalkɛ he ta o waa ta teŋɛ.”

1 Samoɛl 16:1

Awola bɛl, Korowii ŋɔ Samoɛl be ŋɔ, “Saŋ besoo hɛɛ nyin he wi Sɔɔl ka tel, dɛ́ le vɛɛh maa vɛoh kɛ Israel kooro nɔɔ? Do noo pebal nyeɡle ta, ásɛ dɛ chiɡ ŋwɛnɛ ta ń tomɛ Jese be Bɛtlɛham. N le o bibaala la bini bɛl dɛ cheɡo kooro tɛ Israel tena.”

1 Samoɛl 18:13

Anomanta, o ɡelɔ Devid kaa tɔ o laa tena kaɡboŋ sie, dɛɛ la bane laa.

1 Samoɛl 18:16

Kɛ dɛ Israel ne Juda tena bwa dɛ nyin Devid wa, waa tɔ ba sie dɛ kpɔ ba dɛɛ la laa a maɡre dɛɛ tɛɛ ba la wa.

1 Samoɛl 18:5

Kooro Sɔɔl tomɛ Devid ŋɔ ó ka ɛ wobɛlbwa naa, o dɛ ɛa kɛrɛdɛ. Anomanta, o ɛo o laa nomonjena la bini bɛl. Gɛ waa nɔ lɛ Kooro Sɔɔl nomonome ne o nɛra bwa sie.

1 Samoɛl 25:28

N poori, kpɔ he tolo wechɔɡa kɛo. Korowii ɛɛ ɡeloo n dɔɔ kora che saŋ bɛlbwa dɛɛ la, dɛkalkɛ Korowii laalee hɛɛ yo. Bɛ ɡel wechɔɡa bɛlbwa do he waa bini he soɡa bini bwa.

1 Samoɛl 25:30

Dɛ Korowii ɛ wedɛɛɡe bɛlbwa waa baɡɛ nyoa la dɛ cheɡe kora ta Israel harɛ ta naa,

1 Samoɛl 9:16

“Kere saŋ nɔ bɔr, mɛɛ tomɛ baa bɛlee le Bɛnjamen dea harɛ taa he be. O balaa, fuɡe noo do o nyu ta, dɛ́ ɛo n nɛra Israel tena sitɔɔ. Onee dɛ́ ba lɛɛ baa le Filisti tena nɔn ta. N na wenaale baa lɔ a ta, ba wii ɡe tel n be.”