2 Samoɛl 5:19 - mzwDBL

¹⁹ Belaa Kooro Devid ka bɔɔ le Korowii be ŋɔ, “N Naa Korowii, ń la ka yo Filisti tena nɔ naa? Hɛɛ kpɔ baa do n nɔn taa kɛɛ?” Asɛ Korowii chaŋo ŋɔ, “Ir kaa, mɛɛ kpɔ baa do he nɔn taa, ásɛ he pɔ ba nɛ.”

2 Samoɛl 5:19 ပူးပေါင်းရင်းမြစ်များ

2 Samoɛl 2:1

A habɔɔ la, Devid bɔɔ Korowii ŋɔ, “N Naa Korowii, mɛɛ won la ka so Juda bwɛɛre nɔ bɛl ta naa?” Anee Korowii chaŋo ŋɔ “Ɔɔh.” Asɛ Devid berɛ bɔɔ ŋɔ, “Bwɛ besoo ta nɔ?” Anee Korowii ŋɔ, “Ka so Hɛbrɔn.”

Sɛɡla 3:6

Wobɛlbwa haa dɛ ɛ la, lii Korowii wa, ásɛ o baɡle ŋwɛnɛdɛɛɡe hé kpɔ o ta.

1 Samoɛl 23:2

Asɛ o bɔɔ Korowii ŋɔ, “Ń ka yo Filisti tena nɔ naa?” Anee Korowii chaŋo ŋɔ, “Kaa ka yoo ba, dɛ́ lɛ Keila tena ta.”

Sitɔɔla 20:28

Dɛ Eliasa bibaa Fenehas lɔ bela dɛɛ ɛ Korowii toma, o nabaalee Arɔn. Israel tena la bɔɔ Korowii ŋɔ, “Yá ka yo ya bala Bɛnjamen dea tena nɔ kɛɛ yá ɡelɔ?” Anee Korowii sɛh ŋɔ, “Hé kaa! Kere te mɛɛ kpɔ baa do he nɔn ta, ásɛ he pɔ ba nɛ.”

Jems 4:15

Anomanta, a fe chɛ kɛŋɔ he ŋɔ, “Dɛ Korowii sɛoh dɛ tɛ yaa ŋwɛnɛ te naa, tɔɔ perɔ yaa ka ɛ kenii kɛɛ anɔɔ.”

1 Koranar 22:6

Anomanta, Kooro Ahab yerɛ Korowii keamere lafraanaarɛ, dɛ kpɔ bil ba sie ŋɔ, “Ń ka yo Ramɔt Gelead tena kɛɛ ń ɡel ɔ?” Ba ŋɔ, “La ka yoo ba. Korowii ɛɛ kpɔ baa do he nɔn taa.”

2 Samoɛl 5:23

asɛ Kooro Devid ka bɔɔ le Korowii be ja, asɛ o chaŋo ŋɔ, “Hɛɛ berɛ sie pae dɛ́ kaa ba be. Hé bar ba ka che ba habɔɔ dɛ́ yoo ba daa ane baa dɛ yera balsam sie bela.

1 Samoɛl 28:6

O bɔɔrɔ le Korowii be dɛ na ɡɛ o fe aa ɛ, kɛ Korowii ta on chaŋɛ deera ta kɛɛ Urim ne Tumim waa ɛ komɛl baa cheɡɛ o ta dɛɛ jemɛ waa aa wera Korowii be, kɛɛ Korowii keamere be.

1 Samoɛl 23:4

Devid berɔ bɔɔ waa le Korowii be asɛ o chaŋo ŋɔ, “Kaa Keila dɛ́ ka puu ba yo, mɛɛ ɡeloo he pɔ Filisti tena la nɛ.”

1 Samoɛl 22:15

A ɡɛ tɔpere la ɡboo n bɔɔ waa le Korowii be tɛo waa? Akai, ɡɛ laa a do. N naa kooro, bɛ men maa ɛ he bonɔɔ nɔ ne n mɛɛ dem nɛra wechɔɡa bɛlbwa ɛ, he bonɔɔ aa waa nɔ wobɛlbwa jemɛ.”