2 Samoɛl 4:6 - mzwDBL

⁶ Asɛ ba jo kaa dea waa chɔ o bini la ta kɛŋɔ baa dɛ la ka nyin mea ken. Asɛ dɛ kpɔ kere tɔɡɛ o tea ta dɛ le chwa kaa.

2 Samoɛl 4:6 ပူးပေါင်းရင်းမြစ်များ

2 Samoɛl 2:23

Kɛ Asahɛl vɛoh dɛ ta teŋɛ o nɛ, asɛ Abna ta o lampea la habɔɔ, asɛ o mun daa la ka yaɡɛ o tea dɛ vah le o nyaŋ ta. Buɡ la ta, o chole chɔ dɛ sewɛ. Nomɛlbwa valɔ ba tel bela aa, o yon che dɛ́ nyiŋi.

2 Samoɛl 20:10

Dɛ Amasa aa jemɛ kɛŋɔ Joab kpoŋe kere o nɔn bɛl la ta, asɛ Joab kpɔ yaɡɛ o tea o looni le dɛ ba le harɛ. O sewɛ buɡ ta, anomanta, o ta on wobɛlbwa ɛɛ kpa. Belaa Joab ne o nime Abisae ti Seeba ɡe.

2 Samoɛl 3:27

Abna aa bera ba Hɛbrɔn la, Joab lawɔ o ne o ka che bwɛjen la doonyojen keŋkeŋ, a do kɛŋɔ waa dɛ nyin kɛ o ne o ɡbo bol waane ken. Belaa o kpɔ kere tɔɡɛ o tea dɛ kpoo. Gɛɛ a do Joab kpo Abna bɔ kem, o nime Asahɛl o fa aa kpoo la wa.

2 Samoɛl 4:2

Dɛ Esbɔsɛt dɔ baala banɛ bane ba chɔ nɛra ba yon la ka lɔ tɔ bwɛɛre nɛra nɛɛ dɛ́ pa ba laala nyoa. Bɛl sɔne Baana, asɛ nɛɛte la ɡe Rekab. Remɔn waa le Beɛrɔt harɛ ta biirii ban, Bɛnjamen dea. Ba kpɔ Beɛrɔt nɔ ɛ Bɛnjamen dea harɛ pera,

Sitɔɔla 3:26

Kooro bonɔɔna la aa cheɡɛ bela la, dɛ Ehud te le bela dɛ chwa kpɔ voɡa la bɔr kaa Sɛɛra biɡri.