2 Samoɛl 3:27 - mzwDBL

²⁷ Abna aa bera ba Hɛbrɔn la, Joab lawɔ o ne o ka che bwɛjen la doonyojen keŋkeŋ, a do kɛŋɔ waa dɛ nyin kɛ o ne o ɡbo bol waane ken. Belaa o kpɔ kere tɔɡɛ o tea dɛ kpoo. Gɛɛ a do Joab kpo Abna bɔ kem, o nime Asahɛl o fa aa kpoo la wa.

2 Samoɛl 3:27 ပူးပေါင်းရင်းမြစ်များ

1 Koranar 2:5

Kooro Devid berɔ ŋɔ, “He ɡbabir na ɡɛ Seruya bibaa Joab aa ɛɛ mɛ dɛ kpo Israel laa sitɔɔla banɛ. Nɛr bibaa Abna ne Jɛta bibaa Amasa. O saahnɔ kpoo ba kɛŋɔ nɛra baa kpoo ba laa ta bɔ kem, ɡɛ saŋ yaa soɡe deŋnesɔɔhna ta, laa yoi aa wola toole kpa ta. O kpɔ ba chale fɔɡɛ o kiriso ne o naŋɡawa, ba seo ɡure o nyu ta.

1 Koranar 2:32

Korowii ɛɛ bɔɔ kem nɛra waa kpoo ba la waa, dɛkalkɛ o le n mɛɛ habɔɔ dɛ ka yo nɛra banɛ dɛ kpoo ba kere ne. Banee, Nɛr bibaa Abna waa ɛ Israel laa sitɔɔ, ne Jɛta bibaa Amasa o ɡe aa ɛ Juda laa sitɔɔ. Dɛ ɡɛ nɛra la do kaih dɛ ɛ nɛndɛɛɡa ɡwaalo.

Jeremia 41:2

belaa Ismael ne baala fi baa jaa la ir kpɔ keri dɛ kpo Gedalia, dɛ onee Babelɔn kooro le ŋɔ wɛɛ nyiŋi harɛ la ta.

Mmarare 27:24

Bá berɛ ŋɔ, ‘Nomɛlbwa waa sɔh dɛ́ kpo o dɔŋ la, Kórowii taahno.’ Ásɛ Israel tena la bwa chaŋe ŋɔ, ‘Aamen!’

Nɛra Kura 35:20

Dɛ nomɛl hah o dɔŋ dɛ taɡɔ ɡo, kɛɛ dɛ kpɔ komɛl lɔɔ o sewɛ,

2 Samoɛl 3:26

Ate, Joab le Kooro Devid be, dɛ ka tomɛ toroma ba chwa ti Abna dɛ ka lawɔ kɔlɔŋ bɛl waa chɔ bobɛl baa dɛ yerɔ Sira, dɛ ba o ne. Dɛ Kooro Devid te aa a wobɛlbwa jemɛ.

2 Samoɛl 3:28

A habɔɔ Kooro Devid aa baa no la, o ŋɔ, “N ne n harɛ nɔ ta nɛn bɛlbwa ta bolchɔɡe dii Korowii sie, Abna seo wa.

2 Samoɛl 4:1

Kooro Sɔɔl bibaa Esbɔsɛt aa baa no kɛŋɔ Abna sewɛ Hɛbrɔn la, o ɔmɔ asɛ Israel tena bwa ɡe bambile teŋe.

2 Samoɛl 13:26

Ate, Absalɔm berɛ ŋɔ, “A wer, dɛ ɡɛɛ tenaa, tɛ n dɔɔ Amnɔn ŋwɛnɛ ó ba ja ya nɛ.” Asɛ kooro bɔɔro ŋɔ, “Ɛrɛɛ chɛ kɛ ó ba ja he nɛɔ?”

2 Samoɛl 19:13

Kooro berɔ ŋɔ ba bɔɔ Amasa ŋɔ, “N lole laa hen ya bwa ɛ nɛmbeŋkpoŋ aa? Le fini dɛɛ kaa dɛ he laa dɛ́ ɛ nomoa dɛ́ chiɡ Joab naa ta, dɛ́ chɔ n laa tena nyoa aa, amɔ te Kórowii tɛr n deŋne kohona.”

Nɛra Kura 35:19

Naate baa kpoo la lole tenten kaa pu nɛn waa kpo o lole laa, a chɛ kɛ ó kpo naate bɔ kem.

1 Webena 27:21

Manasɛ dea pera tena baa soɡe Gelead, Sekaria bibaa Ido. Bɛnjamen dea, Abna bibaa Jaaseɛl.

Sɛɡla 26:26

O ɛ o te kɛŋɔ ba bɛ on hah aa, o wechɔɡa ɛɛ le baŋee nɛra bwa na.