2 Samoɛl 3:12 - mzwDBL

¹² Belaa Abna tomɛ toroma bá ka ŋɔ Kooro Devid be ŋɔ, “Umee dɔ harɛ nɔ kpeɡri ɔ? Gel n ne he fɔwɛ fɔo, ásɛ n chae dɛ́ ba Israel tena bwa ne he be.”

2 Samoɛl 3:12 ပူးပေါင်းရင်းမြစ်များ

Yela 62:9

Nɛwɛnyina bwa do kɛŋɔ nyoa peu ken, nyaara ne kondɔɔhna bwa kɛrɛdɛ. Dɛ ba kpɔ ba dawɛ kon baa kpɔa dɛɛ kari kwaa ta naa, ba fɛɡre dɛ ɡwaa nyoa peu ɡba.

2 Samoɛl 19:41

Belaa Israel tena la bwa ba kooro be dɛ ba ŋɔ, “N naa kooro, ɛrɛɛ Juda tena baa ɛ ya lolanar ŋwɛ kooro ne o dem tena, dɛ o laa tena bwa, dɛ kpɔ ba ɛɡɛ Jɔɔdan Moo la kaa nɔɔ?”

2 Samoɛl 19:14

Juda harɛ laa tena bwa bambile lawɛ Kooro Devid waa la, asɛ ba bwa nyoa pɛ, dɛ kpɔ kala tɛo ŋɔ o ne o laa tena la bwa berɛ ba.

2 Samoɛl 19:6

He dɛ nyin nɛra baa haeh, dɛ hah nɛra baa dɛ nyin he wa! He berɔ ɡel ya jemɛ fini kɛŋɔ laa tena ne nomonome baa chɔ ba nyoa la ta komɛlbwa ɛɛ he be. N nao kɛŋɔ he sie ɛɛ lɛo kɛŋɔ Absalɔm fe aa lole ásɛ ya bwa serewe.

2 Samoɛl 3:27

Abna aa bera ba Hɛbrɔn la, Joab lawɔ o ne o ka che bwɛjen la doonyojen keŋkeŋ, a do kɛŋɔ waa dɛ nyin kɛ o ne o ɡbo bol waane ken. Belaa o kpɔ kere tɔɡɛ o tea dɛ kpoo. Gɛɛ a do Joab kpo Abna bɔ kem, o nime Asahɛl o fa aa kpoo la wa.

2 Samoɛl 3:21

Ate, Abna ŋɔ Kooro Devid be ŋɔ, “N dɔɔ, ɡel n ir warane dɛ́ la ka bol waa baɡle Israel tena ásɛ ba lɛɛ do, ba ne he fɔwɛ fɔo he di kora harɛ la bwa ta, ɡɛ he fa aa dɛ nyin la, dɛɛ nyiŋi ba nɛ.” Anomanta, Devid tɛ Abna ŋwɛnɛ o kaa deŋnesɔɔhna ne.

2 Samoɛl 3:11

Esbɔsɛt ta wone bɔɔ Abna wobɛlbwa kpa, dɛkalkɛ dɛ o dɛ ɔmɔ.

2 Samoɛl 3:13

Ate, Kooro Devid sɛh ŋɔ, “A wer ɡa! N ne hɛɛ fɔwɛ fɔwee. Kɛ kombeŋkpoŋii n hiah dɛ́ le he be. Dɛ Kooro Sɔɔl bihaah Mikal ta he nɛɛ jae yaa, bɛ ɡel he naa tire n sie kwara.”

2 Samoɛl 3:38

Belaa kooro ŋɔ o nomonome la be ŋɔ, “Haa jemɛ kɛŋɔ nomonjen tenten cholo fini Israel harɛ nɔ ta naa?