2 Samoɛl 24:2 - mzwDBL

² Anomanta, Kooro Devid ŋɔ Joab ne laa nomonome la be ŋɔ, “Hé valɛ Israel deene la bwa ta, le Dan waa lɔ weekaŋle nyunduabɔr pera, dɛ́ ba kaa Beɛseeba weekaŋle harɛbɔr, dɛ́ chwerɛ ba sɔna dɛ́ ba bol n be, ásɛ n jemɛ ba nyoa.”

2 Samoɛl 24:2 ပူးပေါင်းရင်းမြစ်များ

2 Samoɛl 3:10

dɛ́ berɛ kora waa lɔ Kooro Sɔɔl luɡe ta la, dɛ́ ɡel Kooro Devid kora che kɛrɛdɛ Israel ne Juda, dɛ́ le Dan waa lɔ weekaŋle nyundua dɛ́ ba kaa Beɛseeba waa lɔ weekaŋle harɛbɔr.”

Sitɔɔla 20:1

Israel tena baa soɡe Dan dea harɛ ta dɛ kpoŋe kaa Beɛseeba, dɛ banɔ la baa soɡe Gelead harɛ ta bwa baa cheme Korowii sie Mispa kɛ nɛmbeŋkpoŋ.

2 Samoɛl 20:23

Dɛ Joab, onee chɔ Israel laa tena bwa nyoa, asɛ Jehoiada bibaa Bɛnaya chɔ Pɛlet ne Kɛrɛt tena baa dɛ daah kooro la nyoa,

2 Kɔrent 12:7

Korowii aa nyin kɛ n kpɔ wejena maa naa chaahna ta la dɛɛ maŋkura n te. Anomanta, o ɡelɔ Bɔnsam kpɔ waane do n nɛɛ aa ha mɛ, dɛɛ tɔɡ mɛ kɛŋɔ sɔɔh, n bɛ won dɛɛ ɛ mbarafo.

Jeremia 17:5

Waa Korowii aa dɛ bol laanee. “Nomɛlbwa waa kpɔ o te dawɛ nɛwɛnyini nɛ, dɛɛ hwɛɡɛ o bokpeɡa ta dɛ berɛ habɔɔ kpo men Korowii la, o bwɛɛlɛ.

Sɛɡla 29:23

He dɛ maŋkura he te naa, harɛɛ hɛɛ lɔ, kɛ he pwɛr he te naa, he dɛ dɔ duure.

2 Webena 32:31

A balɔ kɛŋɔ Babelɔn harɛ ta nomonome tomɛ nɛra Kooro Hɛsɛkea be ŋɔ, bá ba pɛɛro ŋwɛnɛ waa cheɡɛ o ta, dɛ ɛ nyokpowe-ɛɛla la o harɛ la ta. Asɛ Korowii le o habɔɔ, dɛ daahno na kɛ wɛɛ di kasinteŋii kɛɛ.

1 Webena 21:2

Anomanta, Kooro Devid ŋɔ Joab ne laa nomonome la be ŋɔ, “Hé valɛ Israel deene la bwa ta, le Dan waa lɔ weekaŋle nyunduabɔr pera dɛ́ ba kaa Beɛseeba weekaŋle harɛbɔr, dɛ́ chwerɛ ba sɔna dɛ́ ba bol n be, ásɛ n jemɛ ba nyoa.”

2 Samoɛl 23:37

ne Sɛlɛk waa le Amɔn, ne Naharai waa le Beɛrɔt. Dɛ onee dɛɛ che Seruya bibaa Joab dɔmkwa,

2 Samoɛl 17:11

Anomanta, waa maa dɛ bol laanee kɛŋɔ, he boa Israel tena nyoa le Dan dea waa lɔ weekaŋle nyundua pera, dɛ́ ba kaa Beɛseeba waa lɔ weekaŋle harɛbɔr baa wara kɛŋɔ mpo nyoa hɛŋle dɛ do harɛ la bobɛlbwa, ásɛ he ɡbaɡba tɔ ba sie la ba ne laa.

2 Samoɛl 8:16

Dɛ haah bɛl baa dɛ yerɔ Seruya bibaa Joab laanee chɔ laa tena nyoa, asɛ Ahilud bibaa Jehosafat ɡe chwerɛ waa aa chiɡa bwa dɛɛ bil,

2 Samoɛl 2:13

Asɛ Joab baa dɛ yerɛ o nya Seruya, ne Kooro Devid nomonome ir le ka chem ba tam bɛl waa chɔ Gebeɔn nyoa. Kooro Devid ne o nɛra soɡe tam la baŋ bɛl, asɛ banɔ la ɡe so o baŋ bɛl.

Mumpar 21:14

Anomanta, Abraham iro chɔmbibii dɛ kpɔ kondikwaa ne oltɔn pur, dɛ do nee o bini o su dɛ kpɔ chɔŋɛ Heeɡa vaama ta. O lawɛ bie la ja o nɛ, dɛ ta ba ŋwɛnɛ ba kaa. Heeɡa aa lea kaa la, bobɛl waa ɛ pua hɛŋle ɡbo harɛ baa yerɔ Beɛseebaa o ka do dɛɛ ɡaaɡe.

2 Samoɛl 24:15

Anomanta, Korowii kpɔ weechɔɡa ba ta Israel harɛ ta, le awola chɔɔ ka tel saŋ waa lea cheɡ ta, asɛ baala kaɡboŋa fifraanuanɛ sewɛ dɛ le Dan ba kaa Beɛseeba.