2 Samoɛl 24:16 - mzwDBL

¹⁶ Dɛ Korowii le o nyundua torome bɛl dɛ tɛo kpeɡri ŋɔ ó ba chɔɡ Jerusalam. Waa dɛ la ka chɔɡo la, Korowii berɔ charɛ o liire, dɛ ŋɔ nyundua torome la be ŋɔ, “Gel! A maɡre ɡɛ.” Gɛ saŋ dɛ torome la lɔ Jebus te Arauna mea lɔ bɔr.

2 Samoɛl 24:16 ပူးပေါင်းရင်းမြစ်များ

Kaala 12:23

Korowii dɛ ba harɛ la ta joe, dɛ́ kpo Ijipt tena bibanloɡla bwa. O teŋo baa kaa dɛ na chal la doonyoo daa nyundua ne a keŋkeŋni ɡɛ naa, wɛɛ ɡelaa dɛ́ ba kaa. Waa ɡel Korowii nyundua torome waa dɛ kpoo Ijipt bibanloɡla la jo he deremi ta dɛ́ kpoo heya.

Mumpar 6:6

o bambile bini chɔɡɔ kɛ waa ta nɛwɛnyina ba harɛ nɔ ta. Gɛ waa nɔ aa we o nɛɛ kohona nomanta o ŋɔ,

We-ɛɛla 12:23

Kooro Hɛrɔd aa wola ɡelɛ ba kpɛɛ Korowii, dɛ lɛ kpɛɛra la tɛ o te la, kerabeŋkpoŋ dɛ Korowii nyundua torome baa lɔɔ bil, asɛ kpaloɡlare diu o sewɛ.

2 Webena 3:1

Kooro Solomɔn pa mun dɛ ma Korowii Dea la Jerusalam, Moria Bwejen ta. Dɛ Korowii fa kpɔ o te baɡle o mɛɛ Kooro Devid bela ka, Jebus te Arauna mea lɔ bɔr bela Kooro Devid fa aa yawa la.

2 Koranar 19:35

Ate, awola jwaana, Korowii nyundua torome la bela Asiiria laa tena aa lole la, dɛ ka kpoo ba bini kaɡboŋa lafa fifraanuatoro dɛ banue. Nɛra iro chɔɔ dɛ ba na ɡɛ nɛra la aa serewa chɔ bobɛlbwa.

1 Samoɛl 15:11

“A dɛ we n nɛɛ kɛ maa cheɡ Sɔɔl kooro, dɛkalkɛŋɔ o ta n waa ta teŋɛ dɛ vɛɛh mɛ.” Samoɛl liire chɔɡ ɡɛ waa nɔ waa kɛrɛdɛ, asɛ o wi no Korowii awola jwaana la bwa.

2 Webena 32:21

Asɛ Korowii tomɛ nyundua torome bɛl o ba kpoo Asiiria laa tena ne ba laa sitɔɔla, dɛ nomonome baa lɔ bela baa soɡa bwa. Anomanta, Koojen Senakerib kpɔ sihiih berɛ ba kaa Asiiria harɛ ta. Waa laŋa la, o kaa jo o voɡ dea, asɛ o bibaala bane ka kpoo keri ne.

2 Kɔrent 2:6

Gɛ he kɛrɛdɛ nyoa aa pɛa he tɛr naate deŋne nɔ, a maɡrɔ. He bɛ ane ɛ ja kpa.

Amanesoma Mak Aa Chwera Tɔn 14:41

Waa bera ka ba toorotena dɛ ba dɛ chɔɔɡe doromi ja, anee o bɔɔ ba ŋɔ, “He ta chɔɔ dɛɛ onaa? A tonɔ. Saŋ la baa dɛ ba Men Nɛn Bie kpɔe dɛ́ do wechɔɡ-ɛɛra nɔn ta la telo.

Sekaria 9:7

Baa ol chal aa lɔ o ta, kɛɛ kondikwaa maa kia di. Banɔ la baa ka la, ɛ berɔ ɛ men Korowii nɛra, dɛ́ ɡe dɔ ba dea Juda harɛ ta, ásɛ Ekron tena ɡe berɛ ɛ n nɛra kɛ Jebus tena ken.

Habakuk 3:2

N Naa Korowii, n no he waa haa ɛa la. He we-ɛɛla nomanta, n cheɡɔ n bwara ɛɛ chel. Berɛ ɛ a ɡɛ wejena la ya saŋ nɔ ta, ásɛ dɛ ɡel ya jemɛ a wa, ásɛ wechɔɡa bɛlbwa yaa ɛ he baah di la, hé sune ya nɛ.

Emɔs 7:6

Anomanta, Nemenɛ Korowii ɡelɔ, dɛ ŋɔ, “Maa ɡela ba a chiɡ kpa.”

Emɔs 7:3

Anomanta, Korowii ɡelɔ. Dɛ ŋɔ, “Maa ɡela ba a chiɡ kpa.”

Aesaya 57:16

Maa teŋɛ dɛ kpɔ waa dawɛ n nɛra nɛ, kɛɛ n baah di ba nɛɛ saŋ bɛlbwa. Dɛ ɡɛ laa aa, ba bwara ɛɛ hwaoh n sie. Menee ta ba, dɛ tɛɛ ba mkpa.

Aesaya 27:8

Laalee o kpɔ tɛr Israel tena deŋne, dɛ doŋ ba le ba harɛ ta kpeɡri ne kaa harɛfale ta, kɛŋɔ peuchɔɡe aa taa le wee leebɔr, dɛ kpɔ kwaa dɛɛ kaa la.

Yela 135:14

Korowii ɛɛ bol o nɛra waa tɛɛ ba ásɛ dɛ dɔ tedoma tɛ o bonɔɔna.

Yela 90:13

N Naa Korowii, ɡel he baah sɔɔh! Saŋ besoo he bandia nyoa ɛɛ ba sɔɔhna ɔ? Dɔ tedoma tɛ he bonɔɔna.

Yela 78:38

Kɛ Korowii sune o nɛra nɛ, o kpɔ ba wechɔɡa kɛ ba, o ta ban chɔɡɛ. Keraŋwɛnɛ bwaa o lawɛ bambile, dɛ ɡel o bandia nyoa sɔɔh.

Yela 35:6

Gel biro ba tɔ ba ŋwɛnɛ ta o do vɔle, Korowii nyundua torome la teŋɛ ba nɛ.

1 Koranar 19:4

dɛ valɛ tɔpebir kaa pua hɛŋle ɡbo harɛ ta. O kaa so chunchule ta daa bɛl mun, dɛ soŋe seo tɛ o te kɛŋɔ o fee sewɛ. O soŋe Korowii ŋɔ, “N Naa Korowii, name te a maɡre ɡɛ, ɡel ń sewɛ. N ta n naawa baa serewa la ɡwaalɛ.”

2 Samoɛl 24:18

Awola tɔpere la, Gad la Kooro Devid be dɛ ka ŋɔ o be ŋɔ, “Ir la Jebus te Arauna mea lɔ bɔr bela, dɛ́ ka ma kon baa ɛ saraha o ta tɛ Korowii.”

2 Samoɛl 5:8

Awola tɔpere la, Kooro Devid ŋɔ laa tena la be ŋɔ, “Dɛ nomɛlbwa ɛɛ won pɔ Jebus tena nɛ aa, atane ó kpɔ bɔɔ nee aa kpɔ o bini dɛɛ ba la ta mɔɔ dɛ́ tel boobie ne nyoŋa la baa ɛ n dɔma la be. Gɛɛ a do ba yon ŋɔ, ‘Nyoŋa kɛɛ boobie aa koodem la nɔ.’ ”

Sitɔɔla 19:11

Baa dɛ tel Jebus waa ɛ Jerusalam bɔr ɛɛ ba joe la, bonɔɔ la ŋɔ o dɔɔ be ŋɔ, “Nomoa, yá chɔ Jerusalam bonɔ, ásɛ kere chɔɔ dɛ́ kaa.”

Sitɔɔla 1:21

Bɛnjamen dea tena ɡe ta wone doŋi Jebus tena baa soɡe bwɛjen Jerusalam, anomanta, ba bwa pɛo so le ɡɛ saŋ bwa ba le fini.

Josua 15:63

Juda dea tena la ta wone doŋi Jebus tena baa soɡe Jerusalam la, ba ne ba bwa ta soɡe bela ba le fini.

Kaala 12:13

Chal haa kpɔ ɛ he doonyoo laanee dɛ́ baɡle deene haa soɡe a bini. N teŋo baa kaa dɛ na chal laa, maa heyaa wobɛlbwaa ɛ, mɛɛ ɡale heyaa ta, ásɛ dɛ jo Ijipt tena la deremi dɛ́ tɛr ba deŋne.

Kaala 9:28

Soŋe Korowii tɛ yaa. Bwaala kɔɡra ne dombwea la ɡwaalɔ to. Mɛɛ ɡeloo he kaa, maa heyaa lawɛ so kpa.”

Mumpar 10:16

ne Jebus ne Amɔre dɛ Girɡasi tena,

Kaala 32:14

Anomanta, Korowii charɛ o liire dɛ le hɔhɔrɔwa waa aah o nɛra ŋɔ o fe ɛɛ kpɔɔ ba ta ba nɛɛ laanee.

1 Kɔrent 10:10

Ya bɛ waa naɡre ɡɛ bane fa aa naɡre waa asɛ nyundua torome ba kpoo ba la.

Jeremia 26:19

Juda Kooro Hɛsɛkea ne Juda tena ta Maeka kpoe. Kooro Hɛsɛkea ɔmɛ Korowii dɛ soŋe ŋɔ o na o sum. Asɛ Korowii charɛ o liire wenaale waa ŋɔa o fe ɛɛ kpɔɔ ba ta ba nɛɛ la ta. Kɛ taraken ya berɔ dɛɛ nyin wenaale kohona dɛ́ ba ta ya nɛ.”

1 Webena 1:14

ne Jebus ne Amɔre dɛ Girɡasi tena,

Jeremia 42:10

‘Dɛ hɛɛ so harɛ nɔ taa yaa, mɛɛ lawɛ heyaa ir maa wola ɡel he chole, dɛ́ kwaa du heya kɛŋɔ da, ásɛ he che kiŋkiŋ maa wola heyaa fuɡri kɛŋɔ dua, dɛkalkɛ wenaale maa kpɔa ba ta he nɛɛ la, ɡelɔ mɛɛ di suna kohona.