2 Samoɛl 22:9 - mzwDBL

⁹ Korowii hwee chuu le o mebɔɔne bini, nii aa dɛ chɔɡ kwa ne hɔla ɛɛ le o nyoa.

2 Samoɛl 22:9 ပူးပေါင်းရင်းမြစ်များ

Hibru 12:29

dɛkalkɛŋɔ ya Korowii nɔ do kɛ nii aa wona dɛɛ chɔɡ kwaa kohona.

Habakuk 3:5

Weechɔɡa tɔ he sie, asɛ he ŋɔ seo be ŋɔ ó teŋɛ he nɛ.

Jeremia 15:14

Mɛɛ ɡeloo he do he dɔma lɔɡa dɛɛ tom ba harɛfale haa wola o ta jemɛ ta, dɛkalkɛ n bandia iro dɛɛ fuh kɛŋɔ nii dɛɛ ba he nɛ.”

Jeremia 5:14

Anomanta, waa Korowii Waa Ɛ Koranar Bwa Kooro aa dɛ bol laanee nɔ, “Nɛra nɔ aa bol ɡɛ nomanta, n wobol maa kpɔ do he nyoa la ɛɛ doo kɛŋɔ nii ken. Ba ɡe ɛɛ doo kɛŋɔ daa nii aa dɛ fuah.”

Aesaya 30:27

Hé no! Korowii sɔn ɔma, o le bojaŋ dɛɛ ba. O baah diu kɛŋɔ nii aa dɛ hɔ ken, chuu ɛɛ le kohona. Bandia ɡboo o wobol bwa, aa fuh o dɔmaa kɛŋɔ nii aa dɛ fuh kwaa ken.

Yela 18:15

N Naa Korowii, nyɛɡa haa nyɛɡ he dɔma nɛ, ne he bandia kohona nomanta, a ɡelɔ mpo vile bwa hweeh dɛ chɔ pɛɛ, harɛ mumpar ɡe chɔ pɛɛ.

Yela 18:8

Ninchuu le o mebɔɔne bini, ninlao aa dɛ chɔɡ kwaa le o nyoa, ninhɔla aa dɛ fuh kwaa ɡe ɛɛ le o nyoa.

Job Tɔn 4:9

Korowii bandia do kɛŋɔ dompeu, o hwee ta ba nɛɛ ba serewe.

2 Samoɛl 22:16

Korowii baah diu dɛ kah o dɔma aa, mpo vile bwa dɛ chɔ baŋ, baa na kwaa aa lawɛ harɛ kpoŋe.

2 Samoɛl 22:13

Bwaala kɔrɔ, dɛ nyɛɡle, asɛ nii chaah o sie.

Mmarare 32:22

N bwaawee ɛɛ iruu kɛŋɔ ninlao, dɛ́ fuh komɛlbwa aa lɔ harɛ nɔ ta. Aa fuuh tel harɛ bini ne bwejena mune bwa.

Kaala 24:17

Israel tena te be la, Korowii jirima aa lɔ bwejen la doa la do kɛŋɔ nii aa won kwaa chɔɡa kohona la ken.

Kaala 19:18

Dɛ chuu tɔ Sinai Bwejen la bwa, dɛkalkɛ Korowii cheɡɛ nii ta dɛ ba tu o doa. Chuu la nyundua kaala do kɛŋɔ nijena chuu ken. Dɛ bwejen la bwa dɛ jiɡri kikikiki ken,

Aesaya 30:33

Korowii kwaa bobɛl cheɡ tɛ Asiiria koojen saŋ bɛl biɡri, dɛ́ fuuh. O ɛ nimar bɔr o do luŋri dɛ do paɡri, ba pa damara bil a daŋɛ chɔ. Korowii hweera ɛɛ ɛo kɛŋɔ nii ne jebɔrɔwe ken, dɛ́ ba jo daa la ta a fuh.