2 Samoɛl 22:51 - mzwDBL

⁵¹ He ɡelɔ kooro haa leo cheɡ tɛ he te la yo lajena, dɛ pɔ o dɔma nɛ, dɛ kpɔ he nyina aa wola jaɡa dɔe nyin nɛn haa fuɡe noo do o nyu ta, dɛ tɛ men Kooro Devid ne n naanar saŋ bɛlbwa dɛɛ la.”

2 Samoɛl 22:51 ပူးပေါင်းရင်းမြစ်များ

Yela 144:10

Henee ɡela Israel koranar yo dɛɛ pɔ ba dɔma nɛ, dɛ lɛ he bonɔɔ Kooro Devid le seo nyoa.

Yela 89:29

O naanar ɛɛ dɛɛ di koraa saŋ bɛlbwa dɛɛ la. O kora dii ɛɛ cheo kiŋkiŋ saŋ bɛlbwa, ɡɛ nyundua aa lole saŋ bɛlbwa nɔ.

Yela 89:20

N fuɡe noo aa do ɡoroŋ do n bonɔɔ Devid nyu ta, dɛ cheɡo kora ta.

Yela 18:50

Kɛŋɔ haa tɛ he kooro kpeɡri kohona, o pɔ o dɔma nɛ, dɛ teŋɛ dɛɛ nyin nɛn haa leo, ó ɛ Devid ne o naanar kon, saŋ bɛlbwa dɛɛ la la.

Wepila 11:15

Nyundua torome waa teŋa nuanɛ la hoh o bɛla. Waa hoah la, asɛ n no takpeɡa kohona nyundua o ŋɔ, “Harɛ nɔ ta kora bwa berɛ N Naa Korowii ne o Kristo waa tomɔ la kora. Wɛɛ di koraa saŋ bɛlbwa.”

Jeremia 30:9

Baa tomɛ men Korowii baa dɛ tom mɛ laanee, ne Kooro Devid naa maa leo tɛɛ ba, wɛɛ di kora ba nɛɛ la.

Yela 91:2

ɛɛ won ŋɔ o be ŋɔ, “N Naa Korowii, henee cheɡɛ n habɔɔ, dɛ ɛ n danjwɛkpeɡ n chwa baa marɛ. Henee Korowii maa dɛ tomɛ, dɛɛ hwɛɡɛ he nɛ.”

Yela 89:36

wɛɛ dɔ naanaree saŋ bɛlbwa, mɛɛ nyiŋi o harɛ taa ó che kiŋkiŋ saŋ bɛlbwa kɛŋɔ wee aa dɛ chaah saŋ bɛlbwa nɔ.

Yela 89:26

Devid ɛɛ yer mɛɛ ŋɔ, ‘Henee n Mɛɛ ne Korowii maa dɛ tomɛ, he do kɛ Bwetal maa chwaa baa marɛ hɛɛ lɛɛ mɛ.’

Yela 48:3

Korowii lɔ o bwɛjen la ta, dɛɛ nyiŋi nɛra baa lɔ o ta nɛ.

Yela 21:1

N Naa Korowii, kooro dɛ hɛɡre bokpeɡa haa tɛo wa. O sie lɛo kohona pɔe haa ɡela o pɔ o dɔma nɛɛ la wa.

Yela 3:3

N Naa Korowii, henee dɛɛ tɔ mɛ ɡbemɡbe. N Naa Korowii, henee tɛ mɛ jirima, dɛ ɡel n dɔ hwɛɡa.

2 Samoɛl 22:2

O ŋɔ, “N Naa Korowii do kɛŋɔ Bwetal maa chwaa kaa marɛ, ne danjwɛkpeɡ dɛɛ lɛɛ mɛ,

Yela 89:24

N nyina aa wola jaɡa dɔe la nee mɛɛ ba o nyina, ásɛ o che n sɔn ta pɔ o bala nɛ.

2 Samoɛl 7:16

He naanar ɛɛ do lee saŋ bɛlbwa, ásɛ n ɡel he kora che kiŋkiŋ saŋ bɛlbwa dɛɛ la.”

2 Samoɛl 23:1

Jese bibaa Kooro Devid ɛ nomɛl Nemenɛ Korowii aa ɛo nɛnjen. Korowii Jekɔb aa tomɔ laanee leo cheɡ tɛ o te, asɛ o ɛ yelɡoɡoo Israel harɛ ta. Waa Kooro Devid aa ka mun bol laanee nɔ,