2 Samoɛl 22:44 - mzwDBL

⁴⁴ He lɛɛ mɛ le n nɛra baa ɛ deŋnekpeɡ tena nɔn ta, dɛ lee mɛ cheɡ kɛŋɔ harɛre bwa nyu te. Nɛra maa wola ban jemɛ baa do n lɔɡa.

2 Samoɛl 22:44 ပူးပေါင်းရင်းမြစ်များ

Aesaya 55:5

Kpelaa, hɛɛ yerɛ harɛre nɛra baa wola hen jemɛɛ, bá ba he be, harɛre nɛra haa wola ban jemɛ ɡe ɛɛ chwao ba he be. Men Israel Nɛŋɡoroŋ haa dɛ tom mɛ nomanta, baa ba he bee, jirima maa ɡela he dɔ la wa.”

2 Samoɛl 3:1

Laa la chɔ nɛra ba fa aa teŋɛ Kooro Sɔɔl nɛ ne Kooro Devid laa tena baah biɡri taeh. Kooro Devid ne o nɛra teŋɔ dɛɛ do kpeɡri, asɛ Kooro Sɔɔl ne o nɛra te nyoa ɛɛ sɔɔh.

2 Samoɛl 19:14

Juda harɛ laa tena bwa bambile lawɛ Kooro Devid waa la, asɛ ba bwa nyoa pɛ, dɛ kpɔ kala tɛo ŋɔ o ne o laa tena la bwa berɛ ba.

2 Samoɛl 19:9

Dɛ Israel tena la bwa dɛ tɔŋle dɔŋa ŋɔ, “N naa kooro lɛ yaa le ya dɔma nɔn ta, dɛ́ lɛ yaa Filisti tena ɡe nɔn ta, kɛ o berɔ koh Absalɔm wa, dɛ chwa le harɛ nɔ ta.

Mmarare 28:13

Dɛ he teŋɛ o waa maa kpɔa dɛɛ tɛ heyaa fini nɔ ta naa, wɛɛ ɛ heyaa sitɔɔla harɛre nɛra bwa nɛ. Haa ba nɛɛ teŋɛ bwa, he wobɛlbwa ɛɛ do werii haa wola harɛɛ lɔ bwa.

Wepila 11:15

Nyundua torome waa teŋa nuanɛ la hoh o bɛla. Waa hoah la, asɛ n no takpeɡa kohona nyundua o ŋɔ, “Harɛ nɔ ta kora bwa berɛ N Naa Korowii ne o Kristo waa tomɔ la kora. Wɛɛ di koraa saŋ bɛlbwa.”

Tɔn Pɔɔl Aa Chwerɛ Rom Tena 15:12

Asɛ Aesaya ɡe bol ja, dɛ ŋɔ, “Jese naa bɛl ɛɛ bao. On dɛ́ ir dɛ́ di kora nɛra baa wola Israel tena ɛɛ nɛ. O nɛɛ baa ba hwɛɡa dɔe.”

Tɔn Pɔɔl Aa Chwerɛ Rom Tena 9:25

Kenii o ŋɔ o keame Hosia tɔn bini. “Nɛra ba fa aa wola n nɛra ɛɛ n fa aa wola ban nyin la, mɛɛ yer baa n nɛra ne n nɛnnyinaa.”

Hosia 2:23

Mɛɛ kpɔ n nɛra Israel tenaa, ásɛ ba ba so harɛ la ta, nɛra n fa aa ŋɔa ‘Maa ban nyin la,’ ń berɛ nyin ba wa. Nɛra maa ŋɔa ‘Ba ta n nɛra ɛɛ la’, ń berɛ ŋɔ ‘Hé ɛ n nɛra’, ásɛ ba ŋɔ, ‘Henee Korowii yaa dɛ tomɛ la.’ ”

Daneɛl 7:14

Nɛn Waa Lole Saŋ La Bwa la tɛ nɛwɛnyini bie la kpeɡri, ne jirima dɛ kora dii, asɛ harɛre ne nɛra bwa soo siwi, dɛ wobol te bɛlbwa nɛra ɛɛ tomɔ. Wɛɛ di kpeɡrii saŋ bɛlbwaa dɛɛ la, o kora aa ɡu bwa.

Aesaya 65:1

Korowii ŋɔ, “N kpɔ n te baɡle nɛra baa wola n waa bɔɔrɛ, kɛ nɛra baa wola n bɔr ɡaaɡɛ laanee na mɛ. N yerɛ harɛ o nɛra aa wola men tomɛ dɛ ŋɔ, ‘Menee nɔ. Menee nɔ.’

Aesaya 60:12

Harɛre nɛra baa ŋɔa baa heyaa tomɛ la, ba harɛre ɛɛ paɡroo dɛ́ chɔɡ kwara.

Yela 110:6

Wɛɛ bol harɛre nɛra waa dɛ́ pa bole, ba serewe warɛ chɔ laa ta, dɛ́ kpoo harɛ nɔ ta koranar bwa.

Yela 18:43

He lɛɛ mɛ le nɛra baa cheɡɛ n nɛɛ bini, dɛ ɡel mɛɛ di kora harɛre nɛra nɛ, nɛra maa wola ban jemɛ laanee dɛɛ tom mɛ.

Yela 2:8

Soŋ mɛ, mɛɛ kpɔ harɛre bwaa tɛɛ.

2 Samoɛl 20:22

Ate, haah la kpɔ o liire waa ba a ne la tɛ nɛra la bwa, asɛ ba sɛh dɛ teŋe Seeba nyu dɛ kpɔ viɡru. Belaa o hoh bɛla la, asɛ o laa tena la bwa peɡre le bwɛjen la ta, asɛ bɛlbwa kaa o dem. Asɛ Joab ɡe berɛ kaa kooro be Jerusalam.

2 Samoɛl 5:1

Israel deene la bwa ba Kooro Devid be Hɛbrɔn dɛ ba ŋɔ, “Ya bwa ɛ he lolanar dɛ ɛ nɛmbeŋkpoŋ.

Aesaya 55:4

Menee ɛo harɛre nɛra sitɔɔ ne nomoa, ásɛ a che o nɛɛ ń baɡle n kpeɡri.