2 Samoɛl 22:10 - mzwDBL

¹⁰ O forɔ le nyundua dɛ ba harɛ, asɛ baama biŋere do o naa lɔɡre.

2 Samoɛl 22:10 ပူးပေါင်းရင်းမြစ်များ

1 Koranar 8:12

Anee Kooro Solomɔn soŋe Korowii ŋɔ, “N Naa Korowii, he ŋɔ hɛɛ so baama biŋere binii.

Yela 97:2

Baama ne biro baro cheme, waa aa toɡra ne kasinteŋ nee wɛɛ di kora.

Yela 144:5

N Naa Korowii, forɛ le nyundua, dɛ́ tu ba harɛ. Kpɔ nɔn leɡe bwejena, dɛ́ ɡel chuu le a ta.

Kaala 20:21

Dɛ ba ta cheɡɛ bojaŋ, asɛ Mosis ɡe ka bɛne bam waa bira kpirkpir bela Korowii aa lole la.

Matiu 27:45

Wee aa baa che nyufala la, bɔr biro jumaa ken dɛ ka tel wekee saŋ mɔɔ dɛ berɛ chaah ja.

Neehum 1:3

Korowii baah aa di warawara, o dɔ kpeɡri kohona. Waa wechɔɡ-ɛɛ bɛlbwaa ɡel dɛ o ta o deŋne tɛrɛ. Bobɛlbwa Korowii aa dɛ valɛ la, belaa kawulewule ne dompeu ɛɛ ta, asɛ baama ɛ o nakpale tutuɡ.

Yela 104:3

dɛ ma he sobɔr baama baŋ nyundua. He kpɔ baama berɛ kon waa do kɛŋɔ torɔɡo, dɛ so o bini dɛɛ kaa, a do kɛŋɔ peu aa dɔ kena dɛɛ kaa he ne la ken.

Mmarare 4:11

Hé bol ba be ɡɛ chuu kohona ne baama aa bira kpirkpir ane aa tɔa, ninlao ɛɛ hɔ a bini dɛɛ kaa nyundua, ɡɛ saŋ he fa aa cheɡɛ bwejen la lɔɡa la wa,

Kaala 19:16

Tɔpetooro wee la chɔɔ, bwaala nyɛɡlɔ dɛɛ kɔɡre kohona bam tɔ bwejen la doa bwa kpirkpir ken, asɛ bɛla sii ɛɛ le kohona. Nomɛlbwa waa soɡe o tɛnte dea bini ɔmɔ kohona.

Aesaya 63:19

Ya do kɛŋɔ nɛra he fa aa wola ya nɛɛ nyiŋe ka, kɛɛ ya ta he nɛra ɛɛ ken.