2 Samoɛl 21:7 - mzwDBL

⁷ Kooro Devid ne Jonatan ŋwɛɛra baa ŋwɛra baɡle dɔŋa Korowii sie nomanta, kooro ta Jonatan bibaa Mɛfebɔsɛt leɛ.

2 Samoɛl 21:7 ပူးပေါင်းရင်းမြစ်များ

2 Samoɛl 4:4

Dɛ Kooro Sɔɔl bibaa Jonatan dɔ bie bɛl baa yerɔ Mɛfebɔsɛt, o ɛ boobi. Waa di bene anue taa a le Jesreel ba kɛŋɔ Kooro Sɔɔl ne Jonatan sewɔ. Haah waa dɛ nyiŋi o nɛɛ la aa noa la, o kpɔɔ chwa. Waa dɛ too nomanta, bie la le o nɔn ta le harɛ, a taa a che o ɛ boobi.

1 Samoɛl 23:18

Belaa ba nɛra banɛ la fɔwɛ fɔo Korowii sie, Jonatan berɛ kaa dem, asɛ Devid te so Hɔrɛs bela.

1 Samoɛl 20:15

Baɡle ɡɛ nyina la n lolanar nɛ, ásɛ dɛ Korowii chɔɡ n dɔma bwa le harɛ nɔ ta kwaraa naa.

1 Samoɛl 18:3

Jonatan ne Devid vɔwɛ darame fɔo, dɛkalkɛŋɔ dɛ o dɛ nyin o waa kɛ o ɡbaɡba.

2 Samoɛl 9:10

He ne he bii ne bonɔɔna chɛ kɛŋɔ hé parɛ harɛ la, dɛ́ kpɔ o ta kondikwaa baa tɛo, ɡɛ aa ɛ ásɛ he nomoa naa dɔ kondikwa dɛɛ di. Onee n ne wɛɛ ba kondikwa dɛɛ dii n dem saŋ bɛlbwa.” Dɛ Siba dɔ bibaala fi dɛ banue dɛ bonɔɔna ɡe fifraanɛ.

1 Samoɛl 20:8

He te sune men maa ɛ he bonɔɔ nɔ nɛ, ásɛ dɛ teŋɛ fɔo n ne haa fɔwa Korowii sie la ta. Dɛ n di bolchɔɡe aa, he ɡbabir den kpo mɛ. Ɛrɛɛ chɛ kɛŋɔ he kpɔ mɛ tɛ he mɛɛ ɔ?”

1 Samoɛl 20:42

Jonatan ŋɔ Devid be ŋɔ, “Kaa deŋnesɔɔhna ne, ya bwa ŋwɛɛrɔ Korowii sɔn ta ŋɔ, ‘Korowii ɛ ya danseɛ dɛ́ chɔ le tɛ n ne hen, he naanar ne n ɡe naanar baah saŋ bɛlbwa dɛɛ la.’ ” Belaa Devid kaa asɛ Jonatan ɡe berɛ kaa bwɛɛ la ta.

1 Samoɛl 20:17

Jonatan ɡelɔ Devid berɛ kwaa baɡɛ nyoa kɛ wɛɛ dɛɛ nyin o waa kohonaa, dɛkalkɛŋɔ o dɛ nyin Devid waa kɛŋɔ o ɡbaɡba ken.

2 Samoɛl 19:25

Mɛfebɔsɛt aa le Jerusalam ba dɛ ba cheme kooro la, kooro bɔɔro ŋɔ, “Ɛrɛɛ he ta ɡelɛ n ne he kaalɔ?”

2 Samoɛl 16:4

Ate, kooro ŋɔ Siba be ŋɔ, “N dɛ ŋɔ he be kɛŋɔ komɛlbwa aa ɛ Mɛfebɔsɛt kwaa la ɛ he kwaa taraken.” Asɛ Siba ŋɔ, “N dɛ duuri, N naa kooro, ɡel he sie lɛ men maa ɛ he bonɔɔ nɛ.”

2 Samoɛl 9:7

Kooro Devid ŋɔ o be ŋɔ, “Dɛɛ berɛ ɔma, mɛɛ koh he mɛɛ Jonatan waa dɛ́ nyini kɛrɛdɛ. Mɛɛ berɛ he naa Kooro Sɔɔl harɛ la bwaa tɛɛ, ásɛ n ne he pɛ nɔn dɛɛ di kwa saŋ bɛlbwa n dem.”

1 Samoɛl 20:12

Ate, Jonatan ŋɔ Devid be ŋɔ, “Korowii Israel tena aa dɛ tomɔ la ɛ ya bwa danseɛ. Kerele saŋ nɔ bɔr, mɛɛ bɔɔ n mɛɛ waa nɔɔ, dɛ o ta liichɔɡa bɛlbwa dɔe he nɛ aa, mɛɛ ɡeloo he no.

2 Samoɛl 9:1

Awola bɛl, Kooro Devid bɔɔrɔ ŋɔ, “Nomɛl ta ka Kooro Sɔɔl dem ásɛ n koh Jonatan wa dɛ́ ɛo wedɛɛɡe aa?”

Wejereme 8:2

Dɛ kooro bol wa aa, nyiŋi kɛrɛdɛ dɛ́ ɛ ɡɛ waa ŋɔa, dɛkalkɛ he ŋwɛɛrɔ baɡle Korowii a wa.

1 Samoɛl 24:22

Anomanta, Devid ŋwɛɛrɔ baɡle Kooro Sɔɔl. Asɛ Kooro Sɔɔl berɛ kaa dem, kɛ Devid ne o laa tena la berɔ kaa bela ba fa aa kaa sɔh la.

2 Samoɛl 9:6

Jonatan bibaa Mɛfebɔsɛt waa ɛ Kooro Sɔɔl naa aa ba Kooro Devid be la, o ɡuŋu dɛ kpɔ duure tɛo. Belaa Kooro Devid ŋɔ, “Mɛfebɔsɛt!” O chaŋe ŋɔ, “N naa menee, he bonɔɔ.”