2 Samoɛl 21:6 - mzwDBL

⁶ Anomanta, lawɛ o naanar banuanɛ baa ɛ baala tɛ yaa yá kpoo ba dɛ́ saɡ ba Korowii sie Gebea waa ɛ Kooro Sɔɔl bwɛɛ nɔ ta.” Asɛ kooro chaŋe ŋɔ, “Mɛɛ lee baa tɛ heya.”

2 Samoɛl 21:6 ပူးပေါင်းရင်းမြစ်များ

1 Samoɛl 10:24

Samoɛl ŋɔ nɛra la bwa be ŋɔ, “Kɛ he bwa na nɛn Korowii aa leo kenɛ? Ya bini bɛlbwa toole dɛ do kɛ on.” Anee nɛra la bwa moo ŋɔ, “Kórowii tɛ kooro mkpajaŋ!”

1 Samoɛl 11:4

Toroma la aa tel Gebea bela Sɔɔl aa soɡa dɛ bol ɡɛ waa nɔ ba be la, ba wio kɛrɛdɛ.

1 Samoɛl 10:26

Sɔɔl ɡe berɔ kaa Gebea bela waa soɡa. Korowii ɡelɔ laa tena baa kpeɡa sie lɛ o nɛ, asɛ ba teŋɛ o nɛɛ kaa.

We-ɛɛla 13:21

A ɡɛ saŋ la ba soŋe Korowii ŋɔ ó tɛɛ ba kooro, asɛ o tɛɛ ba Kes bibaa Sɔɔl ŋɔ ó ɛ ba kooro. Dɛ Bɛnjamen dea biee on. Bene fifraanaarɛɛ Sɔɔl di kora la mɔɔ,

Matiu 27:5

Anee Judas kpɔ suuɡapoŋa la viɡri Korowii Dea bela, asɛ dɛ ka saɡɛ o te.

Ɛsta 9:10

baa ɛ Hamedata bibaa Heeman bibaala. Dɛ Heeman ɛ Juu tena dɔm. Kɛ Juu tena la ta ba komɛlbwa kpɔe kaa.

Ɛsra 6:11

N berɔ dɛɛ do heyaa kɛŋɔ nomɛlbwa waa ɛ deŋnekpeɡ waa nɔ ta la, bá tɛr dola le o dea ta dɛ́ seɡre o nyoa dɛ́ kpɔ tooh ó saɡɛ. O wechɔɡa waa ɛa nomanta, o dem paɡre dɛ́ berɛ puldoa.

2 Samoɛl 18:10

Kooro Devid laa tena la bɛl nao dɛ ŋɔ Joab be ŋɔ, “Nomoa, n na Absalɔm o saɡɛ dajen bɛl ta.”

2 Samoɛl 17:23

Ahetofɛl aa naa kɛŋɔ ba ta o waa la ta teŋɛ la, o pa laala dawɛ o keeɡo ta dɛ kpɔ sie pa o bwɛɛ dɛ kaa. O baa kwaa o dem wobɛlbwa tonɛ dɛ ka saɡɛ o te. Waa sewa la, o mɛɛwa huɡri bɔree ba ka huɡo.

1 Samoɛl 10:1

Belaa Samoɛl kpɔ ɔleve noo loŋbir dɛ fuɡe do Sɔɔl nyu ta, dɛ ɡbaaro pɛl bambile dɛ ŋɔ, “Korowii lee he ɛ o nɛra Israel tena sitɔɔ. Hɛɛ nyiŋi ba nɛɛ, dɛ́ lɛɛ ba le ba dɔma baa bar ba cheme nɔn ta. Anee dɛ́ baɡle kɛŋɔ Korowii lee he ɛ o nɛra Israel sitɔɔ.

Josua 10:26

Ate, Josua kpoo koranar la, dɛ kpɔ ba saɡre daa anue ta, ba saɡre ɡɛ naa, dɛ ka tel jɔmɔra.

Josua 8:29

O ɡelɔ ba saɡɛ bwɛjen Ai kooro daa ta, ka tel jɔmɔra. Wee aa baa jo la, o ɡelɔ ba fooru dɛ kpɔɔ ka ta Ai doonyojen baa cheɡɛ o ta dɛɛ jo bwɛɛ la ta la. Ba pa bwea dawɛ o nɛɛ a daŋɛ, dɛ ta chɔ bela ba le fini.

Mmarare 21:22

Anee Mosis berɛ ŋɔ, “Dɛ nomɛl ɛ wechɔɡa a chɛ kɛŋɔ bá kpoo, asɛ ba kpoo dɛ kpɔɔ ka saɡɛ daa ta naa,

Mumpar 40:22

asɛ dɛ teŋe paanowɔɔra nomoa la nyu ɡɛ Josef aa bola la.

Mumpar 40:19

Tɔpetooro wee la, kooro ɛɛ teŋe he nyuu, dɛ́ kpɔe ka saɡɛ daa ta, ásɛ jumbii ba di he ola.”

1 Samoɛl 24:21

Taraken nɔ, ŋwɛɛ Korowii kɛŋɔ haa n naanaree kpo kɛɛ haa n sɔnee fee le n mɛɛ lolanar bini.”

2 Samoɛl 19:28

N nabaa naanar bwa chɛ kɛ n naa kooro kpoo ba, kɛ he tɛ mɛ ŋwɛnɛ n ne he pɛ nɔn di kwa. N ta ŋwɛnɛ dɔe kɛ ń berɛ soŋe waane le hen n naa kooro be kpa.”

1 Samoɛl 24:22

Anomanta, Devid ŋwɛɛrɔ baɡle Kooro Sɔɔl. Asɛ Kooro Sɔɔl berɛ kaa dem, kɛ Devid ne o laa tena la berɔ kaa bela ba fa aa kaa sɔh la.

1 Webena 12:3

Ba sitɔɔla sɔne Ahiesa ne Joas, ba mɛɛ Sɛmaa, o le Gebea. Laa tena baa jaa la ɡee, Asmavɛt bibaala Jesial ne Pɛlɛt, ne Bɛraka dɛ Jehu waa le Anatɔt,