2 Samoɛl 21:2 - mzwDBL

² Kooro yerɛ Gebeɔn tena baa kaa la, dɛ bol waa baɡ ba. Dɛ Gebeɔn tena la ta Israel tena ɛɛ. Ba ɛ Amɔre tena bane Israel tena aa baɡ ba nyoa ŋɔ baa ban kpoo. Kɛ Kooro Sɔɔl siwi beɡrɔ wɛɛ nyin ba dɛ́ kpo, Israel ne Juda tena wa.

2 Samoɛl 21:2 ပူးပေါင်းရင်းမြစ်များ

Galaasia 4:17

Nɛra maa bol ba waa ŋɔ ba dɛ wili heyaa la, ba swɛɛ siwi dɛɛ ɛ kɛŋɔ baa dɛ nyin he waa la, kɛ waa aa lɔ ba nyu bini la aa were. Ba waa baa dɛ nyin ɛɛ laanee kɛŋɔ bá pere n ne he baah, ásɛ dɛ fe berɛ he sie kaa ba be.

Tɔn Pɔɔl Aa Chwerɛ Rom Tena 10:2

Kasinteŋ, n wono bol ba waa kɛŋɔ ba Korowii toma swɛɛ ba siwi te, kɛ baa on tomɛ aŋwɛnɛ ta.

2 Koranar 10:31

Kɛ ane a bwa, Kooro Jehu ta Korowii Israel tena aa dɛ tomɔ la mmarare ta teŋɛ o bambile bwa ne, dɛ teŋɛ wechɔɡa Kooro Jɛroboam aa ɛa, dɛ ɡel Israel tena ɡe ɛ wechɔɡa la ta.

2 Koranar 10:16

Kooro Jehu ŋɔ o be ŋɔ, “Ya kaa ásɛ he ka na ɡɛ Korowii waa aa lɔ n bini kɛrɛdɛ.” Asɛ ba bwa che Kooro Jehu torɔɡo la bini, dɛ kaa bwɛjen Samaria.

1 Samoɛl 14:44

Anee Kooro Sɔɔl ŋɔ, “Dɛ hen Jonatan ta sewaa, Korowii bɛ men ɡel.”

Mmarare 7:16

Harɛre nɛra Korowii haa dɛ tomɔ la aa kpɔa do he nɔn ta la, hé chɔɡ ba bwa. He bɛ ba sum na dɛ́ tomɛ ba voɡare ɡe, a do kɛŋɔ bela dɛ́ lawɛ heya.

Mumpar 15:16

He naanar bele banaarɛ ɛɛ ba kaaloo mɔɔ, he naanar berɛ ba harɛ nɔ ta, dɛkalkɛŋɔ Amɔre tena wechɔɡa baa dɛ ɛ la ta tele kɛ bá dɔ deŋnetɛra mɔɔ.”

Amanesoma Jɔn Aa Chwera Tɔn 16:2

Nɛra ɛɛ doŋi heyaa cheremi deene binii, ásɛ a ba saŋ bɛl kɛŋɔ bá kpoo heya, dɛɛ lii kɛŋɔ Korowii tetoowaa baa ɛ ɡɛ la.

2 Samoɛl 24:1

A habɔɔ la, Korowii baah di Israel tena baa lɔ weekaŋle nyundua la nɛɛ ja, dɛ ɡel Kooro Devid dɔ liire kɛŋɔ a chɛ kɛ ó la ka kure ba ne Juda tena baa lɔ weekaŋle harɛbɔr bwa ɡe.

1 Webena 1:14

ne Jebus ne Amɔre dɛ Girɡasi tena,