2 Samoɛl 21:1 - mzwDBL

¹ Kooro Devid kora dii saŋ la, lɔr chole harɛ la ta teŋɛ dɔŋa nɛɛ bene atoro. Anomanta, o bɔɔrɔ le Korowii be. Asɛ Korowii ŋɔ, “Kooro Sɔɔl ne o lolanar di bolchɔɡe nɛŋkpoa wa, dɛkalkɛ o kpoo Gebeɔn tena la ɡalɡa.”

2 Samoɛl 21:1 ပူးပေါင်းရင်းမြစ်များ

Mumpar 26:1

Asɛ lɔr bɛl chole harɛ la ta. Gɛ lɔr nɔ korɛ Abraham saŋ lɔr la ta. Anee Aesek ir kaa Filisti tena Kooro Abemɛlɛk be Gerar.

Mumpar 12:10

A kaa ba kɛ lɔrchɔɡe bɛl o nyoa aa kpeɡa chole Keenan harɛ la ta. Asɛ o ir bela dɛ kaa Ijipt harɛ ta ka so.

Yela 91:15

Ba wio yer mɛ naa, mɛɛ no ba bee, wenaale puu ba ɡe aa, mɛɛ che ba habɔɔ. Mɛɛ lɛɛ baa dɛ́ tɛɛ ba jirima.

Yela 50:15

Hé yer mɛ he wenaale tɔpere aa, mɛɛ ba lɛ heyaa, ásɛ he kpɔ duure tɛ mɛ.”

Job Tɔn 10:2

N Naa Korowii, Bɛ men bolchɔɡe pa, ɡel ń jemɛ waa aa bala n ne he dɔ.

2 Koranar 8:1

Dɛ Korowii keame Elaesa fa ŋɔ haah bɛl waa le Sunem o chum o bie seo ta la be ŋɔ, “Kpɔ he dem tena ka so bobɛlbwa haa dɛ nyin tama. Korowii ŋɔ lɔr ɛɛ chiɡ harɛ nɔ ta bonɔɔ bene anuanɛ.”

2 Koranar 6:25

Baa tɔ Samaria tena do la ɡelɔ lɔr chole Samaria, asɛ ba yoɡ keeɡo nyu suuɡapoŋa fifraanuatoro. Dɛ yoɡ kweah bena lakaja del suuɡapoŋa anue.

1 Koranar 18:2

Anomanta, Elaeja kpɔ o te ka baɡle Kooro Ahab. Dɛ lɔr waa chole bwɛjen Samaria kan taeh.

1 Koranar 17:1

Korowii keame bɛl fa lole baa yerɔ Elaeja, o ɛ Tisbe te dɛ le Gelead harɛ ta. Awola bɛl, o la Kooro Ahab be dɛ ka ŋɔ, “N cheɡɛ Korowii waa lole saŋ bɛlbwa Israel tena ɛɛ tomɔ sɔn ta dɛɛ ŋɔ he be ŋɔ mɛn aa ta, bwaala ɡe aa nɛɛ ba bene aa lɔ sie dɛɛ ba nɔ ta, nemenɛ a le n nyoa mɔɔ.”

2 Samoɛl 5:23

asɛ Kooro Devid ka bɔɔ le Korowii be ja, asɛ o chaŋo ŋɔ, “Hɛɛ berɛ sie pae dɛ́ kaa ba be. Hé bar ba ka che ba habɔɔ dɛ́ yoo ba daa ane baa dɛ yera balsam sie bela.

2 Samoɛl 5:19

Belaa Kooro Devid ka bɔɔ le Korowii be ŋɔ, “N Naa Korowii, ń la ka yo Filisti tena nɔ naa? Hɛɛ kpɔ baa do n nɔn taa kɛɛ?” Asɛ Korowii chaŋo ŋɔ, “Ir kaa, mɛɛ kpɔ baa do he nɔn taa, ásɛ he pɔ ba nɛ.”

1 Samoɛl 23:11

Keila tena ɛɛ sɛoh dɛ́ kpɔ mɛ tɛo wa aa? Kooro Sɔɔl ɛɛ bao ɡɛ he bonɔɔ aa noa la aa? N Naa Korowii Israel tena aa dɛ tomɛ, ɡel he bonɔɔ jemɛ.” Anee Korowii chaŋe ŋɔ, “Kooro Sɔɔl ɛɛ bao.”

1 Samoɛl 23:4

Devid berɔ bɔɔ waa le Korowii be asɛ o chaŋo ŋɔ, “Kaa Keila dɛ́ ka puu ba yo, mɛɛ ɡeloo he pɔ Filisti tena la nɛ.”

1 Samoɛl 23:2

Asɛ o bɔɔ Korowii ŋɔ, “Ń ka yo Filisti tena nɔ naa?” Anee Korowii chaŋo ŋɔ, “Kaa ka yoo ba, dɛ́ lɛ Keila tena ta.”

Josua 7:1

Israel tena la ɛ deŋnekpeɡ, dɛ kpɔ kwaa baa lea cheɡ tɛ Korowii waa ŋɔa ba bɛ kpɔ la ta. Baa bɛl baa dɛ yerɔ Akan, o mɛɛ sɔne Kaami. Kaami ɡe mɛɛ sɔne Simri, asɛ o nabaa sɔne Sɛra, o le Juda dea. A ɡɛ Akan nɔɔ kpɔ kwaa baa lea cheɡ tɛ Korowii waa ŋɔa ba bɛ kpɔ la, asɛ a che a ta Korowii baah di ba nɛɛ kohona la.

Nɛra Kura 27:21

Josua chɛ kɛŋɔ ó kpɔ o te dawɛ sɔfo Eliasa nɛ, dɛ́ che kwaa baa dɛ yera Urim ne Tumim ta, dɛ́ jemɛ waa men Korowii aa dɛ nyin kɛ wɛɛ ɛ. A ɡɛ taa sɔfo Eliasa ne Israel tena nɔ ɛɛ ba cheɡa, dɛ́ na ɡɛ baa dɛɛ ɛ.”

Lewi Dea Tena 26:26

Mɛɛ ɡeloo kondikwaa waa do kpeɡri, ásɛ haahna fi pɛ wɔɔ he paanoo bwa kombeŋkpoŋ baa kpɔa dɛɛ wɔɔ paanoo bini. Baa maɡa tɛ heya he di haa vaɡre.

Mumpar 43:1

Lɔr la nyoa baa do kpeɡri Keenan harɛ la ta,

Mumpar 41:57

Nɛra le harɛre ta dɛ la Josef be Ijipt harɛ, dɛ kaa yawɛ boyu, dɛkalkɛ dɛ lɔr la nyoa kpeɡri bobɛlbwa.

Mumpar 42:5

Jekɔb bii la ne Keenan harɛ ta tena banee pɛa la, dɛ ka yawɛ boyu la, dɛ harɛ la ta bwaa lɔr la do.

2 Samoɛl 16:8

Korowiirii bɔe kem Kooro Sɔɔl dem nɛra haa kpoora dɛ ba so o buɡ ta la. Korowii kpɔ he kora la tɛ he bibaa Absalɔm. He kora chɔɡɔ, nyubinikpeɡ haa ɛa kohona dɛ kpoo nɛra la wa.”

2 Samoɛl 20:26

dɛ Ira waa ɛ Jɛɛ te ɡe ɛ Kooro Devid sɔfore la bɛl.

2 Samoɛl 21:5

Anee ba chaŋo ŋɔ, “Kooro Sɔɔl dɛ nyin ó kpoo yaa, ásɛ ya bini bɛlbwa bɛ ka Israel harɛ nɔ ta.

2 Samoɛl 24:1

A habɔɔ la, Korowii baah di Israel tena baa lɔ weekaŋle nyundua la nɛɛ ja, dɛ ɡel Kooro Devid dɔ liire kɛŋɔ a chɛ kɛ ó la ka kure ba ne Juda tena baa lɔ weekaŋle harɛbɔr bwa ɡe.

Josua 9:20

A chɛ kɛŋɔ yá ɡel ba dɔ ba nyu ntam la wa, ásɛ Korowii baah bɛ ya nɛɛ ba di kɛŋɔ ya to ntam yaa ŋwɛɛra baɡ ba la.”

Rut Tɔn 1:1

Saŋ la Israel tena aa wola kooro dɔe mɔɔ, asɛ sitɔɔla yon dɛɛ nyiŋi bela harɛ ta la, dɛ lɔr lɔ harɛ la ta. Belaa baa bɛl waa le Bɛtlɛham o do Juda harɛ ta, ne o haah ne bibaala banɛ ir dɛ ba so Moab harɛ ta.

1 Samoɛl 10:22

Anee ba ka bɔɔ le Korowii be ŋɔ, “Sɔɔl ta bonɔ balɛ mɔɔ kɛɛ?” Asɛ Korowii ŋɔ, “O sɔh bone la habɔɔ.”

Yela 27:8

He fa ŋɔ n be ŋɔ, “Ba dɛ ba tom mɛ,” asɛ n chaŋe ŋɔ, “N Naa Korowii, mɛɛ bao,