2 Samoɛl 20:9 - mzwDBL

⁹ Joab bɔɔ Amasa ŋɔ, “N dam, ɛrɛɛ he bwara doɔ?” Belaa Joab kpɔ nɔndiɡ lawɛ Amasa tampona dɛ ɡbaaro pɛl o te.

2 Samoɛl 20:9 ပူးပေါင်းရင်းမြစ်များ

Maeka 7:2

Ba doŋi nɛra baa dɛ duu Korowii bwa le harɛ la ta, nomɛlbwa ta kae o waa toɡre kpa. Nɛra bwa chɔɔ dɛɛ kpa kɛŋɔ bá kpoo nɛra, bɛlbwa dɛ harɛ o dɔŋ bel dɛ́ dɔɔ lawɛ.

Yela 55:21

O nyoa wobol pwɛre kɛŋɔ noo ken, kɛ dɛ liichɔɡa lɔ o bambile ta, dɛ won mɔna kɛŋɔ kerenyɛɡ ken.

2 Samoɛl 3:27

Abna aa bera ba Hɛbrɔn la, Joab lawɔ o ne o ka che bwɛjen la doonyojen keŋkeŋ, a do kɛŋɔ waa dɛ nyin kɛ o ne o ɡbo bol waane ken. Belaa o kpɔ kere tɔɡɛ o tea dɛ kpoo. Gɛɛ a do Joab kpo Abna bɔ kem, o nime Asahɛl o fa aa kpoo la wa.

2 Samoɛl 15:5

Dɛ nomɛlbwa ba Absalɔm sie dɛ ba ɡuŋu waa, ó yon ha nɔn lawɛ naate dɛ́ ɡbaaro pɛl o te.

2 Samoɛl 17:25

Dɛ Absalɔm le Amasa o chiɡ Joab naa ta dɛ chɔ laa tena la nyoa. Amasa mɛɛ sɔne Jɛta, o le Israel harɛ ta. O nya sɔne Abiɡel. Abiɡel ɡe nya sɔne Nahas asɛ o nahaah ɛ Joab nya baa dɛ yerɔ Seruya la.

2 Samoɛl 18:29

Belaa kooro bɔɔ bonɔɔ la ŋɔ, “Absalɔm le a nyoa aa?” Anee Ahimas chaŋe ŋɔ, “N naa, Joab aa dɛ ba men toma la, n na wesaɡasaɡare ane, kɛ men he bonɔɔ aa a ɡɛ waa la bɛlbwa bini jemɛ.”

1 Koranar 2:32

Korowii ɛɛ bɔɔ kem nɛra waa kpoo ba la waa, dɛkalkɛ o le n mɛɛ habɔɔ dɛ ka yo nɛra banɛ dɛ kpoo ba kere ne. Banee, Nɛr bibaa Abna waa ɛ Israel laa sitɔɔ, ne Jɛta bibaa Amasa o ɡe aa ɛ Juda laa sitɔɔ. Dɛ ɡɛ nɛra la do kaih dɛ ɛ nɛndɛɛɡa ɡwaalo.

Jeremia 41:2

belaa Ismael ne baala fi baa jaa la ir kpɔ keri dɛ kpo Gedalia, dɛ onee Babelɔn kooro le ŋɔ wɛɛ nyiŋi harɛ la ta.

Sitɔɔla 3:15

Israel tena wio no Korowii ja, asɛ o le Bɛnjamen dea te Gɛra bibaa Ehud tɛɛ ba, ó ba lɛɛ ba. O ɛ ɡal te. Gɛ Ehud nɔɔ Israel tena tomɛ o kpɔ suuɡa ne kwaa baa bɔa dɛɛ tɛ Moab Kooro Ɛɡlɔn la dɛ ka tɛo.

Sɛɡla 26:23

Nɛn dɛ bol o dɔŋ bwara wedɛɛɡe kɛ dɛ dɔ o liichɔɡaa, a do kɛŋɔ baa ɛ suuɡapoŋ bɔle vii habɔɔ la.

Sɛɡla 27:6

He damdɛɛɡe dii kasinteŋ bɔ, kɛŋɔ he dɔm aa kpɔ nɔn dawɛ he vam ta.