2 Samoɛl 20:6 - mzwDBL

⁶ Belaa kooro ŋɔ Abisae be ŋɔ, “Seeba nɔ ɛɛ ba waa nee ba ta ya nɛ ɡwaa Absalɔm. Kpɔ he dɔɔ laa tena la dɛ ti ba, o ken ɛɛ ka nyin bwɛjena baa ma danjwɛjena bara la bɛl binii ka sɔh, dɛ́ chwa yaa.”

2 Samoɛl 20:6 ပူးပေါင်းရင်းမြစ်များ

1 Koranar 1:33

o ŋɔ ba be ŋɔ, “Hé kpɔ n koodem nomonome, dɛ n bie Solomɔn so n keeɡo la ta ja kaa Gehɔn bule ta.

2 Samoɛl 21:17

Asɛ Seruya bibaa Abisae ba dɛ ba lɛ kooro. O baa yo Filisti te la dɛ kpoo. Belaa Kooro laa tena la ŋwɛɛ baɡlo ŋɔ, “N naa kooro, haa ya nɛɛ teŋɛ la laa kpa, ɡɛɛ dɛ́ ɡel hen haa do kɛŋɔ kandea dɛ tɔ ya Israel tena sie nɔ, ba bɛ hen ba kpo, ásɛ Israel kandea dime, ya paŋɛ.”

2 Samoɛl 11:11

Belaa o chaŋe kooro ŋɔ, “Korowii Ne Nɛwɛnyina Fɔo Daka la ne Israel tena, dɛ Juda tena bwa soɡe tɛnte deene bini, asɛ n nomoa Joab ne n dɔɔ kooro laa tena ɡe do laa ta dɛ baŋre ba tɛnte dɛ so kpɔɡ bini. Ɛrɛɛ mɛɛ ba wona kaa n dem dɛ́ ka di kwaa nyɔ sen lɛ n sie, dɛ́ lawɛ n haah chɔ ɔ? N ŋwɛɛ Korowii kɛ he taa lole nɔ, maa won ɛ ɡɛ waa nɔ!”

1 Webena 18:12

Abisae nya Seruya kpoo Edom tena nɛra kaɡboŋa fi dɛ banuatoro, Yar Fɛlembɔjen bini.

1 Webena 11:20

Ate, Joab nime Abisae, onee fa chɔ nomonome batoro, ba ɡe aa ɛ banyoola la nyoa. O kpɔ lampea ka yo baala lafraatoro dɛ kpoo ba. Gɛ taa a che o lɛ sɔn kɛŋɔ banyoola batoro la.

2 Samoɛl 23:18

Ate, Joab nime Abisae, onee fa chɔ nomonome batoro ba ɡe aa ɛ banyoola la nyoa. O kpɔ lampea ka yo baala lafraatoro dɛ kpoo ba. Gɛ taa a che o lɛ sɔn kɛŋɔ banyoola batoro la.

2 Samoɛl 19:7

Ir le ka larawe he laa tena la bwara. N ŋwɛɛ Korowii o sɔn aa kana la kɛŋɔ dɛ he ta leɛ kaa laa, bɔr ne joe nɛmbeŋkpoŋ kwara aa he bee ka. Dɛ a fe ɛ wedoŋa dɛ ɡwaa anɔ la bwa haa naa le he bonɔɔne saŋ ba le fini.”

2 Samoɛl 18:12

Anee baa la ɡe chaŋɔ ŋɔ, “He tɛ mɛ suuɡapoŋa kaɡboŋ kwaraa naa, maa nɔnee kpɔ leɡe n dɔɔ kooro bibaa. Ya bwa no kooro waa waa bol he ne Abisae dɛ Itai be ŋɔ, ‘He koh n wa dɛ́ nyiŋi Absalɔm kɛrɛdɛ.’

2 Samoɛl 18:2

O bɔne laa tena la bini kuore atoro dɛ tom ba. Joab chɔ bɔrbeŋkpoŋ nyoa, asɛ Seruya bibaa Abisae waa ɛ Joab nime la chɔ nɛɛte nyoa, asɛ Itai waa ɛ Gat te la ɡe chɔ toorote nyoa. O ŋɔ o laa tena la be ŋɔ, “N ne heyaa dɛɛ ba kaala.”

2 Samoɛl 10:14

Amɔn tena aa na Siiria tena ba chwa dɛɛ kaa la, ba chwao le Abisae be dɛ kaa bwɛjen la bini. Anomanta, Joab ɡel Amɔn tena la yoi dɛ berɛ ba Jerusalam.

2 Samoɛl 3:39

Fini, Korowii fuɡe noo do n nyu ta dɛ lee mɛ cheɡ kɛ kooro te, kɛ n ɡwɛɡrɔ. Seruya bibaala nɔ kpeɡri ɡwaa n nɛ. Korowiirii dɛ́ bɔ nɛnchɔɡe waa ɛ ɡɛ nɔ kem ɡɛ aa chɛa.”

2 Samoɛl 3:30

Gɛɛ a do Joab ne o nime Abisae kpo Abna bɔ kem, kpoe waa kpo ba nime Asahɛl laa ta Gebeɔn la wa.

2 Samoɛl 2:18

Dɛ Seruya bibaala batoro lɔ bela. Banee Joab ne Abisae dɛ Asahɛl. Dɛ Asahɛl won chwae kɛŋɔ kweɡla ken.

1 Samoɛl 26:6

Anee Devid bɔɔ Ahemɛlɛk waa ɛ Hiti te, ne Seruya bibaa Abisae waa ɛ Joab dɔɔ la ŋɔ, “He bini umee dɛ́ ja n nɛɛ la Kooro Sɔɔl be bela baa baŋre ba tɛnte deene dɛ so laɔ?” Asɛ Abisae ŋɔ, “N ne hɛɛ lao.”

Jeremia 8:14

Korowii nɛra la ŋɔ, “Ɛrɛɛ ya bwa ta so nɔɔ? Yá boa ya nyoa. Hé ɡel ya chwa kaa bwɛjena baa ma danjwɛkpeɡa bara bini, dɛ́ den ka serewe bela. Korowii ŋɔ yá na waa dɛ́ serewe, dɛ do tɛɡchɔɡa nee ta tɛ yaa ŋɔ yá nyɔ, wechɔɡa yaa ɛa dɛ jo o nɛɛ la wa.

Amanesoma Mak Aa Chwera Tɔn 3:24

Dɛ sɛɡ ba ŋɔ, “Dɛ harɛ bɛl ta tena bini pere anɛ asɛ baa yo aa, o dɛ paɡre.